CHRISTMAS MESSAGE
Speaker Faustino “Bojie” G. Dy III
Ngayong Pasko, humihinto tayobilang isang bayan upang magpasalamat, magnilay, at muling yakapin ang pag-asa. Sa bawat ilaw na kumikislap at ngiting ibinabahagi, alalahanin po natin ang tunay na diwa ng Pasko: ang pagmamahalan, malasakit sa kapwa, at ang paniniwalang mas nagiging makabuluhan ang lahat kapag tayo’y nagkakaisa.
Sa kabila ng mga pagsubok, pinili nating manaig ang katapatan, paggalang sa batas, at mahinahong pagkilos. Sa sama-samang pagtutulungan, unti-unti nating ibinabalik ang tiwala at inilalatag ang mas maliwanag na kinabukasan. Ito ang paninindigan ng Bagong Pilipinas—isang pamahalaang malinaw ang direksyon at may pananagutan sa mamamayan.
Nawa’y ang hiwaga ng Pasko ang magpatibay sa ating pagkakaisa at magbigay-sigla sa ating paglilingkod sa kapwa.
Mula po sa Kapulungan ng Kinatawan at sa aking pamilya, isang masaya, mapayapa, at Paskong puno ng pag-asa para sa bawat Pilipinong tahanan.
OOOOOOOOOOOOOOOOOOO
SPEAKER DY: KAMARA IPINASA ANG 12 LEDAC PRIORITY BILLS BAGO ANG CHRISTMAS BREAK
NAGPASA ANG KAMARA DE REPRESENTANTES NG LABINDALAWANG (12) PRIORITY MEASURES NG LEGISLATIVE EXECUTIVE DEVELOPMENT ADVISORY COUNCIL O LEDAC SA IKATLO AT HULING PAGBASA BAGO MAGSUSPENDE PARA SA CHRISTMAS BREAK.
MALINAW SA MGA IPINASANG PANUKALA ANG PAGTUTUON SA KAPAKANAN NG IBA’T IBANG SEKTOR. KABILANG DITO ANG ASSISTANCE TO INDIVIDUALS IN CRISIS SITUATION (AICS) BILL PARA MA-INSTITUSYONALISA ANG CRISIS AID PROGRAM; ANG NATIONAL REINTEGRATION BILL PARA SA MAS MADALING PAGBALIK AT PAGBANGON NG OFWS; AT ANG NATIONAL CENTER FOR GERIATRIC HEALTH BILL PARA SA MAS PINABUTING SERBISYONG MEDIKAL NG MGA NAKATATANDA.
TINUTUKAN DIN ANG EDUKASYON SA PAMAMAGITAN NG MGA PANUKALANG AMYENDA SA GOVERNMENT ASSISTANCE TO STUDENTS AND TEACHERS IN PRIVATE EDUCATION ACT AT SA TEACHERS PROFESSIONALIZATION ACT.
KABILANG PA SA MGA LUMUSOT SA IKATLONG PAGBASA ANG BLUE ECONOMY ACT; PAGPAPALAKAS SA ENERGY REGULATORY COMMISSION (ERC); WASTE-TO-ENERGY PROMOTION BILL; PANUKALANG PAGTATATAG NG DEPARTMENT OF WATER RESOURCES; MGA AMYENDA SA NATIONAL BUILDING CODE AT BANK SECRECY LAW; AT ANG PAGPAPALAWIG NG ESTATE TAX AMNESTY PERIOD.
LIMANG IBA PANG LEDAC PRIORITY BILLS ANG NASA YUGTO NG COMMENTS AT CONCURRENCE NG COMMITTEES ON APPROPRIATIONS AT WAYS AND MEANS, HABANG LABINLIMA (15) PA ANG NASA REVIEW NG MGA KAUKULANG KOMITE.
NANAWAGAN SI SPEAKER FAUSTINO “BOJIE” DY III SA MGA MAMBABATAS NA PATULOY NA I-ANGAT ANG SERBISYO PUBLIKO SA PAMAMAGITAN NG MAKABULUHANG BATAS. ANIYA, “ANG TUNAY NA KAGALAKAN SA PAGLILINGKOD-BAYAN AY NAGMUMULA SA KAALAMAN NA MAY BATANG NAKAPAGTAPOS, MAY PASYENTENG GUMALING, AT PAMILYANG NAGKAROON NG PAG-ASA DAHIL SA TAPAT NA PAGLILINGKOD.”
KURO-KURO
ANG PAGLUSOT NG 12 LEDAC PRIORITY BILLS AY PATUNAY NG MAS MATIBAY NA LEGISLATIVE MOMENTUM NG KAMARA.
NAGPAPAKITA ITO NG MALAWAK NA SAKLAW NG MGA REFORMANG TINUTUTUKAN—MULA SA EDUKASYON AT KALUSUGAN HANGGANG SA ENERHIYA, TUBIG, WASTE MANAGEMENT AT FINANCIAL GOVERNANCE.
NGUNIT NANANATILING PANGUNAHING HAMON ANG IMPLEMENTASYON: KUNG PAANO ANG MGA BATAS NA ITO’Y MAIPATUTUPAD SA LUPANG TINUBUAN NG MGA MAMAMAYAN, KUNG SAAN NAKASALALAY ANG TUNAY NA SUKAT NG EPEKTIBONG PAGLILINGKOD.
OOOOOOOOOOOOOOOOOOO
ADIONG: NILINAW: “WALANG PORK BARREL SA 2026 NATIONAL BUDGET”
NAGLABAS NG MALINAW NA PAHAYAG SI LANAO DEL SUR 1ST DISTRICT REPRESENTATIVE AT HOUSE COMMITTEE ON APPROPRIATIONS VICE CHAIRPERSON ZIA ALONTO ADIONG UPANG ITUWID ANG MGA INTERPRETASYON SA KANYANG PANAYAM SA THE BIG STORY NG ONE NEWS NOONG DECEMBER 22, 2025.
GIIT NI ADIONG, HINDI SIYA KAILANMAN NAGKUMPIRMA NA MAY PORK BARREL SA 2026 GENERAL APPROPRIATIONS BILL.
ANIYA, SA MAS MAHABANG BAHAGI NG INTERVIEW, MALIWANAG NA KABALIGTARAN ANG KANYANG SINABI.
PALIWANAG NIYA, ANG SAGOT NIYANG “YES” AY HINDI PAG-AMIN KUNDI PAGKILALA LAMANG SA INTERRUPTION NG HOST AT SA MGA PANGAMBA NG PUBLIKO TUNGKOL SA PORK BARREL. MATAPOS NITO, AGAD NIYANG IPINALIWANAG NA ANG PORK BARREL AY MGA LUMP SUM FUND—AT KAAGAD NA SINABI ANG “BUT” NA NAGLILINAW NA ANG 2026 BUDGET AY LINE-BY-LINE ANG NILALAMAN.
BINIGYANG-DIIN NI ADIONG NA WALANG LUMP SUM APPROPRIATIONS SA 2026 BUDGET.
ANG NATIONAL EXPENDITURE PROGRAM (NEP) NA ISINUMITE SA KONGRESO AY PARE-PAREHONG MAY SPECIFIC PROJECTS, PURPOSES AT IMPLEMENTING AGENCIES—WALANG PUWANG PARA SA DISCRETIONARY O NAKATAGONG PONDO.
DAGDAG NIYA, ANG BADYET AY DUMAAN SA MALAWAK NA PAGSUSURI AT ANG MGA PAGBABAGO AY NAITALA LAMANG SA PAGTAAS O PAGBAWAS SA EXISTING LINE ITEMS—LANTARAN AT HINDI NAGBUO NG BAGONG LUMP SUM O MGA TAGONG ALLOCATION.
“TINITIYAK NAMIN NA ANG 2026 NATIONAL BUDGET AY SUMUSUNOD SA KONSTITUSYON—MAY TRANSPARENCY, SPECIFICITY AT ACCOUNTABILITY,” ANI ADIONG, HABANG PINATITIBAY ANG PANININDIGAN NG KAMARA NA PANATILIHING MALINIS AT MATAPAT ANG PROSESO NG PAGBUO NG BADYET.
KASALUKUYANG NAKIKIPAG-UGNAYAN ANG TANGGAPAN NI ADIONG SA ONE NEWS UPANG ITUWID ANG PAGKAKALATHALANG STATEMENT SA SOCIAL MEDIA.
KURO-KURO
SA GITNA NG MGA UMUUGONG NA USAPIN TUNGKOL SA PORK BARREL, MAHALAGA ANG AGARANG PAGLINAW NI ADIONG—HINDI LAMANG UPANG ITUWID ANG ISANG CLIP NA PUWEDENG MA-MISINTERPRET, KUNDI UPANG IPAGLABAN ANG CREDIBILITY NG BUONG BUDGET PROCESS.
KUNG TALAGANG LINE-BY-LINE ANG BADYET AT WALANG LUMP SUM, MALAKING HAKBANG ITO SA PAGSASAULI NG TIWALA NG PUBLIKO.
PERO KATULAD NG LAHAT NG BADYET, ANG TUNAY NA USAPIN AY HINDI LAMANG ANG NILALAMAN KUNDI ANG IMPLEMENTASYON—DOON MALALAMAN KUNG TUNAY NA MAY TRANSPARENCY AT ACCOUNTABILITY.
OOOOOOOOOOOOOOOOOOOOO
DIOKNO: NANAWAGAN NG MALAWAKANG IMBESTIGASYON SA PAGKAMATAY NI USEC. CABRAL; KINUWESTYON ANG PAGKAANTALA SA PAG-APPLY NG CYBER WARRANTS
NANAWAGAN SI AKBAYAN PARTY-LIST REPRESENTATIVE CHEL DIOKNO NG MALAWAK, MALINAW AT KOMPREHENSIBONG IMBESTIGASYON SA PAGKAMATAY NI DATING DPWH UNDERSECRETARY CATALINA CABRAL, NA MAY MAHALAGANG KAALAMAN UMANO SA MGA ANOMALYA SA INFRASTRUCTURE AT FLOOD CONTROL PROJECTS NG AHENSIYA.
KASAMA NI DIOKNO SINA REPS. EDGAR ERICE, LEILA DE LIMA, PERCI CENDAÑA, DADAH ISMULA, KAKA BAG-AO, KRISEL LAGMAN, LEANDRO LEVISTE AT ELI SAN FERNANDO SA PAGHAHAIN NG HOUSE RESOLUTION PARA SA MALALIMANG PAGSISYASAT.
ANIYA, BATAY SA MGA PAGDINIG SA KAMARA, TAGLAY NI CABRAL ANG MALAWAK NA KAALAMAN SA MGA IRREGULARITY NA KINASASANGKUTAN NG MGA KONTRATISTA, PROPONENTS AT MGA INDIBIDWAL UMANONG NASA LIKOD NG MGA ANOMALYA.
BINIGYANG-DIIN NI DIOKNO, “HINDI LANG NIYA ALAM ANG MGA KONTRATISTA AT PROPONENT—MUKHANG KILALA RIN NIYA ANG MGA NASA LIKOD NG MGA ANOMALYA. HUWAG NATING HAYAANG MAILIBING ANG MAHALAGANG IMPORMASYONG ITO KASABAY NG KANYANG PAGLIBING.”
DAGDAG PA NIYA, KAILANGANG ALAMIN NG KONGRESO ANG TOTOO AT TUNAY NA SANHI NG PAGKAMATAY NI CABRAL AT ANG MGA DETALYENG POSIBLENG HINDI PA NAUUNGKAT. KAYA NANGANGAKO SIYA NA ITUTULAK ANG PANUKALANG BATAS PARA SA DEATH INVESTIGATION AT AUTOPSY LAW.
SAMANTALA, KINUWESTYON DIN NI DIOKNO ANG PAGKAANTALA SA PAG-APPLY NG MGA KINAUUKULANG CYBER WARRANTS, PARTIKULAR YAONG MAY KAUGNAYAN SA MGA OPISYAL NG DPWH. IPLINANO NA RAW NIYANG HIKAYATIN SINA DPWH SECRETARY VINCE DIZON NA GUMAMIT NG CYBER WARRANTS AT I-PRESERVE ANG MGA ELECTRONIC DEVICES NG MGA SANGKOT NA OPISYAL HABANG MAAGA PA.
“ANG NAKAPAGTATAKA, KAHAPON LANG SILA NAG-APPLY NG CYBER WARRANTS—AT PAGKATAPOS PA NG PAGKAMATAY NI USEC. CABRAL,” ANI DIOKNO, KUNG KAYA’T ISA ITO SA MGA ISYUNG TUTUTUKAN NG MABABANG KAPULUNGAN SA DARATING NA IMBESTIGASYON.
KURO-KURO
ANG PANAWAGAN NI DIOKNO AY SUMISIKLAB SA SENTRO NG MGA TANONG: MAY NAGKAROON BA NG PAGPAPALUWAG SA PAGPROTEKTA NG EBIDENSYA?
KUNG TUNAY NA MAY MAHALAGANG KAALAMAN SI CABRAL, ANG PAGKAANTALA SA CYBER WARRANTS AY HINDI LAMANG PROSEDYURAL NA ISYU—ITO AY USAPIN NG TIWALA AT CREDIBILITY NG MGA AHENSYANG DAPAT NAGTATAGUYOD NG TRANSPARENCY.
ANG IMBESTIGASYON NG KAMARA AY MAGIGING LITMUS TEST SA KUNG GAANO KASERYOSO ANG PAMAHALAAN SA PAGSUGPO NG ANOMALYA SA INFRASTRUCTURE SECTOR.
OOOOOOOOOOOOOOOOOOO
SPEAKER: KAMARA NAG-SUSPEND NG SESYON BAGO MAG-PASKO MATAPOS ANG MAKASAYSAYANG PAG-APRUBA NG 2026 NATIONAL BUDGET
SINUSPENDE NA NG KAMARA DE REPRESENTANTES, SA PAMUMUNO NI SPEAKER FAUSTINO “BOJIE” G. DY III, ANG SESYON NITO BAGO ANG CHRISTMAS BREAK MATAPOS ANG HISTORIKONG PAGTATAPOS NG DELIBERASYON SA P6.793-TRILYONG 2026 NATIONAL BUDGET—ANG KAUNA-UNAHANG OPEN AT LIVESTREAMED BICAMERAL CONFERENCE COMMITTEE SA KASAYSAYAN NG BANSA.
ITO ANG NAGTATAMPOK SA TAONG NAPUNO NG MALALAKING REPORMA, MGA PRIORITY BILL, AT MODERNIZATION EFFORTS NG KONGRESO HABANG SINISIGURONG TAPOS ANG BADYET AT NAAABANTE ANG MGA PANUKALANG BATAS BAGO PANSAMANTALANG MAG-ADJOURN.
SA KANIYANG CLOSING REMARKS, IGINIIT NI DY NA ANG OPEN BICAM AY “TURNING POINT” PARA SA TRANSPARENCY SA BUDGET PROCESS. ANIYA, “ITO ANG KAUNA-UNAHANG OPEN BICAM SA ATING KASAYSAYAN—ISANG MAHALAGANG HAKBANG TUNGO SA MAS BUKAS AT MAPAGKATIWALAANG PAGGAWA NG BADYET.”
GIIT NG SPEAKER, ANG PAGIGING BUKAS NG PROSESO AY NAGBUONG NG ISANG NATIONAL BUDGET NA “MAAARING PAGKATIWALAAN”—BADYET NA WALANG ITINAGONG INSERTIONS AT HINDI MINADALI.
PINURI NI DY ANG MGA MIYEMBRO NG 20TH CONGRESS, MAJORITY LEADER FERDINAND ALEXANDER “SANDRO” MARCOS, AT APPROPRIATIONS CHAIR MIKAELA ANGELA SUANSING, KASAMA ANG BUONG BICAM PANEL, SA MATAGUMPAY NA PAGDALA NG NEGOSASYON.
ANI DY, “HISTORIC ANG BADYET NA ITO DAHIL HINDI LAMANG SA TRANSPARENT NA PROSESO, KUNDI SA LINAW NG MGA PRAYORIDAD—BUDGET NA HUGOT SA PAGMAMAHAL SA BAYAN, MALALIM NA PAG-UNAWA SA ATING MGA KABABAYAN, AT TUNAY NA PAGMAMALASAKIT.”
TINUKOY DIN NIYA ANG MALAKING BENEPISYO SA EDUKASYON, KALUSUGAN AT AGRIKULTURA.
PINAKAMALAKI KAILANMAN ANG PONDO NG EDUKASYON: KATUMBAS NG 4.1% NG GDP, MAHIGIT 25,000 SILID-ARALAN ANG IPA-PATAYO O IRE-REHABILITATE, AT NAIBALIK ANG FULL FUNDING NG UNIVERSAL ACCESS TO QUALITY TERTIARY EDUCATION PROGRAM.
SA KALUSUGAN, PINAIGTING ANG PHILHEALTH AT MAIFIP PARA SA ZERO-BALANCE BILLING NG INDIGENT PATIENTS. SA AGRIKULTURA, PINALAKAS ANG PONDO PARA SA FARM-TO-MARKET ROADS, IRRIGATION, MECHANIZATION, CROP INSURANCE AT SUBSIDIES UPANG TULUNGAN ANG MGA MAGSASAKA AT MANGINGISDA.
ANI DY, “ANG BADYET NA ITO AY HINDI NUMERO LAMANG—ITO AY PAGKAIN SA HAPAG, GAMOT SA OSPITAL AT EDUKASYONG NAGBUBUKAS NG MAS MALIWANAG NA BUKAS.”
MULING MAGPUPULONG ANG KAMARA SA DISYEMBRE 29 PARA RATIPIKAHIN ANG BICAM REPORT—ANG HULING HAKBANG BAGO LAGDAAN NG PANGULO ANG 2026 BUDGET.
KURO-KURO
ANG OPEN BICAM AY MAAARING MAGBUKAS NG PANIBAGONG PAMANTAYAN SA TRANSPARENCY—ISANG PROSESONG MATAGAL NANG HINIHILING NG TAO.
NGAYON, ANG TUNAY NA HAMON AY NASA IMPLEMENTASYON: ANG PAGPAPATUNAY NA ANG HISTORIKONG BUDGET NA ITO AY HINDI LAMANG PAMANA NG REFORMA KUNDI TUNAY NA MAGBUBUNGA NG SERBISYO AT PAG-UNLAD SA PAMILYA, MAGSASAKA, MAG-AARAL AT PASYENTE SA BUONG BANSA.
OOOOOOOOOOOOOOOOOOO
YAMSUAN: MGA SAFEGUARD SA BICAM-OKAY NA 2026 BUDGET TITIYAK NA MARAMDAMAN NG TAO ANG MGA PROGRAMA NG GOBYERNO
TINIYAK NI PARAÑAQUE 2ND DISTRICT REPRESENTATIVE BRIAN RAYMUND YAMSUAN NA ANG MGA SAFEGUARD NA INILAGAY SA SPECIAL PROVISIONS NG PROPOSED P6.793-TRILYONG 2026 GENERAL APPROPRIATIONS ACT AY MAGPAPASIGURO NA ANG MGA PROGRAMA AT PROYEKTO NG PAMAHALAAN AY HINDI MAGIGING BIKTIMA NG PULITIKA AT DIREKTANG MARAMDAMAN NG MAMAMAYAN.
AYON KAY YAMSUAN, PATULOY NA TINATAPOS NG TECHNICAL STAFF NG SENADO AT KAMARA ANG PINONG PAG-AYOS NG RECONCILED BUDGET BILL NA INAPRUBAHAN NG BICAM SA MGA PAGDINIG NITONG DISYEMBRE 13 HANGGANG 17. ILAN SA MAHALAGANG PAGTAAS NA APRUBADO NG BICAM AY ANG P1.38 TRILYON PARA SA SEKTOR NG EDUKASYON AT ANG P129.7 BILYON PARA SA PHILHEALTH.
GIIT NIYA, “ANG MAHALAGA AY MA-EXECUTE NANG MAAYOS ANG MGA PROGRAMANG ITO PARA TALAGANG MARAMDAMAN NG ATING MGA KABABAYAN.” IDINIIN DIN NIYANG KATUWANG NG MAMBABATAS ANG EXECUTIVE DEPARTMENT UPANG MASIGURONG MAKARARATING ANG MGA PROGRAMA SA TAO.
SA ILALIM NG BICAM-APPROVED BUDGET, TATAAS ANG PONDO NG DEPED AT MGA ATTACHED AGENCIES SA P961.3 BILYON; MAGTATALA NG P138 BILYON ANG SUCS; P47 BILYON SA CHED; AT P26 BILYON SA TESDA. KASABAY NITO, ITINAAS ANG PONDO NG PHILHEALTH MULA P53.2 BILYON SA NEP HANGGANG P129.7 BILYON MATAPOS MAGLAGAY NG KARAGDAGANG P60 BILYON ANG KAMARA AT P16.5 BILYON MULAT SA DPWH SAVINGS.
MULA SA RECOMPUTATION NG DPWH BUDGET AY NAKAGENERATE NG P20.7 BILYONG SAVINGS — P16.5 BILYON DITO AY NAPUNTA SA PHILHEALTH AT P4.25 BILYON SA NATIONAL DISASTER RISK REDUCTION AND MANAGEMENT FUND.
TUMAAS DIN ANG PONDO PARA SA DOH HOSPITALS: MULA P26.4 BILYON HANGGANG P29.9 BILYON PARA SA DOH-RUN HOSPITALS; P95.2 BILYON HANGGANG P101.7 BILYON PARA SA REGIONAL HOSPITALS; AT ANG HFEP MULA P14.5 BILYON HANGGANG P26.2 BILYON.
BINIGYANG-DIIN NI YAMSUAN NA MAY MGA SAFEGUARD SA DPWH PROJECTS GAYA NG MANDATORY GEOGRAPHIC COORDINATES, STATION NUMBERS, AT TRANSPARENCY PORTAL PARA MASURI NG PUBLIKO ANG MGA PROYEKTO.
SINUPORTAHAN DIN NIYA ANG PAGTAAS NG LOCAL GOVERNMENT SUPPORT FUND MULA P28 BILYON HANGGANG P37 BILYON, UPANG PALAKASIN ANG LOKAL NA AWTONOMIYA.
PINABULAANAN NAMAN NI YAMSUAN ANG MGA PANGAMBA NA MAY “PORK” ANG 2026 BUDGET, PARTIKULAR SA MGA “SOFT PROJECTS” GAYA NG MEDICAL ASSISTANCE TO INDIGENTS AND FINANCIALLY INCAPACITATED PATIENTS (MAIFIP).
GIIT NIYA, NASA DOH ANG PONDO NG PROGRAMA AT REKOMENDASYON LAMANG ANG MGA GUARANTEE LETTERS NG MGA MAMBABATAS.
ANIYA, MAHALAGA PA RIN ANG MAIFIP HABANG HINDI PA LUBUSANG NAPAPATUPAD ANG UNIVERSAL HEALTH CARE. “KAPAG NAGING GANAP NA EPEKTIBO ANG PHILHEALTH, HANDA KAMING ISUKO ANG MAIFIP,” ANI YAMSUAN.
KURO-KURO
ANG MGA SAFEGUARD NA ITO AY MAHALAGANG MEKANISMO UPANG MAPIGILAN ANG PATRONAGE POLITICS AT MASIGURONG ANG TRILYONG PISO NG 2026 BUDGET AY HINDI LAMANG MAY NUMERO KUNDI MAY TUNAY NA IMPAKTONG PANGKALAHATAN.
HAMON NGAYON AY ANG MAAYOS NA IMPLEMENTASYON—SAPAGKAT ANG PAGKAKAAPRUBA NG BUDGET AY SIMULA LAMANG NG MAS MALAKING GAWAIN SA PAGHATID NG SERBISYO SA TAO.
OOOOOOOOOOOOOOOOOOO
SPEAKER DY: NAGLUKSA SA PAGPANAW NI REP. ROMEO M. ACOP; BINIGYANG-PURI ANG TAPAT AT MATAPANG NA PAMUMUNO NG MAMBABATAS
NAGPAABOT NG MALALIM NA PAKIKIRAMAY SI SPEAKER FAUSTINO “BOJIE” G. DY III SA PAGPANAW NI ANTIPOLO CITY 2ND DISTRICT REPRESENTATIVE ROMEO MACUSI ACOP, NA KANIYANG INILARAWAN BILANG ISANG TUNAY NA HUWARAN NG TAPANG, KATAPATAN AT INTEGRIDAD SA SERBISYO PUBLIKO.
AYON SA SPEAKER, SI ACOP AY ISANG LINGKOD-BAYAN NA WALANG PAG-AALINLANGANG IPAGLABAN ANG TAMA. SA BAWAT TUNGKULIN NA KANIYANG HINAWAKAN, MAKIKITA ANG MATIBAY NA PANININDIGAN NA ANG BATAS AY DALUYAN NG KAPAKANAN NG MAMAMAYAN, AT ANG KAPANGYARIHAN AY ISANG PANANAGUTAN—HINDI PRIBILEHIYO.
GIIT NI DY, MALAKING PAGKAWALA ANG KANYANG PAGYAON HINDI LAMANG SA KONGRESO KUNDI PARA RIN SA MGA TAO NG ANTIPOLO AT SA BUONG SAMBAYANANG PILIPINO. SUBALIT KAHIT WALA NA SI ACOP, NANANATILING BUHAY ANG KANYANG PAMANA NG TAPAT, DISIPLINADO AT MAKABANSANG PAGLILINGKOD.
PINASALAMATAN NIYA ANG MAKABULUHANG KONTRIBUSYON NI ACOP, NA ANIYA’Y NAG-IWAN NG MATAAS NA PAMANTAYAN SA MGA INSTITUSYONG KANIYANG PINAGLINGKURAN—HINDI LAMANG PARA SA MGA KASAMAHAN SA KAMARA KUNDI PARA SA MGA SUSUNOD NA HENERASYON NG MGA PINUNO.
NAGPAABOT DIN NG PAKIKIRAMAY ANG MABABANG KAPULUNGAN SA PAMILYA, MGA KAIBIGAN, AT MGA MAHAL SA BUHAY NG YUMAONG MAMBABATAS, NA INILALARAWAN NI DY BILANG ISANG PINUNONG ANG SERBISYO AT DANGAL AY HINDI MALILIMUTAN.
KURO-KURO
ANG PAGPANAW NI REP. ACOP AY MULING NAGPAPAKITA NA SA GITNA NG MGA HAMON SA POLITIKA AT PAMAHALAAN, MALIWANAG NA MAHALAGA ANG MGA PINUNONG MAY INTEGRIDAD AT TAPANG NA TULAD NIYA.
KUNG ANG PAMAMANA NI ACOP AY PAGLILINGKOD NA MAY KATAPATAN, DIPLOMASYA AT DISIPLINA, ANG HAMON NGAYON AY PANATILIHIN ANG GANITONG PAMANTAYAN SA LAHAT NG SANGAY NG GOBYERNO. SA HULI, ANG PINAKAMATIBAY NA PAALAALA NIYA: ANG PUBLIKONG TUNGKULIN AY DANGAL NA DAPAT INGATAN.
OOOOOOOOOOOOOOOOOOO
BARBERS: NAGPAABOT NG MALALIM NA PAKIKIRAMAY; PINURI ANG KATAPATAN AT TAPANG NI REP. ROMEO “ROMY” ACOP
NAGPAHAYAG NG MATINDING PANLULUKSA SI SURIGAO DEL NORTE REPRESENTATIVE ROBERT ACE BARBERS SA PAGPANAW NI ANTIPOLO CITY REP. ROMEO “ROMY” ACOP, NA KANIYANG INILARAWAN BILANG ISA SA PINAKATAPAT, PINAKAPRINSIPYADO, AT PINAKAMATATAG NA KASAMAHAN SA KAMARA.
SA KANYANG OFFICIAL PRESS STATEMENT, BINIGYANG-DIIN NI BARBERS NA SI ACOP AY HINDI LAMANG MAHUSAY NA MAMBABATAS KUNDI ISANG “TRUE BLUE FRIEND” — ISANG KAIBIGANG TOTOONG MAPAGKATIWALAAN AT HINDI NATITINAG SA PANININDIGAN.
BILANG OVERALL VICE CHAIR NG HOUSE QUAD COMMITTEE, ITINAMPOK NI BARBERS ANG HUSAY NI ACOP SA “SURGICALLY PRECISE” NA PAG-ANALISA NG MGA ISYUNG SENSITIBO AT KOMPLEKADO.
ANO MANG PAGDINIG, ANIYA, AY NILAPIT NI ACOP NANG MAY KALINAWAN, KATARUNGAN, AT DI-MATITIBAG NA PAGHANAP SA KATOTOHANAN.
DAGDAG PA NI BARBERS, ANG TAPANG AT KATATAGAN NI ACOP SA MGA PAGDINIG NG QUAD COMM ANG NAGBIGAY KREDIBILIDAD SA MGA HAKBANG NG KAMARA — MGA PAGDINIG NA MATAMANG SINUSUBAYBAYAN NG BAYAN SA PAGHANAP NG KATARUNGAN.
“ISANG NAPAKALAKING PAGKAWALA SA BANSA,” ANI BARBERS, AT TIYAK UMANONG MARAMING MAMAMAYAN ANG MAKAKARAMDAM NITO — MULA SA KANYANG MGA TAGASUPORTA HANGGANG SA MGA NAKASAMA NIYA SA SERBISYO PUBLIKO.
NAGPAABOT SIYA NG PINAKAMALALIM NA PAKIKIRAMAY SA PAMILYA, KAIBIGAN, AT MGA MAHAL SA BUHAY NI ACOP, NA ANO MAN ANG KINALABASAN NG TRAHEDYA, MANANATILI ANG Alaala NG YUMAO BILANG ISANG TAPAT AT DAHILANADO NA LINGKOD-BAYAN.
KURO-KURO
ANG MENSAHE NI BARBERS AY NAGPAPAKITA NG MALALIM NA RESPETO AT PAMANA NI REP. ACOP BILANG LEADER NA HINDI UMIILAG SA MALALAKING LABAN PARA SA KATOTOHANAN.
SA PANAHONG MARAMI ANG HUMAHANAP NG KONGKRETONG PAMANTAYAN SA SERBISYO PUBLIKO, ANG URI NG TAPANG AT BUONG-PUSONG PAGLILINGKOD NA IPINAMALAS NI ACOP AY PATUNAY NA MAY MGA PINUNONG ANG TUNAY NA PANUKAT AY KATAPATAN—HINDI POPULARIDAD.
OOOOOOOOOOOOOOOOOOO
ROMUALDEZ: NAGLUKSA SA PAGPANAW NI REP. ROMEO M. ACOP; PINURI ANG MATATAG NA PAMUMUNO SA QUAD COMM
NAGPAABOT NG MALALIM NA PAKIKIRAMAY SI DATING SPEAKER FERDINAND MARTIN G. ROMUALDEZ SA PAGPANAW NI ANTIPOLO CITY REPRESENTATIVE ROMEO M. ACOP, NA KANIYANG INALALA BILANG ISANG TINITINGALANG PINUNO, TAHIMIK PERO MATAPAT NA LINGKOD-BAYAN, AT MAHALAGANG PILAR NG HOUSE QUAD COMMITTEE.
BINIGYANG-DIIN NI ROMUALDEZ NA MALAKING PAGKAWALA SA MABABANG KAPULUNGAN AT SA BANSA ANG PAGPANAW NI ACOP, NA BILANG SENIOR VICE CHAIRMAN NG QUAD COMM AY NAGHATID NG DISIPLINADO, MAKATARUNGAN, AT PROPESYUNAL NA PAMUMUNO SA MGA MASALIMUOT AT POLITIKAL NA SENSITIBONG PAGDINIG.
ANIYA, “NAGLULUKSA TAYO SA PAGPANAW NI REPRESENTATIVE ROMEO ACOP—ISANG DEDIKADONG PUBLIC SERVANT NA NAMUHAY NANG MAY DISIPLINA AT INTEGRIDAD, AT HINDI NAPAGOD SA PAGLILINGKOD SA MGA PILIPINO.”
DATING PULIS NA HENERAL AT ABOGADO SI ACOP, AT MAKIKITA RAW ANG KANIYANG MALAWAK NA KARANASAN SA MATODOLOHIYA AT KAAYUSANG IPINATUPAD NIYA SA BAWAT PAGDINIG NG QUAD COMM.
AYON KAY ROMUALDEZ, HINAWAKAN NI ACOP ANG MGA IMBESTIGASYON NANG MAY KATATAGAN AT KATAPATAN SA KATOTOHANAN.
“MATAPAT PERO MAKATAO. MATAPANG PERO MAKATARUNGAN. HINDI SIYA NAGHANAP NG PANSIN—TINUPAD NIYA LANG ANG TRABAHO AT ANG PANINIWALA NA ANG PUBLIKONG TUNGKULIN AY TIWALANG DAPAT PANGALAGAAN,” GIIT NIYA.
PINASALAMATAN DIN NIYA ANG QUIET WORK ETHIC NI ACOP NA HINANGAN NG MARAMI SA KAMARA—ISANG MAMBAABATAS NA NAKAATUPAG SA TRABAHO HIGIT SA ANUMANG PAMPAKITANG-GILAS.
NAGPAABOT NG PAKIKIRAMAY SI ROMUALDEZ SA PAMILYA, KAIBIGAN, AT MGA MAMAMAYAN NG ANTIPOLO, NA NAIWANG MAYAMAN SA LEGASYA NI ACOP SA REPORMA AT PAMANTAYAN NG MAHUSAY NA CONGRESSIONAL OVERSIGHT.
KURO-KURO
ANG PAGYAON NI REP. ACOP AY HINDI LAMANG PAGKAWALA SA ANTIPOLO KUNDI SA BUONG INSTITUSYON NG KAMARA.
SA PANAHON NA MARAMING PAGDINIG ANG UMAASA SA PRINSIPYO AT KATAPATAN, ANG URI NG PAMUMUNONG IPINAKITA NIYA—TAPAT, DISIPLINADO, HINDI MAINGAY PERO EPEKTIBO—AY SIYANG URI NG SERBISYONG LALO PANG DAPAT PAIRALIN.
SA KANIYANG PAMANA, MAKIKITA NA MAY MGA PINUNONG HINDI NAGSASALITA NANG MALAKAS PERO MALAKAS ANG GINAGAWA.
