Ang pagpaslang kay Director Mauricio “Morie” Pulhin ay isang matinding dagok hindi lamang sa kanyang pamilya kundi sa buong institusyon ng Mababang Kapulungan ng Kongreso. Ang kanyang tapat na paglilingkod ay hindi nararapat tapusin sa karahasang walang paliwanag.
Makabuluhan at makatao ang naging hakbang ni Speaker Ferdinand Martin G. Romualdez sa pagdalaw sa burol at sa paninindigang hindi ito palalampasin. Ang kanyang pahayag na “Justice delayed is justice denied” ay dapat magsilbing paalala sa ating mga awtoridad na ang imbestigasyon ay hindi dapat basta pormalidad—ito ay tungkulin ng pamahalaan sa bawat mamamayan, lalo na sa mga lingkod-bayan.
Ang pagkakabuo ng isang Special Investigation Team ay simula pa lamang. Kailangan itong bantayan ng publiko at ng mismong liderato ng Kongreso upang matiyak na hindi mauuwi sa isa na namang unsolved crime ang kasong ito. Sa panahong laganap ang takot at impunidad, ang pinakamainam na tugon ay ang mabilis, malinaw, at makatarungang paghahatol.
Hindi ito dapat maging normal. At lalong hindi dapat patahimikin ng karahasan ang mga lingkod-bayan. Hustisya para kay Director Pulhin ay hustisya para sa buong sambayanan.
No comments:
Post a Comment