AFP Radio: Tagalog Ni Ryan

Hamon ni Romualdez sa mga bagong abugado: Protektahan ang karapatan ng iba, itaguyod ang hustisya, tumulong sa pagpapa-unlad ng bansa

Hinamon ni Speaker Ferdinand Martin Romualdez ang mga bagong abugado ng bansa na tumulong upang maprotektahan ang karapatan ng ibang Pilipino, itaguyod ang hustisya, tumulong sa pagpapa-unlad ng bansa, at magserbisyo ng mayroong integridad at malasakit.

“As you begin your journey as lawyers, I encourage you to always keep the greater good in mind. Use your skills to protect the rights of others, promote justice, and contribute to the progress of our nation. The law is a powerful tool to create meaningful change - let it guide you to serve with integrity and compassion,” ani Speaker Romualdez, isang abugado na nagtapos sa University of the Philippines.

“The country needs lawyers who are not only skilled but also principled and driven by a strong sense of duty to the people. Let your practice reflect the values that brought you here - hard work, fairness, and service to others,” saad pa nito.

Binati ng lider ng Kamara na mayroong 307 kinatawan ang mga bagong miyembro ng law profession.

“Your hard work, dedication, and perseverance have paid off, and you now stand as members of one of the most honorable professions in our society,” sabi nito.

“As a fellow lawyer and alumnus of the UP College of Law, I understand the immense effort and sacrifice it takes to reach this milestone. It is not an easy road, but you have proven your resilience and commitment to your dreams,” dagdag pa ni Speaker Romualdez.

Sinabi ng mambabatas sa mga Bar passer na “nation celebrates this achievement with you.”

“May your career as a lawyer bring honor to your family, our profession, and the country we all love,” pagtatapos ni Speaker Romualdez. (END)

@@@@@@@@@@@@

Mga lider ng Kamara inihain panukalang regulasyon sa paglalaan, paggastos ng confidential at intelligence funds

Inihain ng mga lider ng Kamara de Representantes noong Miyerkules ang House Bill (HB) No.11192 na naglalayong i-regulate ang paglalaan at paggamit ng confidential at intelligence funds (CIFs) at patawan ng parusa ang maling paggamit nito.

Naghain din sila ng kaugnay na panukala upang i-regulate ang mga special disbursing officer (SDO) ng gobyerno at magtakda ng parusa sa maling paggamit ng pondong kanilang pinangangasiwaan.

Ang dalawang panukala ay inakda ng 38 miyembro ng Committee on Good Government and Public Accountability na pinamumunuan ni Manila Rep. Joel Chua, kasama sina Senior Deputy Speaker at Pampanga 3rd District Rep. Aurelio Gonzales Jr., Deputy Speaker at Quezon Rep. David Suarez, at Manila Rep. Bienvenido Abante Jr., vice chairman ng komite.

Kabilang sa iba pang mga may-akda sina Rep. Franz S. Pumaren, Rep. Lorenz R. Defensor, Rep. Julienne “Jam” Baronda, Rep. Jude A. Acidre, Rep. Johnny Ty Pimentel, Rep. Romeo M. Acop, Rep. Janette L. Garin, Rep. Crispin Diego “Ping” Remulla, Rep. Jefferson F. Khonghun, Rep. Roberto T. Uy, Jr., Rep. Jonathan Keith T. Flores, Rep. Loreto S. Amante, Rep. Horacio P. Suansing, Jr., Rep. Rolando M. Valeriano, Rep. Joseph “Jojo” L. Lara, Rep. Arnan C. Panaligan, Rep. Francisco Paolo C. Ortega V, Rep. Ernesto M. Dionisio, Jr., Rep. Charisse Anne C. Hernandez, Rep. Robert Ace S. Barbers, Rep. Zia Alonto Adiong, Rep. Raoul Danniel A. Manuel, Rep. Ramon Rodrigo L. Gutierrez, Rep. Gerville “Jinky Bitrics” R. Luistro, Rep. Joseph Stephen “Caraps” S. Paduano, Rep. Dan S. Fernandez, Rep. France L. Castro, Rep. Arlene D. Brosas, Rep. Margarita “Atty. Migs” B. Nograles-Almario, Rep. Cheeno Miguel D. Almario, Rep. Mikaela Angela B. Suansing, Rep. Amparo Maria J. Zamora, Rep. Lordan G. Suan, at Rep. Raul Angelo “Jil” D. Bongalon.

Ang mga panukalang batas ay bunga ng masusing imbestigasyon ng komite sa umano’y maling paggamit ng P612.5 milyon na confidential funds na natanggap ng Office of the Vice President Sara Duterte at ng Department of Education sa ilalim ng kaniyang pamumuno.

Sa kanilang explanatory note, binanggit ng mga may-akda na ang paggamit ng CIFs ay “palaging may kaugnay na isyu, kabilang ang pagiging subject nito sa audit.”

Ayon sa kanila, ang Joint Circular No. 2015-01 na inilabas ng COA, DBM, DILG, GCG, at DND ay “nagpapatupad ng mas maluwag na requirement para sa liquidation ng cash advances mula sa confidential funds kumpara sa cash advances ng regular na pondo.

Natuklasan ng komite sa mga pagdinig ang ilang mga paglabag sa paglalaan at paggamit ng CIFs, kabilang ang:

- Hindi pagtutugma ng pagbibigay ng confidential funds sa mga ahensiyang hindi kaugnay sa public order and safety at national security;

- Iregular na paggamit ng confidential expenses para sa mga programa, aktibidad, at proyekto na hindi bahagi ng inisyatiba ng isang ahensya o walang aktwal na paggamit ng confidential funds;

- Pagbabayad ng mga gantimpala sa mga tao na hindi ma-verify ang mga pagkakakilanlan;

- Pagbili ng impormasyon nang walang patunay na ang paggamit ng impormasyon ay nagresulta ng matagumpay na aktibidad mula sa ahensiya na pinagmulan ng confidential funds; at

- Kawalan ng kinakailangang memorandum of agreement sa pagitan ng mga ahensya kung may koordinadong kaganapan para sa paggamit ng impormasyong nakuha sa pamamagitan ng pagbili ng gantimpala ng ahensiyang gumastos ng confidential funds, at ang pagpapalabas ng sertipikasyon para sa matagumpay na paggamit ng impormasyon ng ahensiyang tumanggap at gumamit ng impormasyong iyon.

Ayon sa mga may-akda, ang P112.5 milyong CIF na inilabas sa DepEd sa ilalim ng pamumuno ni Vice President Sara Duterte “ay ginamit upang suportahan ang mga operasyon nito at hindi para sa pambansang seguridad,” na taliwas sa orihinal na layunin ng pondo.

“Moreover, because of the loose requirements of Joint Circular No. 2015-01 on confidential and/or intelligence funds, acknowledgment receipts bearing only signatures and illegible handwriting belonging to individuals whose identities have not been verified were allowed to serve as proof of liquidation,” ayon pa panukala.

“It is high time that stricter requirements and guidelines be issued in the utilization of confidential funds for confidential expenses. While the necessity of confidential funds for national security is recognized, it must be balanced with the duty of the government to safeguard utilization of public funds and introduce much needed statutory changes,” saad pa nila.

Ang pinaikling pamagat ng panukalang batas ay, “Confidential and Intelligence Funds Utilization and Accountability Act.”

Sinasaad sa panukalang batas na ang CIFs “ay ilalaan sa mga ahensya ayon sa itinatadhana ng General Appropriations Act at sa lahat ng iba pang ahensya, departamento, yunit na may mga mandato na may kinalaman sa pambansang seguridad, kapayapaan at kaayusan, at pangangalap ng impormasyon.”

Ang kabuuang alokasyon para sa confidential funds ng isang ahensya, batay sa bilang ng populasyong pinaglilingkuran, ay hindi dapat lumampas sa 10 porsyento ng kabuuang taunang badyet ng ahensya, maliban na lamang kung ito ay inaprubahan ng batas.

Ipinagbabawal ng panukalang batas ang paggamit ng CIFs “para sa mga operasyon ng ahensya na hindi direktang may kinalaman sa peace and order or intelligence gathering, political activities, personal o pribadong gastusin ng mga opisyal o empleyado ng gobyerno, at mga public relations o non-security-related purposes.”

Lahat ng mga pambansang ahensya, lokal na yunit ng gobyerno, at mga korporasyong pag-aari ng gobyerno na gumagamit ng CIFs ay kinakailangang magsumite ng mga ulat sa COA para sa audit ng mga pag-gastos.

Nagtatakda rin ang panukalang batas na ang paghahanda ng alokasyon at layunin ng confidential funds ay dapat ipahayag sa publiko, sa paraang hindi makakasama sa pambansang seguridad o mga operasyon ng pagpapatupad ng batas.

Dagdag pa rito, itinatakda ng panukalang batas na mawawala ang confidentiality status ng CIFs at agad itong ide-declassify kapag naglabas ang COA ng notice of disallowance. Ang mga pondo, kasama ang lahat ng kaugnay na impormasyon at dokumento, ay magiging paksa ng mga imbestigasyon at pagsusuri, at ilalantad sa publiko, nang walang kinakailangang legal na mga hakbang o kautusan na pilit na ipapatupad.

Ang panukalang batas ay nagbibigay kapangyarihan sa Commission on Audit (COA) upang i-audit ang paggamit ng confidential funds sa lahat ng ahensya ng gobyerno. Susuriin ng COA kung ang mga pondo ay ginamit lamang para sa itinakdang layunin, titingnan ang mga dokumento at resibo upang matiyak ang tamang paggamit, at magsasagawa ng mga random at special audit kung kinakailangan.

Ang COA at iba pang oversight authorities ay magsasagawa ng mga special audit o imbestigasyon kung may mga makatwirang dahilan na paghinalaan ang maling paggamit, pandaraya, o korapsyon.

Ang mga sumusunod ay magiging prima facie evidence ng hindi tamang paggamit ng CIFs:

- Ang hindi pagsunod sa mga kinakailangang dokumento na magpapatunay ng proper disbursement and liquidation ng mga pondo

- Ang hindi pagsusumite ng mga ulat sa audit at iba pang oversight authorities, kabilang na ang COA, House of Representatives, Senate at ang Office of the President;

- Ang paggamit ng mga pondo na inilalaan sa isang ahensya, yunit, o instrumentalidad ng gobyerno na ang mandato ay hindi direktang kaugnay sa pambansang seguridad o peace and order;

- Ang pagpapalabas ng pondo sa isang tao o entidad na siyang magkakaroon ng responsibilidad na maglabas ng karagdagang pondo o magbigay ng mga pondo sa iba; at

- Ang pag-gastos ng pondo para sa mga aktibidad na hindi direktang kaugnay sa pambansang seguridad, kapayapaan at kaayusan, o pangangalap ng impormasyon para sa epektibong pagpapatupad ng mandato nito sa pagpapatupad ng batas.

Ang mga lalabag ay papatawan ng parusang permanenteng pagbabawal sa pagtanggap ng anumang posisyon sa gobyerno, pati na rin ang pagkawala ng mga benepisyo. Ang mga miyembro ng House of Appropriations at ang espesyal na tagapangasiwa ng pondo ay magiging magkakasamang responsable kung mabigong magbigay ng mga ulat, magkamali sa paggamit, o magkamali sa paggasta ng mga pondo, maging ito’y dahil sa kapabayaan o sinadyang gawain.(END)

@@@@@@@@@@

Ginawang pagbabago ng Bicam sa panukalang badyet target pangmatagalang solusyon sa mga problema ng bansa— Rep. Zaldy Co

Ang mga pagbabago sa panukalang badyet para sa 2025 ay naglalayong bigyang prayoridad ang social services, healthcare, food security, at electrification ng bansa, ayon kay House Committee on Appropriations chairperson Elizaldy Co ng Ako Bicol Partylist.

Ayon kay Co ang mga pagbabagong ginawa ng Bicameral Conference Committee ay naglalayong mabigyan ng pangmatagalang solusyon sa mga problema ng bansa at matiyak na tama ang paggastos sa pondo ng bayan.

“We considered the Senate’s concerns, particularly on the Office of the Vice President (OVP) budget,” sabi ni Co.

“We decided to maintain the P1.3-billion budget cut and not to further reduce the OVP’s travel funds. Ang pondong tinapyas ay inilaan sa mga ahensiyang tulad ng DOH at DSWD na may mga subok nang programa tulad ng AICS at MAIFIP,” dagdag pa ni Co.

Ayon kay Co ang mga programa ng OVP gaya ng financial at burial assistance ay ginagawa na ng ibang ahensya.

“Duplication lamang ito ng mga programa ng national agencies. Hindi makatuwiran na magkaroon ng hiwalay na social services ang OVP,” sabi ng mambabatas.

Samantala, mayroon umanong inilaan na P26 bilyon para sa Ayuda para sa Kapos ang Kita Program (AKAP) at suportado ito ng mga senador.

“Kinikilala ng Kongreso at Senado ang malaking tulong ng AKAP. Nag-desisyon ding maglaan ng pondo sa pangmatagalang proyekto tulad ng food security at healthcare,” saad ng kongresista.

Pinondohan din umano ang pagtataas ng daily subsistence allowance ng mga sundalo na magiging P350 mula sa P150 o kabuuang P10,500 kada buwan.

Ang pagtataas sa subsistence allowance ay alinsunod sa atas ni Pangulong Ferdinand Marcos, Jr.

Kasama umano sa pagbabago sa panukalang badyet ang paglalaan ng pondo para sa mga dam at solar-powered fertigation systems na magpaparami ng produksyon ng pagkain sa bansa.

May pondo rin para sa pagpapaganda ng mga healthcare facility gaya ng Philippine Cancer Center, MEGA Hemodialysis Center sa National Kidney and Transplant Institute, Women and Children’s Medical Center, at modernisasyon ng Philippine General Hospital at Philippine Heart Center, at iba pang regional specialty hospitals.

Popondohan din umano ang Solar Home Systems (SHS) program upang magkaroon ng suplay ng kuryente sa mga malalayong lugar sa murang halaga.

“Ang SHS ay bahagi ng layunin nating maabot ang 100 percent electrification sa 2028 (SHS supports our goal to achieve 100 percent electrification by 2028),” sabi ni Co.

Sa halagang P8 kada araw, sinabi ni Co na makakagamit na ang apat na bombilya, isang transistor radio; cellphone charger; electric fan at TV.

“Ang bawat piso sa budget ay kailangang mapunta sa proyektong tunay na makakatulong,” giit ni Co. (END)

@@@@@@@@@@@

AML Acidre ipinaliwanag papel ng Tingog sa health development program

Upang itama ang ikinakalat na maling impormasyon, ipinaliwanag ni Assistant Majority leader Jude Acidre ang magiging papel ng Tingog Partylist sa health development program katuwang ang PhilHealth at Development Bank of the Philippines (DBP).

Ang programa ay tinawag na “Maalagang Republika: Rural Financing Health Development Program.”

“It’s not a Tingog-led project. Tingog Party-list will only complement the efforts of PhilHealth and DBP by assisting local government units (LGUs) in navigating the program through advocacy, capacity building initiatives and other forms of support,” sabi ni Acidre.

“Ang nakakalungkot lang kasi, na-reduce siya into a political issue na hindi naman. Project yan ng LGU, hindi yan project ng Tingog. Ang Tingog nag-capacitate lang. So it’s really a lot of effort on many fronts,” dagdag pa nito.

Sa kabila ng kritisismo, sinabi ni Acidre na determinado ang Tingog na isulong ang programa.

“What we believe is this: bahala na kung ano ang sasabihin ng mga taong hindi naman kasama doon sa pag-plano at paghanap ng solution. Gagawin natin ito. Gagawin natin ng maayos kasi kailangan ng tao,” wika pa ng solon.

“Hindi naman po kaila sa lahat na ang isa sa pinakamalaking problema ng ating healthcare system ang kakulangan ng hospital,” dagdag pa nito.

Sinabi ng mambabatas na prayoridad ng Tingog na mapalakas ang pagtatayo ng mga ospital na pinatatakbo ng mga lokal na pamahalaan upang matulungan ang mga tertiary hospital na pinatatakbo ng national government.

“Kailangan pati ‘yung maliliit na hospital ma-pondohan din,” dagdag pa ni Acidre.

Ayon sa mambabatas nais ng Tingog Partylist na matugunan ang kakulangan sa healthcare system sa pamamagitan ng pagsusulong ng mga reporma sa batas.

Inihalimbawa ni Acidere ang pagsusulong ng partylist group sa pagsasabatas ng Republic Act No. 11567 na nagtataas sa bed capacity ng Eastern Visayas Medical Center mula 500 at gawin itong 1,500 beds, at RA 11703 na nagtatayo ng Samar Island Medical Center, isang tertiary hospital sa Calbayog, Samar.

Suportado rin umano ng Tingog ang pagtatayo ng Philippine Cancer Center upang matulungan ang mga may kanser.

Kinilala rin ni Acidre sina Speaker Ferdinand Martin G. Romualdez at Pangulong Ferdinand Marcos Jr. upang magkaroon ng badyet ang Cancer Assistance Fund sa ilalim ng National Integrated Cancer Control Act.

“For the first time, talagang pinush natin sa Kongreso na mapaabot ‘to, hindi lang P1 billion, but naging P1.25 billion po ito for 2024,” ani Acidre.

Suportado rin umano ng Tingog ang pagsasabatas ng panukalang Philippine Pharmaceutical Innovation Act.

“Malakas po ito sa Tingog kasi tinitignan natin na in the coming years, malaking bagay ang level of investment natin in terms of research and development, lalong-lalo na sa health care,” saad pa ni Acidre.

Layunin umanong panukala na manguna ang bansa sa healthcare innovation upang matugunan ang mga problema sa clinical trials, maisulong ang artificial intelligence at precision medicine, at maging competitive ang health care system ng bansa.

“Kung hindi natin na-update ang mga regulations natin, kahit yung pagpapa-approve ng clinical trials napakatagal, pag hindi tayo nakatuon doon, mahuhuli tayo,” sabi pa nito.

Itinutulak din umano ng Tingog ang amyenda sa Medical Act, ang batas para sa mga doktor.

“Isa tayo sa mga main proponents sa pag-update ng batas…that includes telemedicine, already in practice, which requires proper professional regulation to ensure its effective implementation,” dagdag pa ni Acidre. (END)

@@@@@@@@@@@@

House Quinta Comm pinaiimbestigahan sa NBI middleman na nagpapataas sa presyo ng bigas

Inatasan ng House Quinta Comm na kilala rin bilang Murang Pagkain Super Committee ang National Bureau of Investigation na imbestigahan ang mga middleman kaugnay ng mataas na presyo ng bigas sa mga palengke kahit na ibinaba na ang taripa ng imported na bigas.

Naghain ng mosyon si House Deputy Majority Leader at Iloilo 1st District Rep. Janette Garin upang makilala ang mga indibidwal at organisasyon na responsable sa mataas na presyo ng bigas.

“With this, Mr. Chair, will this august body allow me to put forward a motion to direct the [NBI] to investigate [both ways]—from the retailers to the middleman to the wholesalers, or wholesalers papunta rito sa mga middleman papunta sa mga retailers—so we can specifically identify the responsible people in terms of price manipulation. I so move, Mr. Chair,” sabi ni Garin.

Sumegunda naman si Cavite 2nd District Rep. Lani Mercado-Revilla na inaprubahan ni Albay 2nd District Rep. Joey Salceda, ang lead chair ng Quinta Comm.

“Are there any objections? The same is approved,” sabi ni Salceda.

Naghain ng mosyon si Garin matapos ang presentasyon ng Philippine Competition Commission (PCC) kaugnay ng mga kahinaan ng rice supply chain.

Tinanong ni Garin si Agriculture Secretary Francisco “Kiko” Tiu Laurel Jr. kung sino ang nagbabantay sa mga middleman.

“Sa pananaw niyo po, Mr. Chair, doon sa ipinakitang flow ng [PCC] kanina, there was a chart presented by PCC and they mentioned the vertical aspect itong dito sa wholesaler papunta sa retailer, tila meron doon mga middlemen. ‘Yun po ba, kaninong ahensya ang pag-police ng mga middlemen na iyon?” tanong ni Garin.

Sagot ni Tiu, “In my opinion, Mr. Chair, wala.”

Iginiit ni Garin ang kahalagahan na mapunan ang kakulangan sa Rice Tariffication Law na nag-alis ng kapangyarihan ng National Food Authority (NFA) na gumawa ng mga hakbang upang mapanatili ang presyo ng bigas.

“Natanggalan ng power ang NFA na magbenta ng bigas. Bakit ito importante? Dahil kapag nagkakaroon ng sabwatan sa baba, pumapasok ang gobyerno para magbenta at ibaba ang presyo,” sabi ni Garin.

Ikinadismaya ng mga mambabatas kung bakit ang presyo ng bigas ay nasa P55 hanggang P60 kada kilo gayong ibinaba na sa 15% mula sa 35% ang taripa sa imported na bigas.

Sinabi ni Garin na maaaring kinokontrol ng mga middleman ang suplay ng bigas upang makapagbenta sa mataas na presyo.

“At ‘yung retailer ay tila hindi nabibigyan ng direct na linya papunta sa totoong wholesaler kasi kontrolado nito ang mga middleman na ito,” sabi nito.

Batay sa mga datos, nawalan ng P13.3 bilyong kita ang gobyerno dahil sa pagbaba ng taripa na maaaring napunta lamang umano sa bulsa ng mga negosyante.

“Noong inisa-isa ko na, nakita natin ang mga nagtatago dahil iba ang sinasabi ng importer, wholesaler, iba naman ang sinasabi ng farmers’ association. Only to realize na ‘yung nasa gitna na siyang malaki ang kinikita, there was actually a jump of I believe P250 to P300 per kilo profit only net for that specific person and organization na ngayon nga kinakasuhan na ng NBI,” saad pa ni Garin.

“To clarify, Mr. Chair, my motion was for the NBI to do both ways—either retailer, backward hanggang sa source sa Customs, or from the importer papunta sa retailer—indicating the price so that we can really identify whether there is price manipulation or there is unacceptable profiteering and economic sabotage at the level of the middleman,” wika pa nito.

Ang Quinta Committee ay nabuo sa pamamagitan ng House Resolution No. 2036, na akda nina Speaker Ferdinand Martin G. Romualdez at Senior Deputy Speaker Aurelio Gonzales, upang imbestigahan ang smuggling, price manipulation, at pagdami ng bilang ng mga walang makain dulot ng mataas na presyo ng pagkain partikular ang bigas.

Ito ay binubuo ng House Committees on Ways and Means, on Trade and Industry, on Agriculture and Food, on Social Services, and the Special Committee on Food Security, at Ways and Means. (END)

@@@@@@@@@@@

DA malaki ang responsibilidad sa pagtatakda ng presyo ng bigas— Quimbo

Kinontra ni Marikina Representative Stella Luz Quimbo ang katwiran ni Agriculture Secretary Francisco Tiu Laurel Jr. na walang kapangyarihan and Department of Agriculture (DA) na pigilan ang pagtaas ng presyo ng bigas.

Sa pagdinig ng House Committee on Agriculture and Food noong Miyerkules, sinabi ni Quimbo na mayroong kapangyarihan ang DA sa ilalim ng Price Act at sa inamyendahang Rice Tariffication Law upang kumilos laban sa pagmamanipula ng presyo, pag-iimbak, pangongotong, at kartel sa industriya ng bigas.

“In other words, huwag niyo po sanang sasabihin na wala po kayong kapangyarihan na habulin ang mga taong nagsasabwatan at pinapataas ang presyo ng bigas dahil hindi po totoo ‘yan,” ayon sa pahayag ni Quimbo kay DA Undersecretary Asis Perez, na nagsilbing kinatawan ni Laurel sa huling bahagi ng pagdinig.

Sinabi ni Laurel sa unang bahagi ng pagdinig, na kulang ang kapangyarihan ng DA upang matugunan ang mataas na presyo ng bigas at hinimok ang Kongreso na ipasa ang batas na magbibigay sa ahensiya ng mas malakas na kapangyarihan laban sa pagmamanipula ng presyo, pangongotong, at iba pang pang-aabusong gawain sa sektor ng agrikultura.

Gayunman, ipinunto ni Quimbo na ayon sa Section 10 ng Price Act, malinaw na nagbibigay kapangyarihan sa DA bilang ang ahensiyang magpapatupad para sa bigas. Pinapayagan ng batas ang kagawaran na magsagawa ng mga imbestigasyon, magpataw ng mga multa na hanggang P1 milyon, kumpiskahin ang produkto, at pagsasampa ng kaso.

“Nakasulat po dito, kayo ay implementing agency and pwede kayong mag-conduct ng investigation, pwede po kayong magmulta. ‘Yun po ang naka-indicated dito. Tama?” tanong pa ni Quimbo.

Tumugon naman si Perez, “If it’s in the law, then that’s it, Madam Chair.”

Inusisa ni Quimbo ang pananatiling mataas na presyo ng bigas sa kabila ng oversuplly at pagbawas sa taripa sa ilalim ng Executive Order (EO) No. 62, mula sa 35% sa 15%.

Binanggit niya ang datos na nagpapakita na ang landed cost ng bigas ay bumaba mula P34.21 kada kilo noong Hulyo hanggang P33 noong Disyembre.

Hindi rin nakumbinsi si Quimbo sa dahilan ni Laurel, na binawi ng mas mahinang halaga ng piso ang pagbaba ng presyo ng bigas, ayon kay Quimbo, “The world price of rice dropped enough to offset the peso’s depreciation. The weakening of the peso is not a valid excuse.”

Sinang-ayunan din ni Department of Finance Director Jolly La Rosa ang paliwanag ni Quimbo, na ang pandaigdigang pagbaba ng presyo ng bigas ay mas malaki kaysa sa pagbaba ng halaga ng piso.

Ipinaalala ni Quimbo sa DA ang kanilang kapangyarihan sa ilalim ng inamyendahang Rice Tariffication Law, na nagpapahintulot sa kagawaran ng pagdedeklara food security emergenc at gamitin ang P5 bilyong pondo upang patatagin ang presyo ng bigas.

“You can use P5 billion to intervene in the market. Puwede kayong mag-import at gamitin ‘yan, ibenta ninyo katulad ng ginagawa niyo today, magbenta ng bigas at P42,” ayon sa kanya.

Gayundin ayon kay Quimbo ang kakayahan ng DA na makipagtulungan sa ibang mga entidad, tulad ng Philippine Competition Commission (PCC), sa ilalim ng kanilang kasalukuyang Memorandum of Agreement (MoA).

“Please confirm that you also see it in the law. And in addition, you may deputize and enlist the assistance of any government official or agency in carrying out the provisions of this Act,” saad pa ng mambabatas.

Hinimok ni Quimbo ang DA na gamitin ang buong kapangyarihan nito at panagutin ang mga negosyante sa hindi makatarungang pagtaas ng presyo.

“Huwag na huwag po natin sasabihin sa ating mga kababayan na kayo po ay powerless,” giit pa nito.

Kasabay ng pagpuri kay Laurel sa pakikipagtulungan sa mga residente ng Marikina, nilinaw ni Quimbo na ang kanyang mga pahayag ay upang matiyak ang malinaw na pag-unawa sa mga legal na responsibilidad ng DA.

“Nagka-clarify lang po tayo, baka may misunderstanding lang tayo patungkol po sa batas,” saad pa nito.

Ang Quinta Committee, na nilikha sa bisa ng House Resolution 2036 na isinulong nina Speaker Martin G. Romualdez at Senior Deputy Speaker Aurelio Gonzales, ito ay binubuo ng mga Komite ng Kamara sa Ways and Means, Trade and Industry, Agriculture and Food, Social Services, at ang Special Committee on Food Security, na pinamumunuan ni Rep. Joey Salceda, ang chairperson ng Ways and Means panel at ng mega panel sa pagsasagawa ng imbestigasyon.

Ipinagpapatuloy ng Quinta Comm ang pagsisiyasat sa mga dahilan ng mataas na presyo ng bigas, na nakatuon sa pagpapatupad ng gobyerno at market inefficiency upang maprotektahan ang mga Pilipinong mamimili. (END)

@@@@@@@@@@@@

Walang sasantuhin: Quad Comm muling tiniyak pag-iral ng katarungan, pagpapanagot sa mga nagkasala

Muling pinagtibay ng House Quad Committee ngayong Huwebes ang kanilang paninindigan na matuklasan ang katotohanan at maihatid ang katarungan sa ginanap na year-end hearing tungkol sa iligal na kalakalan ng droga at extrajudicial killings (EJKs) na konektado sa marahas na kampanya kontra droga ng administrasyong Duterte.

“Wala pong sisinuhin ang Quad Comm. There will be no sacred cows. We will leave no stone unturned in the search for truth, justice, and accountability,” ani Quad Comm lead chair Robert Ace Barbers ng Surigao del Norte sa ika-13 pagdinig ng mega-panel.

Sinabi ni Barbers, na siya ring namumuno sa Committee on Dangerous Drugs, na hindi mapaghihiwalay ang koneksyon sa pagitan ng giyera kontra droga at EJKs (extrajudicial killings).

“It was as if the war on drugs cannot be implemented without killing thousands of people,” ayon sa mambabatas na tinumbik ang sistematikong karahasan at korapsyon batay sa mga nadiskubre ng komite sa mga nagdaang pagdinig nito.

Inilahad ni Barbers ang mga testimonya na nagdidiin sa mga matataas na opisyal, kabilang si dating Pangulong Rodrigo Roa Duterte, sa pagpapatupad ng “reward system” para sa pagpatay ng mga pinaghihinalaang sangkot sa droga.

Ang mga gantimpala ay nagkakahalaga mula P20,000 hanggang P1 milyon, batay sa testimonya ni dating General Manager ng Philippine Charity Sweepstakes Office (PCSO) Royina Garma at pinatunayan naman ni dating Commissioner Edilberto Leonardo ng National Police Commission.

Binanggit din ni Barbers na inamin mismo ni Duterte sa kanyang testimonya na inutusan ang mga pulis na mag-imbento ng mga senaryo ng “panlalaban” upang bigyang-katwiran ang mga pagpatay.

“Kanyang inamin na inutusan nya ang mga kapulisan na patayin ang mga drug personalities, bagama’t sinabi nya na dapat ito ay manlaban, na kung hindi naman manlalaban ay dapat piliting manlaban upang ma-justify ang pagpatay sa mga ito,” ayon kay Barbers.

Ibinunyag din ng mga pagdinig ang mga mabigat na akusasyon laban sa ibang mga kilalang personalidad.

Inakusahan ng hinihinalang drug lord na si Kerwin Espinosa, si dating PNP Chief na ngayo’y Senador na si Ronald “Bato” dela Rosa na sangkot sa pagpatay sa kanyang amang si si Albuera Mayor Rolando Espinosa.

Inakusahan din niya si Dela Rosa na bahagi sa pagpapakulong kay dating Senadora Leila de Lima, na nagresulta sa pitong taong pagkakabilanggo nito nang walang matibay na ebidensya.

Isinalaysay din ni Barbers kung paanong ang mga dating tauhan ng Bureau of Customs na sina Jimmy Guban, negosyanteng si Mark Taguba, at sinibak na opisyal na si Colonel Eduardo Acierto ay inakusahan ang mga personalidad tulad nina Davao City Rep. Paolo “Pulong” Duterte, asawa ni Vice Presidente Sara Duterte na si Manases “Mans” Carpio, at dating presidential economic adviser na si Michael Yang ng pagkakaroon ng koneksyon sa malakihang operasyon ng smuggling.

Natuklasan din ng komite ang koneksyon ng mga ilegal na POGO at ang kalakalan ng droga, na nagsangkot kay dating Bamban, Tarlac Mayor Alice Guo, na isang Chinese national at pangunahing operator ng POGO.

Nalaman na si Guo ay itinago ang malaking halaga ng salapi mula sa ilegal na droga gamit mga korporasyong may ugnayan sa mga hinihinalang drug lord na sina Michael Yang at Lin Weixiong, na mas kilala bilang si Alan Lim.

Naungkat din ang kaugnayan ni dating Presidential Spokesperson Harry Roque sa pagkakasangkot sa paglobby sa Philippine Amusement and Gaming Corp. (PAGCOR) para sa POGO operator na Lucky South 99 sa Porac, Pampanga.

Ipinakita pa ng mga rekord ang hindi maipaliwanag na pagtaas ng mga idineklarang ari-arian ni Roque, na hindi niya nasagot ng maayos.

Sinabi ni Barbers na ang mga natuklasan ng komite ay nagresulta sa pagbalangkas ng mga pangunahing panukalang batas upang tutukan ang mga kahinaan ng batas na maaaring pagmulan ng pagsasamantala.

Kasama rito ang mas mabigat na parusa para sa mga extrajudicial killings, pagkumpiska ng mga ari-arian na nakuha sa gamit ang mga pekeng dokumento, at pagbibigay ng mas malawak na kapangyarihan sa mga ahensya ng gobyerno upang kanselahin ang mga pekeng corporate registrations.

Tinuligsa rin ni Barbers ang mga hakbang na naglalayong siraan ang trabaho ng Quad Comm.

“Maraming bayarang trolls at kritiko na wala namang naintindihan sa usapin o sadyang ayaw umintindi,” saad niya. “But the truth will prevail.”

Ipinaabot naman ni Barbers ang pasasalamat sa publiko sa kanilang tiwala at suporta, na siyang nagbibigay-lakas sa komite upang harapin ang bawat hamon, tuklasin ang katotohanan, at maghatid ng katarungan.

“Dahil sa inyong kooperasyon, suporta, paniniwala at pagtitiwala, ang Quad Comm ay matagumpay na humaharap sa lahat ng pagsubok upang mabatid ang katotohanan at mabigyan ng katarungan at kasagutan ang ating mga hinaing, tungo sa tunay na kapayapaan,” ayon pa kay Barbers. (END)

@@@@@@@@@@@@

Speaker Romualdez pinangunahan Christmas event, bigayan ng regalo sa mga batang pasyente

Pinangunahan ni House Speaker Martin G. Romualdez ngayong Huwebes ang isang Christmas event kasama ang mga batang pasyente at kanilang pamilya at isang People’s Day sa Philippine Children’s Medical Center (PCMC) sa Quezon City.

Nagsama sa “Paskong Tarabangan Event” sina Speaker Romualdez, ang misis nitong si Tingog Rep. Yedda Marie Romualdez, at Ako Bicol Rep. Elizaldy Co. Ang Ako Bicol partylist ang host ng event.

“This is one of my favorite social events as a legislator where we spend time with children. Napakasarap isabuhay ng mga katagang ‘ang Pasko ay para sa mga bata’ dahil nakikita mo ang kanilang tunay na galak at tuwa sa mga pagtitipong katulad nito,” ani Speaker Romualdez.

“Bukod sa paghahanda ng isang pagdiriwang para sa mga bata at kanilang pamilya, mag-aabot din tayo ng tulong pinansyal sa mga naka-confine dito sa PCMC at dadalaw din tayo sa children’s ward para mamigay ng regalo. Iparamdam natin ang Pasko dito sa PCMC,” sabi ng lider ng Kamara.

Nasa 130 bata ang nakisaya sa Christmas party na sinundan ng People’s Day ng Ako Bicol partylist kung saan namigay ng guarantee letter para sa matulungan sa pagpapagamot ang mga pasyente.

Binisita rin ng mga mambabatas ang mga batang pasyente sa mga ward at binigyan ng regalo ang mga ito.

Bukod sa mga regalo, sinabi ni Speaker Romualdez na ang mga pasyenteng inimbita sa event ay makikinabang sa zero billing na ikinatuwa ng mga nasa ward at mga magulang.

Sinabi ni Rep. Yedda na walang mapaglagyan ang kanyang kasiyahan ng makita ang ngiti ng mga bata.

“There is nothing more pure and sincere than a child’s genuine happiness and Christmas spirit. I am very pleased to be a part of this event,” saad ng lady solon.

“Bilang isang ina napakahirap makita ang ating mga anak na maysakit. Sana sa aming pagdalaw ay nakapagdala kami ng kaunting pag-asa at maibsan ang pinagdadaanan ng ating mga anak. Dasal ko po na sana ay gumaling na sila,” dagdag pa ni Rep. Yedda.

Sinilip din ng mga mambabatas ang itinatayong Philippine Cancer Center sa loob ng Blood Bank Complex, gayundin ang Mega Hemodialysis Legacy Building ng National Kidney and Transplant Institute, na kapwa nasa Quezon City.

Isinulong ng Kamara de Representantes na mapondohan ang pagtatayo ng mga nabanggit na pasilidad.

“We expect that once the new buildings are done, they would serve more patients in the future and further enhance healthcare delivery to our people,” dagdag pa ni Speaker Romualdez. (END)

@@@@@@@@@@@@

Pagtuligsa ni Sen. Bato sa Tingog pantakip sa isyu ng EJK— Rep Acidre

Ang pagtuligsa umano ni Sen. Ronald “Bato” dela Rosa sa Tingog Party-list at pagsali nito sa health development project ay maaari umanong isang tangka upang matakpan ang pananagutan nito sa extrajudicial killings kaugnay ng Duterte drug war.

Ito ang sinabi ni House Assistant Majority Leader at Tingog Party-list Rep. Jude Acidre bilang sagot sa privilege speech ni Dela Rosa kung saan tinuligsa nito ang pagpasok ng Tingog sa isang memorandum of agreement (MOA) kasama ang PhilHealth at Development Bank of the Philippines para sa pagtatayo ng mga ospital ng mga lokal na pamahalaan.

“It is worth asking why Senator Dela Rosa is so fixated on attacking this program, which is designed to uplift underserved communities,” ani Acidre.

“Could this be an attempt to deflect attention from the House investigation into extrajudicial killings during his time as Philippine National Police chief?” tanong nito.

“(Dela Rosa’s) sudden concern for governance and ethics appears more like a smokescreen to distract from his own accountability issues than a genuine critique of the MOA.”

Hinamon ni Acidre si Dela Rosa na kilalanin ang totoong layunin ng inisyatiba.

“Instead of politicizing a well-intentioned initiative, Senator Dela Rosa should focus on addressing the lingering questions about his past and how it has affected the lives of countless Filipinos. Tingog, for its part, remains committed to serving the people, especially those in rural areas who have long been neglected,” sabi nito.

Ayon kay Acidre mali ang impormasyon na ipinasa kay Dela Rosa kaugnay ng health development project ng Tingog.

Paliwanag ni Acidre sa ilalim ng MOA ay tutulungan ng Tingog ang mga lokal na pamahalaan upang makapangutang sa DBP para makapagtayo ng ospital sa kanilang lugar o makabili ng mga kagamitan sa panggagamot.

“Tingog Party-list’s participation in this initiative is rooted in its mission to improve access to healthcare, especially in underserved and rural communities. This initiative is not about power or control but about facilitating solutions for local government units (LGUs) to enhance public healthcare services,” giit pa nito.

Ipinaliwanag ni Acidre na magbibigay ang Tingog ng fiscal training sa mga LGU para makapasok sa credit facility ng DBP para makapagbigay ito ng serbisyong medikal sa kanilang nasasakupan.

“Tingog Party-list does not handle funds, manage projects, or encroach upon the functions of the Department of Health (DOH) or the Department of the Interior and Local Government (DILG). These agencies remain central to national healthcare programs,” saad ng solon.

“The MOA does not bypass these agencies. Tingog complements, not replaces, their mandates,” wika pa nito.

“Tingog’s involvement is grounded in service, not politics. The MOA adheres to all legal protocols. The financial arrangements are strictly between DBP and LGUs, and no funds are transferred to Tingog. The ethics of this partnership should be measured by its intent and outcomes, not by Dela Rosa’s baseless speculations.”

“We call on the public to see through this distraction and focus on what truly matters: ensuring that healthcare reaches every Filipino, regardless of political noise. Public service should always prioritize the welfare of the people, not personal or political agendas,” dagdag pa ni Acidre. (END)

@@@@@@@@@@

Konek dating Pangulong Duterte, Michael Yang sa 2004 Dumoy Shabu lab raid ikinanta ng misis ng drug lord suspect

Isang testigo na humarap sa House quad comm ang nagpatibay sa alegasyon ng kaugnayan nina dating Pangulong Rodrigo Roa Duterte at dati nitong presidential economic adviser na si Michael Yang sa isang shabu laboratory sa Dumoy, Davao City.

Ang operasyon, na naganap noong panahon na si Duterte ang alkalde ng lungsod, ay nagresulta sa pagkakatuklas at pagkakakumpiska ng higit sa 100 kilo ng high-grade shabu na tinatayang nagkakahalaga ng P300 milyon.

Sa sinumpaang salaysay na iniharap sa pagdinig ng komite noong Huwebes, inilahad ni Jed Pilapil Sy, asawa ng hinihinalang drug lord na si Allan Sy at may-ari ng property sa Dumoy kung saan itinayo ang shabu laboratory, ang mga pangyayari bago ang misteryosong pagkawala ng kanyang asawa at ang kanyang naging pagkakakulong.

Ibinahagi ni Jed ang isang nakakatakot na serye ng mga pangyayari noong Disyembre 31, 2004, kabilang na ang pakikipagtalo sa noo’y Mayor Rodrigo Duterte.

Sinabi niya na nagtungo sa kanilang bahay sa Davao City ang galit nag alit na si Duterte at hinahanap ang kinaroroonan ng kanyang asawa.

“Noong araw din na ‘yun, mga bandang 9:30 ng gabi, pinuntahan ako ni Mayor Duterte at hinahanap niya ang asawa ko sa aming bahay sa Arlene apartment kung saan kami umuupa. Tinanong ko si Mayor Duterte kung bakit niya hinahanap ang asawa ko, ang sabi lang niya ‘basta, galit na galit ako sa kanya,’” ayon kay Jed.

Pagpapatuloy pa nito, “Ako ay nagtataka at nagulat, at dahil dito tinanong ko si Mayor Duterte kung mayroon po bang kasalanan ang asawa ko sa kanya. Inulit lang ni Mayor Duterte na ‘basta, galit na galit ako sa kanya.’”

Sinabi ni Jed na pagkatapos ay binigyan siya ni Duterte ng magbabantay at binalaan siyang huwag lumabas ng bahay, ngunit hindi na niya dinugtungan pa ang kanyang mga sinabi.

Ilang oras pagkatapos ng pagbisita ni Duterte, nalaman ni Jed mula sa isang kaibigan na ni-raid ng mga awtoridad ang ari-arian sa Dumoy.

“Makalipas ng ilang oras, tumawag ang isa sa mga kaibigan ng asawa ko para sabihin sakin na ako daw ay manood ng telebisyon dahil na-raid daw ang Dumoy at nandoon ang asawa ko at may mga namatay,” saad ni Jed. “Noong pagkabukas ko ng telebisyon, napanuod ko ang news tungkol sa Dumoy raid at may mga napaslang.”

Ang raid sa Dumoy ang huling pagkakataon na diumano'y nakita si Allan Sy, na ayon kay Jed ay magpahanggang ngayon ay hindi niya nalalaman kung patay na o buhay pa ang kanyang asawa.

Si Jed, at kapatid nitong si Jong Pilapil, kasama ang iba pa ay inaresto kinabukasan at nahatulan ng hukuman ng habang buhay na pagkakakulong sa isang piitan sa Davao City.

Naninindigan si Jed na ang kanilang pagkakakulong ay base sa gawa-gawang ebindensya, subalit ito ay una ng kinatigan ng Mataas na Hukuman.

Ang sinumpaang salaysay ay nagbigay pa ng mga detalye na nag-ugnay kay Yang, at koneksyon sa mga negosyo ng pamilya Sy sa pamamagitan ng DCLA Plaza sa Davao City.

“Ang DCLA Plaza na pagmamay-ari ni Hong Ming ay naging display area namin ng foam,” saad nito, na tinutukoy si Yang sa kanyang tunay na pangalan sa Chinese na Hong Ming Yang.

Nang ipakita sa kanya ang larawan ni Yang, kinumpirma ni Jed na ang nasa larawan at sinabing siya nga ang malapit na kaibigan ng kanyang asawa.

Ang mga pahayag ni Jed ay tumutugma sa mga sinabi ng sinibak na opisyal na si Police Col. Eduardo Acierto, na inakusahan si Duterte ng pagtatanggol kay Yang at isa pang hinihinalang drug lord na si Allan Lim, kilala rin bilang Lin Weixiong, mula sa pananagutan noong kanyang panunungkulan bilang presidente.

Una ng pinatotohanan ni Acierto sa kaniyang pahayag na si Yang ang nagpapatakbo ng drug laboratories sa Mindanao, kabilang na ang Dumoy lab, simula pa noong mga unang taon ng 2000.

Sinabi ni Acierto sa mga mambabatas, “Si Michael Yang, na kilala rin sa alias na ‘Dragon,’ ay malaki ang kinalaman sa paggawa at pamamahagi ng ilegal na droga,” batay sa intelligence report na nakalap noong 2017.

Sinabi din ni Acierto na nagbigay si Yang ng mga dokumento sa pagpapadala ng ilegal na droga na nasamsam sa isang raid noong 2005 sa Cagayan de Oro City.

Ayon pa kay Acierto na isinama niya ang impormasyong ito sa isang detalyadong matrix na ibinigay kay dating PNP Chief Ronald Dela Rosa, dating Philippine Drug Enforcement Agency Director Aaron Aquino, at Police Deputy Director General Camilo Cascolan.

Ang ulat ay ipinasa rin kay dating PNP chief Oscar Albayalde, ang kahalili ni Dela Rosa. Subalit, hindi na ito binigyang-pansin, habang sina Acierto ay kanyang grupo ay pinalabas na walang kredibilidad at hindi kapani-paniwala ang kanilang mga natuklasan.

Inakusahan ni Acierto si Dela Rosa na inupuan lang ang kaso, sa halip na tugunan ang alegasyon, ay nakipagkita pa si Dela Rosa kay Allan Lim, na hinihinalang drug lord.

Ipinahayag ni Acierto na agad matapos niyang isumite ang ulat, inakusahan siya ni dating Pangulong Duterte ng pagiging kasangkot sa ilegal na droga.

Noong Oktubre 2018, pinangalanan ni Duterte si Acierto bilang isa sa mga opisyal ng pulisya na diumano'y konektado sa ilegal na kalakalan ng droga.

Noong 2019, nagtago si Acierto matapos masangkot sa smuggling ng P11 bilyong halaga ng droga na nakatago sa mga magnetic lifters na natagpuan sa Manila International Container Port at isang bodega sa Cavite.

Sa kanyang naunang testimonya sa House Committee on Dangerous Drugs, sinabi ni Acierto na diumano'y ipinag-utos ni Duterte na patayin siya, dahil sa kanyang mga imbestigasyon kay Yang at Lim, na mga kilalang malapit kay dating Special Assistant to the President at ngayo'y Senador Christopher "Bong" Go.

“Pinapapatay po ako ni Duterte dahil tinutukan ko at pinaiimbestigahan ko si Michael Yang at Allan Lim na malapit na kaibigan ni Bong Go,” saad pa nito. (END)

@@@@@@@@@@@&