Pinuri ni House Speaker Ferdinand Martin G. Romualdez ang pilot rollout ng unified identification system para sa persons with disabilities o PWDs.
Sinabi ng lider ng Kamara na ito ay isang mahalagang hakbang para sa dangal, katarungan, at mas mahusay na serbisyo para sa isa sa mga bulnerableng sektor ng lipunan.
Sinimulan ng Department of Social Welfare and Development ang pilot implementation sa 35 mga piling lugar sa buong kapuluan.
Tinatayang 200,000 PWDs ang direktang makikinabang sa pilot rollout at inaasahang aabot sa dalawang milyon ang maaabot kapag ganap nang ipinatupad ang programa.
Ang National Council on Disability Affairs ang mangangasiwa sa centralized printing ng mga ID.
Kabilang sa mga security feature ng bagong PWD ID ang digital access sa pamamagitan ng mobile app o web portal, QR code para sa beripikasyon, at RFID-enabled physical card para maiwasan ang pananamantala at paggamit ng pekeng ID.
Sinabi ni Speaker Romualdez na ang Unified PWD ID ay hindi lamang modernisasyon kundi pagkilala, malasakit, at katarungan para sa mga kababayan nating may kapansanan.
MULA SA KAMARA DE REPRESENTANTES, TERENCE MORDENO GRANA, NAG-BABALITA PARA SA ARMED FORCES RADIO, BOSES NG KAWAL PILIPINO
No comments:
Post a Comment