TRO PARA SA PAGPAPATUPAD NG NCAP, WELCOME PARA KAY REP. BARBERS

Welcome para kay Surigao del Norte Rep. Ace Barbers ang inilabas na Temporary Restraining Order ng Supreme Court sa pagpapatupad ng No Contact Apprehension o NCAP.

Aniya, magandang hakbang ang TRO bunsod na rin ng pag-kuwestyon at reklamo ng mga motorista at mananakay hinggil sa hindi magandang pagpapatupad ng NCAP.

Pagkakataon din aniya ito na mapakinggan ang hinaing ng motorista bunsod ng kalituhan sa naturang polisiya.

Ani, Barbers dapat talagang pag-aralang mabuti ang NCAP bago ipatupad.

Mungkahi pa nito na gayahin ang best practices ng ibang bansa kaugnay dito.

“Unang-una isang magandang hakbang na i-TRO itong NCAP dahil nga sa dami ng kwestyon ng ating mga kababayan. E talaga namang nagkaroon ng kaguluhan at ng kalituhan sa ating mga mananakay at sa ating mga motorista. At the same time syempre, napakingggan ang clamor at ang hinaing ng ating mga motorista at ng ating mga mananakay dahil sa hindi magandang pagpapatupad ng NCAP na it osa ating bansa. That’s why dapat talaga ay pag-aralan mabuti bago natin i-implement. Let’s copy the best practices in other countries, yun ang gawin natin.” Saad ni Barbers.

Kung matatandaan, sa kanyang privilege speech ay itinulak ng kinatawan na maimbestigahan ang NCAP dahil sa patong patong na reklamo ng mga motorista. 

Kabilang dito ang masyadong mataas na multang ipinapataw at gayundin ang hindi maaaring irehistro ang sasakyan kung hindi nakapagbayad ng multa.

DAPAT NANG MAMAGITAN ANG PALASYO SA MGA ANTI AT MGA PRO VACCINE ADVOCATE

Ipinahayag ngayon ni ouse Deputy Majority Leader Janet Garin na dapat nang mamagitan ng malacanang sa pagitan ng mga anti at pro-vaxxers.

 

Ginawa ni Garin ang pahayag matapos makumbinsi ng mga anti-vaxxers ang CHED na tanggalin na ang vaccination requirement sa mga estudyante at teaching personnel sa pagbabalik ng face-to-face classes.

 

Ayon kay Garin, isang matatag na  lobby group ang anti-vaxxers laban sa covid 19 vaccination.

 

Naniniwala ang lady solon na hati ang hangarin ng opisyal ng gobierno na protektahan ang publiko laban sa covid 19 o ang kanilang sarili laban sa mga banta ng pagsasampa ng kaso ng mga kontra sa vaccination.

 

Giit ng Iloilo lawmaker, nakasalalay na kay pangulong Ferdinand Marcos Jr. na tiyakin ang proteksyon ng mga opisyal ng gobierno upang gawin ang kanilang trabaho.

 

Anya, dahil sa desisyon ng CHED, malalagay sa panganib ang teaching personnel na  meron nang mga health issues at comorbidity.

HINDI MAGLALABAS ANG DA NG IMPORT PERMIT PARA SA SIBUYAS, TINIYAK

Hindi mag lalabas ng import permit ang Dept of  Agriculture para sa sibuyas ayon kay agriculture Asec. Kristine Evangelista.

Ayon sa opisyal hindi magkakaroon ng importation ng sibuyas lalo na sa panahon ng harvest season sa disyembre, kahit pa mas mababa ang kanilang magiging ani.

Tuloy-tuloy din aniya ang kanilang pakikipag-ugnayan ng kagawaran sa mga magsasaka ng sibuyas lalo at may alinlangan sila na magtanim pa dahil sa posibleng pag-baha ng imported onions sa merkado.

Kinakausap na rin aniya nila ang mga institutional buyer stulad ngm ga hotels at restaurants na imbes na putting sibuyas at ang locally produced red onions na ang bilhin.

Idinadahilan kasi ng ilan para sa isinsusulong na onion importation ay mas pinipili ng mga institutional buyers ang puting sibuyas.

Pinaiigting din aniya nila ang ugnayan sa iba pang government agencies tulad ng bureau of customs at dept of trade and industry para sa mga smuggled na sibuyas.

Tinukoy ni evangelist ana kadalasan, idinedeklara ito bilang processed food ngunit oras na sumailalim sa inspection ang kargamento ay putting sibuyas pala ito.

UMABOT SA ₱54 BILYON ANG KITA NG PAGCOR SA KASALUKUYANG TAON

Tintayang nasa 54 billion pesos ang kita ng Philippine Amusement and Gaming Corporation  o PAGCOR para ngayong taon 2022. 

Ito ang ipirinisinta ng PAGCOR sa isinagawang  House Committee on Appropriations hearing para sa Proposed 2023 Budget. 

Base sa datos ng pagcor.. nasa 27.7B pesos na ang kita ng pagcor mula January hanggang june 2022. 

Habang ang kita naman ng revenue generating agency sa taong 2021 ay nasa 35.4-billion pesos  habang nasa 22Billion ang  kontribusyon nito sa nation building. 

Ngayong taon inaasahan nasa 35.5-billion pesos ang magiging contribution ng pagcor sa kaban ng bayan. 

Tiniyak ni  pagcor chair and CEO Alejandro Tengco na komited sila na  pataasin ang kanilang kita upang madagdagan ang kanilan kontribusyon sa kaban ng bayan para sa nation-building 

Anya, kabilang sa significant accomplishment ng ahensya ay ang revenue contribution sa bureau of treasury at universal healthcare.

ONLINE O DIGITAL GAMBLING, MAIGTING NA TINUTULAN NI REP. RODRIGUEZ

Inihayag ni Cagayan de Oro Rep. Rufus Rodriguez ang maigting nitong pagtutol sa online o digital gambling.

Tugon ito ng mambabatas matapos ihayag ng pcso ang plano nitong gawing online na rin ang lotto para sa dagdag n akita.

Sa naging briefing ng PCSO sa House Committee on Appropriations, sinabi ni Rodriguez na kung tutuusin ay iligal naman talaga ang gambling sa ilalim ng ating revised penal code.

Nagkataon lamang na ilang porma nito tulad ng sweepstakes, casino at lotto ay ginawang legal sa pamamagitan ng pagpapasa na batas.

Ngunit diin ni Rodriguez hindi na dapat paabuto pa na maging available o accessible ang pagsusugal online dahil masisira lamang nito ang kinabukasan ng mga bata.

Inihalimbawa pa ng mambabatas ang naging masamang epekto ng pagpapahintulot ng e-sabong kamakailan.

“We cannot afford to make gambling through online gambling being available easily to the Youth of our country. The Philippines, the government and Congress is the parens patriae of our youth, if we will allow online gambling, it will be open to even children to do it. There will be less control and it will open up our floodgates, just like what e-sabong has done to our country. and therefore madam Chair finally. I register my strong objection. Let us say as is. Let us not open our country to more gambling. We are custodians of the morality of are youth.” saad ni Rodriguez.

Bago ito, hiniling naman ni manila rep. benny abante sa PCSO na imbestigahan ang napaulat na online game kung saan kahit bata ay maaaring tumaya.

“it was revealed to me by the former chairman of pcso that there is a digital kind of game in which even children can bet. Nakalimutan ko lang ang pangalan ‘nun e, but it was revealed to me. And I thin the pcso should look into it because we do not want our own children as young as they would be to bet on this digital game,” diin ni Abante.

PANUKALANG BATAS NA GUIDE, INAPRUBAHAN NG KOMITE NG KAPULUNGAN

Nagsagawa ng unang pagpupulong ngayong Martes ang Komite ng Banks and Financial Intermediaries sa Kapulungan ng mga Kinatawan, na pinamumunuan ni Manila Rep. Irwin Tieng, kung saan ay inaprubahan ng mga mambabatas ang Rules of Procedure ng Komite.  

Gayundin, mabilis na pinagsama-sama at inaprubahan ng Komite ang House Bills 1, 685, 3460, at 3700, o ang panukalang “Government Financial Institutions (GFIs) Unified Initiatives to Distressed Enterprises for Economic Recovery (GUIDE) Act.” Kabilang sa mga pangunahing may-akda ay si Speaker Ferdinand Martin Romualdez. 

Tinukoy ng Komite ang Section 48 ng House Rules, na nagpapahintulot sa agarang pag-apruba ng mga panukala, na naipasa na sa ikatlong pagbasa noong nakaraang Kongreso. 

Sa kanyang pambungad na pahayag, binanggit ni Tieng na maraming negosyo at kritikal na industriya, kabilang ang micro, small, and medium enterprises (MSMEs), ang nagambala dahil sa mga lockdown na dulot ng pandemya. 

Binigyang-diin niya na napakahalaga para sa pamahalaan na mag-alok ng kinakailangang tulong pinansyal sa mga negosyong ito, upang mapanatili silang tumatakbo, at nang sa gayon ay maprotektahan ang mga trabaho ng mga Pilipino. 

Sa kanyang paliwanag sa HB 1, sinabi ni Speaker Romualdez na nakasaad sa panukalang batas ang pag-uutos sa Land Bank of the Philippines (LBP) at Development Bank of the Philippines (DBP), na palawigin ang kanilang pagpapautang at rediscounting sa mga apektadong MSMEs sa agrikultura, imprastraktura, pagmamanupaktura, at mga industriya ng serbisyo, upang matulungan silang matugunan ang kanilang mga pangangailangan na makalikom ng pondo.  

Dagdag pa rito, pinahihintulutan ang LBP at ang DBP na lumikha ng isang espesyal na kumpanya, na ayon sa paliwanag ni Speaker Romualdez ay magbibigay ng suporta sa mga usapin hinggil sa solvency/liquidity na dulot ng krisis sa kalusugan sa mga mahahalagang kumpanya. 

Sa kanyang bahagi, binanggit ni ACT-CIS Rep. Jeffrey Soriano na ang MSMEs ay bumubuo ng 99.5 porsiyento ng mga mga establisyimento ng negosyo sa bansa, nakapagbigay ng trabaho sa 63 porsiyento ng mga manggagawa sa bansa, at nakapag-ambag ng 40 porsiyento sa gross domestic product ng Pilipinas.  

Sinabi ni Soriano na makakatulong sa sektor na ito ang panukala, sa pamamagitan ng mga pagkalibre sa pagbubuwis, mga diskwento sa pagpaparehistro, at mga programa sa pagpapautang. 

Samantala, nagpahayag ng kanilang kahandaang tumulong sa Kapulungan ang DBP, ang Department of Finance, gayundin ang Department of Budget and Management, sakaling may pangangailangang baguhin ang mga probisyon ng panukalang batas.

GUIDE BILL, APRUBADO NG KOMITE SA KAMARA

Inaprubahan ngayong Martes ng Komite ng Banks and Financial Intermediaries ang pinagsama-samang panukala, kabilang ang House Bill No. 1 ni Speaker Martin G. Romualdez na naglalayong palawigin ang mga  programa ng pamahalaan na matulungan ang mga maliliit na negosyo sa buong kapuluan na makaahon sa pandemyang dulot ng coronavirus disease-19 (COVID-19).

Pinamunuan ni Manila Rep. Irwin C. Tieng, chairman ng lupon, ang pag-apruba ng ilang panukala na magpapalakas sa kakayanan ng Land Bank of the Philippines (LBP) at ng Development Bank of the Philippines (DBP) sa pagbibigay ng kinakailangang tulong sa mga micro, small, at medium enterprises (MSMEs), at iba pang istratehiyang mahahalagang kompanya.

“There is a motion duly seconded, the bills on GUIDE by virtue of

Section 48 of the rules of the House of Representatives are hereby approved. The secretariat is directed to prepare the committee report,” ani Tieng, at kanyang idinagdag na ang mga pinagsama-samang panukala ay isusumite sa Komite ng Appropriations at Ways and Means para sa ilalaang pondo at mga rekisitos sa probisyon ng pondo, ayon sa pagkakasunod.

“As a matter of procedure, we have to submit our approved committee report to the appropriations for funding and of course for ways and means for tax provision,” ani Tieng.

Bukod kay Romualdez, ang mga pangunahing may-akda ng panukala ay sina Reps. Yedda Marie K. Romualdez ng Tingog Partylist, anak ng Pangulo na si Ferdinand Alexander Marcos ng Ilocos Norte at Jude Acidre, ng Tingog Partylist.

Sa ilalim ng Rule 10, Section 48, pinahihintulutan ang mga Komite na tapusin ang mga pangunahing panukala na naihain na at inaprubahan na sa ikatlo at huling pagbasa nang sinudang Kongreso. 

Ayon sa Rule 10: “In case of bills or resolutions that are identified

as priority measures of the House, which were previously filed in the immediately preceding Congress and have already been approved on third reading, the same may be disposed of as matters already reported upon the approval of the members of the committee present, there being a

quorum.”

Inisponsoran ni Acidre ang panukala. “The pandemic has placed a severe strain on our economy. The previous Congress successfully passed several

versions of the Bayanihan to Heal as One Act to cushion the economic impact of the COVID-19. Nevertheless, our micro, small and medium enterprises remain struggling to survive the deleterious effects of the pandemic. In view of the foregoing, it is our humble but firm belief that we need to create a more enabling environment for financial access for our MSMEs,” ani Acidre.

Ilan sa mga may-akda ng pinagsama-samang panukala ay kinabibilangan nina Albay Rep. Joey Sarte Salceda, Davao City Rep. Paolo Duterte, Benguet Rep. Eric Go Yap, at iba pa.

Sa ilalim ng HB No. 1, na may titulong “An Act providing for government financial institutions unified initiatives to distressed enterprises for economic recovery (GUIDE),” na naglalaan ng P7.5-bilyon sa Land Bank of

the Philippines (LBP) at P2.5-bilyon sa Development Bank of the Philippines (DBP) o kabuuang halaga na P10-bilyon upang isakatuparan ang kanilang mga mandato.

“To this end, the government financial institutions are mandated to expand their credit programs in order to assist MSMEs to meet their liquidity needs. In particular, the LBP and DBP are mandated to expand their credit and rediscounting facilities to affected MSMEs in the agriculture, infrastructure, manufacturing, and service industries,” ayon sa panukala.

Sa ilalim ng panukala, ang terminong MSME ay, “refers to any business activity or enterprise engaged in industry, agribusiness and/or services, whether single proprietorship, cooperative, partnership or corporation whose total assets, inclusive of those arising from loans but exclusive of the land on which the particular business entity’s office, plant and equipment are situated, must have value falling under the following categories: micro, not more than P3 million; small, P3 million to P15 million; and medium, P15 million to P100 million.”

Itinataas din ng GUIDE bill ang Capital Stock ng DBP mula P35-bilyon sa P100-bilyon, na hinati sa one billion shares sa halagang P100 sa bawat buong subskripsyon ng pamahalaang nasyunal.

BAWAS SA DOKYU STAMP TAX SA GAMING TICKETS NG LOTTO, INAAPELA NG PCSO

Umaapela ang PCSO na ikonsidera ang pagbabawas sa ipinapataw na documentary stamp tax sa kanilang mga gaming tickets partikualr ang lotto.

Ayon kay pcso chair junie cua malaki ang mababawas sa kanilang medical assistance program para sa indigent patients kung hindi matuloy ang bawas dst salig na rin sa comprehensive tax reform package 4.

Batay kasi sa package 4 ng ctrp mula na inaprubahan ng ways and means committee, mula 20 percent ay gagawin na itong 10 percent

Tinukoy din nito na kung noon aniya ay nakapagbibigay sila ng 500,000 hanggang 1 million pesos assistance ay bumaba na lang ito sa 20k hanggang 50k pesos dahil sa mataas na DST.

Bunsod nito, hiniling ni cua sa ctte on appro ang suporta na repasuhin ang panukalang documentary tax stamp reduction upang hindi mabawasan ang kanilang pagkukunan ng kita at matiyak ang tulotuloy na pag papaabot ng tulong sa ibat ibang health programs para sa mga Pilipino.

Kung maaari pa aniya ay maibaba pa ito sa 5 percent.

Para naman sa unang quarter ng taon, umabot na sa 25.9 billion pesos ang kita ng pcso.

PITC AT PS-DBM BINATIKOS SA KAMARA DAHIL SA NAPAKATAMING PARKED FUNDS NG MGA ITO

Binatikos ni House Deputy Speaker at Batangas 6th District Rep. Ralph Recto ang Philippine International Trading Corporation (PITC) at ang PS-DBM bunsod sa napakaraming mga 'parked funds.'

Sinabi ni Recto ang PITC ay dapat na mawalan ng karapatan bilang isang parking lot ng bilyun-bilyong pondo ng gobyerno.

Sa isang pahayag, binansagan ni Recto ang PITC bilang kontrobersyal na kambal ng Procurement Service-Department of Budget and Management (PS-DBM).

Aniya ang PITC, na nakaugnay sa Department of Trade (DTI), ay dapat bumalik sa orihinal nitong mandato bilang state international trading arm, na nagsasagawa ng countertrade o nag-aangkat ng mga mahahalagang produkto para sa mass distribution ng gobyerno tulad ng gamot at pataba.

Ayon sa mambabatas, nabigo ang PITC na maihatid sa oras ang mga goods, kagamitan at imprastraktura na kinontrata nitong bilhin para sa ibat ibang ahensiya ng pamahalaan.

Sa pagtatapos ng 2019, ang PITC ay nagkaroon ng mga hindi naihatid na order o hindi naibalik na mga advance na nagkakahalaga ng P33.2 bilyon mula sa 79 na transaksyon ng gobyerno.

Nang sumunod na taon, bahagyang bumaba ang backlog value sa P31.5 bilyon, na kinasasangkutan ng 61 kontrata.

Batay sa ulat ng Commission on Audit (COA), sa taong 2021, nasa P14.9 bilyon ang mga pondong hawak ng PITC.

Ang nangungunang limang ahensya na may “parked funds” sa PITC ay may mga nakabinbing order na nagkakahalaga ng mahigit P1 bilyon bawat isa.

Ito ay ang Bureau of Fire Protection (BFP), sa P2.66 bilyon; Philippine Army, P2.23 bilyon; Department of Information and Technology (DICT), P2.19 bilyon; Bureau of Customs (BOC), P1.33 bilyon; at Department of Health (DOH), P1.19 bilyon.

Ang iba pang ahensyang may hindi nabili na mga bagay na nagkakahalaga ng mahigit P500 milyon ay ang Philippine Navy, P947 milyon; Technical Education and Skills Development Authority (TESDA), P783 milyon); University of the Philippines-Philippine General Hospital (UP-PGH), P687 milyon; at Philippine National Police (PNP), P507 milyon.

Dahil dito, sinabi ni Recto na dapat na itong itigil.

KINALAMPAG MULI NG KAMARA ANG MALAKANYANG SA PAGTAAS NA NAMAN NG PRESYO NG PRODUKTONG PETROLYO

Kinuwestiyon ng Garbiela Partylist ang umanoy kawalan ng aksiyon ng !arcos administration sa sunod-sunod na naman na pagtaas ng presyo ng produktong petrolyo at napipintong taas-pasahe sa jeepney.

Ayon kay Gabriela Partylist Representative Arlene Brosas, puro “chill” lang umano si Pangulong Bongbong Marcos at nakikita pa nga na nanonood ng basketball game ng Gilas Pilipinas.

Iginiit ni Brosas na dapat i-certify as urgent bill ni Pangulong Marcos ang House Bill 400 na layuning alisin na ang excise tax at value added tax na ipinapataw sa mga petroleum products.

Sabi ni Brosas, sigurado na ang pinakahuling oil price hike ang magiging dahilan ng pagtaas na naman ng presyo ng mga pagkain at basic commodities.

Tanong ni Briones, ano pa ang mabibili ng 570-minimum wage kung tuloy-tuloy ang taas-presyo sa langis at mga bilihin.

Dagdag pa ni Briones, pangungunahan din ng Gabriela ang pagsusumite ng bill para mabigyan ng VAT exemption ang mga basic commodities na binibili ng mga mahihirap gaya ng tinapay, noodles, delata at mga katulad ng bilihin.

SPECIALTY HOSPITAL SA MGA REHIYON, ITINUTULAK NG ANAKALUSUGAN SA KAMARA

Para tugunan ang mataas na kaso ng noncommunicable diseases at lalo pang palawakin ng serbisyong medikal sa bansa, isinulong ni ANAKALUSUGAN Party-list Representative Ray Florence Reyes ang House Bill No. 3134 o "Regional Specialty Hospital Act" na magtatayo ng tig-isang specialty hospital base sa nangungunang sakit sa bawat rehiyon sa bansa.

"Karamihan sa mga specialty hospital ay nasa Maynila, at halos wala sa mga rehiyon. Panahon na upang tunay na ihatid at ilapit ang serbisyong medikal sa kanila. Ito ang mithiin ng panukalang ito," ani ni Rep. Reyes.

NAKAAMBANG PAGTATAAS NG PRESYO NG IMPORTED NA BIGAS, BINABANTAYAN NG DA

Nakabantay ang Department of Agriculture sa posibleng pagtaas sa presyo ng imported na bigas.

Sa briefing ng ahensya sa House Committee on Agriculture and Food kaugnay sa supply at estado ng ilang agricultural products, natanong ni Quezon Rep. Mark Enverga, chair na komite, kung paano pinaghahandaan ng ahensya ang posibleng rice shortage dahil sa kinahaharap na tag-tuyot.

Ayon kay Agriculture Asec. Arnel De Mesa, naka monitor sila sa sitwasyon ng China dahil posibleng magkaroon ng pagtaas sa presyo ng imported na bigas dahil posibleng mamakyaw at mag import ng maraming bigas ang China mula sa mga bansang pinagkukunan din natin ng bigas tuald ng Vietnam.

Ngunit pagtitiyak naman ni De Mesa na sasapat ang ending stock ng bansa ng bigas na nasa 1.72 million metric tons at tatagal aniya ng 46 days kaya’t wala silang nakikitang rice shortage.

Samantala pag-dating sa pork supply, inaasahan ang 388.861 metric tons mula sa local production sa 4th quarter at 58,355 MT na ending stock supply na tatagal ng 12 araw.

Ang isda naman, inaasahang magkapagaambag ng .942 million metric tons sa quarter 4 o katumbas ng .118 million metric tons ng surplus.

GUIDE BILL NI SPEAKER ROMUALDEZ, APRUBADO NA SA KOMITE SA KAMARA

Aprubado na sa House Committee on Banks and Financial Intermediaries ang House Bill No. 1 o panukalang GUIDE Bill.

Batay na rin sa Rule 10 section 48 ng House Rules, mabilis na inaprubahan ang naturang panukala na inihain mismo ni House Speaker Martin Romualdez, na una nang napagtibay noong 18th Congress.

Layon ng GUIDE bill na palakasin ang government financial institutions upang mapalawak ang kanilang pautang sa mga MSMEs na naapektuhanng pandemiya. 

Sa oilalim nito maglaan ng P10 bilyong piso para sa lending program ng GFIs. 

P7.5 billion ang para sa land bank of the philippines (LBP) at P2.5 billion ang para sa Development Bank of the Philippines (DBP). 

Itataas din ng panukala ang capital stock ng DBP sa P100 bollion mula sa dating P35 Billion. 

Maliban sa MSMEs inaasahang makikinabang dito ang mg strategically important industries tulad ng agriculture, construction, education, food production, health care, infrastructure, socialized housing, manufacturing, power and energy, product distribution, retailing, services, tourism and hospitality, transportation and logistics, at water and sanitation. 

Bubuo naman ng isang oversight committee na binubuo ng tig limang miyembro ng Kamara at Senado para matiyak ang tamang implementasyon ng panukala.

Ang GUIDE ay isa sa mga priority legislative measure na nabanggit ng Pangulong Ferdinand Marcos Jr. sa kanyang SONA.

MAY SAPAT NA SUPLAY NG BIGAS ANG BANSA HANGGANG MATAPOS ANG TAON, PANINIYAK NG DA

Walang nakikitang rice shortage ang Department of Agriculture hanggang matapos ang taon.

Ito ang tiniyak ni Agriculture Assistant Secretary Arnel de Mesa sa briefing sa House Committee on Agriculture and Food na pinamumunuan ni Congressman Mark Enverga.

Sa report sa Kamara, sinabi ni de Mesa, sapat ang ating ending stock  ng bigas na nasa 1.72 million metric tons at tatagal ng 46 days.

Pero sabi ni de Mesa, nakabantay din ang DA sa posibleng pagtaas sa presyo ng imported rice.

Nakabantay ang Department of Agriculture sa posibleng pagtaas sa presyo ng imported na bigas dahil sa sitwasyon sa China.

May posibilidad na mamakyaw at mag-import ng maraming bigas ang China mula sa mga bansa na pinagkukunan din natin ng imported rice.

Inirekuminda naman Congresswoman Gerville Luistro ang pagdaraos ng Agriculture caravan para magkaroon ng pagkakataon ang mga magsasaka na maibenta ang kanilang ani.

Sa rekumindasyon ni Luistro, makatutulong din ito para ma-double check ang data ng mga lehitimong magsasaka at mangingisda at marepaso ang mga benepisyo kung ito ay nakararating sa kanila.

WALA PANG PERMANENTENG DOH SECRETARY, HINDI KAWALAN SA PAGTUGON SA COVID-19 RESPONSE

Maaaksiyunan ng Department of Health ang patuloy na pagtugon sa Covid-19 response kahit walang pang naitatalagang permanenteng kalihim ang DOH.

Sa Ugnayan sa Batasan News Forum, sinabi ni Congresswoman Janet Garin, hindi kawalan ang pagkakaroon ng permanenteng Health Secretary para maapektuhan ang Covid-19 response ng gobyerno.

Ayon kay Garin, pareho lang naman ang function ng Health Secretary at Officer-in- charge sa katauhan ni Health OIC Maria Rosario Vergeire.

Sabi ni Garin, may kapangyarihan si Vergeire na magrekuminda sa mga kailangang programa ng DOH at ito ay suportado naman ng Malakanyang.

Iginiit ni Garin, ang mahalaga ngayon ay mapunan ang maraming bakanteng posisyon sa DOH para hindi maapektuhan ang kanilang operasyon.

Base sa datos, maraming “unfilled positions” ng undersecretary, assistant secretary at iba pang posisyon sa kagawaran kaya mabagal ang pagtugon ng ilang departamento ng DOH.

DEKALIDAD NA BADYET NG PAMAHALAANG NASYUNAL PARA SA TAONG 2023, TINIYAK NA MAIPAPASA

Tiniyak ngayon ni  House Deputy  Majority Leader  at House Committee on Appropriation vice chair, Janet Garin na dekalidad na 2023 national budget ang kanilang ipapasa sa Kongreso. 

Bagaman anya na mabilisan nila itong tatalakayin upang agad na maipasa  sinisiguro namang masusi nila itong mabubusisi. 

Sa Ugnayang sa Batasan news foru, sinabi ni Garin na hindi magiging sagabal ang mga committee hearing sa deliberasyon ng Kamara sa pambansang budget. 

Anya, kelangan nilang i-maximize ang kanilang oras para gawin ang kanilang mandato kaya dapat magtuloy tuloy ang mga pagsasagawa ng cttee hearing simultaneous sa paghimay ng 2023 national budget. 

Samanatala, aminado naman ang lawmaker na ang problema lamang sa ngayon ang kakulangan ng mga conference room. 

Kaya anya, nakadepende sa availability ng conference rooms ang iskedyul ng kanilang ctte hearings.

Anya panahon na magdagdag ng mga kwarto na maaring pagdausan ng hearing dahil nadadagdagan ang mga komite at mambabatas sa Kamara.

DBM, PINAGHAHANDA NA GISAHIN NG MGA MAMBABATAS SA KAMARA HINGGIL SA UNPROGRAMMED APPROPRIATIONS SA 2023 PROPOSED BUDGET

Pinaghahanda ni Deputy Speaker Isidro Ungab ang Department of Budget and Management (DBM) sa posibleng pag-gisa ng mga mambabatas sa unprogrammed appropriations sa ilalim ng 2023 proposed national budget,.

Ani Ungab, tiyak na maraming itatanong ang mga mambabatas patungkol sa P588,1 billion unprogrammed funds lalo at 16% ito ng kabuuang programmed new appropriations para sa susunod na taon.

Paliwanag ng Davao solon, ang porsyentong ito ay malaking pag-taas kumpara sa nakaraang mga budget na 2% hanggang 5% lamang ang unprogrammed appropriations.

Dagdag pa ng kinatawan na batay sa isinusulong na Budget Reform Bill, ang standard o normal na percentage level ng unprogrammed appropriations ay hindi dapat lalagpas sa 2% ng kabuuang expenditure proposal na nakapaloob sa programmed component ng general appropriations act.

Ibinabala pa din ng kongresista na posibleng hindi na aprubahan ang pagkakaroon ng supplemental budget sa hinaharap dahil sa malaking porysento na ng unprogrammed funds.

Ang unprogrammed appropriations ay standby appropriations na hindi mula sa revenues o kita ng pamahalaan.

Maaari lamang itong gamitin kung mayroon sobrang revenue collection mula sa non-tax revenue sources; bagong revenue collection mula sa mga bagong tax o non-tax sources at approved loans para sa mg foreign-assisted projects.

PAGSUSULONG NA BUHAYIN ANG INDUSTRIYA SA PAG-AASIN SA BANSA, SUPORTADO SA KAMARA

Welcome para kay KABAYAN Party-list Rep. Ron Salo ang pagsusulong ni Sen. Joel Villanueva na buhayin at palakasin ang industriya ng pag-aasin sa bansa.

Hulyo nang ihain ni Salo ang HB 1976 na may kahalintulad na layuning palakasin at tulungan ang local salt farmers at exporters sa pamamagitan ng pag-buo ng isang komprehensibong development plan para sa industriya ng asin.

Tulad ni Villanueva, iklinalulungkot ni Salo ang pagiging import dependent ng bansa pagdating sa asin gayon na sa mahigit 36,000 kilometers ang dalampasigan ng bansa.

Tinukoy pa nito 93% ng asin ng bansa ay inaangkat ay pitong porsyento lang ang locally produced.

Bunsod nito, malaking potensyal para kumita at makalikha ng trabaho ang nawawala sa Pilipinas.

Banta rin aniya ang posibleng price manipulation mula sa mga nag-aangkat dahil sa sila ang may control sa suplay nito.

Kumpiyansa naman ang kinatawan na dahil sa suporta mula Senado ay magiging mabilis ang pag0pasa sa kanyang panukala upang maging salt self-sufficient ang Pilipinas at maging exporter pa ng asin.

“We have been in dialogue with different industry stakeholders since the 17th Congress when we first filed a bill in support of the salt industry. “Since then we have seen a groundswell of support from both the private and government sectors, particularly the Department of Agriculture and Department of Trade and Industry. And now that Senator Villanueva is with us, we hope to gather more support in Congress to finally pass a law for our salt farmers and producers,” saad ni Salo.

₱2 BILYONG PAGKAKAUTANG NG NAPOCOR SA PETRON, MAGIGING SANHI NG TOTAL BROWNOUT SA MINDANAO

Inilapit ni Basilan Rep. Mujiv Hataman sa Department of Budget and Management (DBM) ang posibleng total brownout sa malaking bahagi ng Mindanao at iba pang lugar sa bansa bunsod ng pagkakautang ng ng National Power Corporation (NAPOCOR) sa Petron Corp.

Pagbabahagi ni Hataman sa naging budget briefing, nakatanggap ng sulat ang mga lokal na pamahalaan sa Basilan at mga karatig lugar kaugnay ng napipintong brownout matapos umabot ng P2 billion ang utang ng NAPOCOR sa Petron.

Ang Petron ang nagsusuplay ng produktong petrolyo para tumakbo ang mga planta ng NAPOCOR sa lugar.

Sinabi naman ni Budget Sec. Amenah Pangandaman na nakikipag-ugnayan na sila sa Department of Energy (DOE) para sa pagpapalabas ng pondo sa Petron.

Una nang hiniling ng NAPOCOR sa DOE at Department of Finance (DOF) ang dagdag na pondo gayundin upang magamit ang unprogrammed funds ng 2022 national budhet at ang P1.3 bilyong national government subsidy mula sa DBM para mabayaran ang kanilang utang.

NATAPYASANG 2023 BUDGET NG MINDANAO, IPINAKIUSAP NA IBALIK

Hinimok ni Cagayan de Oro Rep. Rufus Rodriguez ang Mababang Kapulungan ng Kongreso na ibalik ang nasa P22 Billion proposed budget ng Mindanao na natapyas sa panukalang 2023 national budget.

Kasunod ito ng pagpuna ng mambabatas sa pagbaba ng inilaang pondo para sa Mindanao region mula sa P650 billion ngayong taon patungong P628 billion na lamang para sa susunod na taon. 

Diin ni Rodriguez, hindi na maaaring mapagiwanan pa muli ang Mindanao region,

Kung hindi man aniya maitaas ang pondo para sa rehiyon ay i-maintain aniya ito sa 2022 budget level.

Paalala pa ng kongresista na dapat pa ngang makakuha ng dagdag na pondo ang Mindanao matapos maitala sa 2020 Census na umabot na sa 26.3 million ang residente nito.

Bukod pa ito s 17% ng taunang output ng products  at services ng bansa ay mula Mindanao.

Kumpiyansa naman si Rodriguez na makakakuha ng suporta ang kanyang panawagan sa Senado lalo na mula sa Mindanao senators na sina Senate President Migz Zubiri, Sen. Koko Pimentel at muslim convert Sen. Robin Padilla.