MENSAHE NI SPEAKER FAUSTINO “BOJIE” G. DY III SA PISTA NG ITIM NA NAZARENO
Ang Traslacion ay paalala ng mga krus na araw-araw na pasan ng marami nating kababayan. Magkakaiba man ang mga pagsubok, iisa ang pinanghahawakang lakas upang magpatuloy.
Ang Itim na Nazareno ay hindi nangangakong mawawala ang hirap. Sa halip, ipinapaalala Niya na may lakas upang bumangon at may Diyos na kasama sa bawat hakbang.
Sa pagtitipon ng milyun-milyong deboto, malinaw kung gaano katatag ang mga Pilipino. Kapag may problema, kumakapit. Kapag napagod, humihinto sandali at nagpapatuloy. Kapag nadapa, bumabangon.
Para sa mga gaya nating lingkod-bayan, malinaw ang aral ng Traslacion. Ang pamahalaan ay may tungkuling makinig, umunawa, at kumilos lalo na para sa mga higit na nangangailangan.
Nawa’y magsilbing paalala ang Traslacion na sa gitna ng hirap, hindi nag-iisa ang sambayanan at may pag-asa hangga’t nagkakaisa.
Viva Señor Hesus Nazareno!
OOOOOOOOOOOOOOOOOOO
MENSAHE NI SPEAKER FAUSTINO “BOJIE” G. DY III SA PISTA NG ITIM NA NAZARENO
Ang Traslacion ay paalala ng mga krus na araw-araw na pasan ng marami nating kababayan. Magkakaiba man ang mga pagsubok, iisa ang pinanghahawakang lakas upang magpatuloy.
Ang Itim na Nazareno ay hindi nangangakong mawawala ang hirap. Sa halip, ipinapaalala Niya na may lakas upang bumangon at may Diyos na kasama sa bawat hakbang.
Sa pagtitipon ng milyun-milyong deboto, malinaw kung gaano katatag ang mga Pilipino. Kapag may problema, kumakapit. Kapag napagod, humihinto sandali at nagpapatuloy. Kapag nadapa, bumabangon.
Para sa mga gaya nating lingkod-bayan, malinaw ang aral ng Traslacion. Ang pamahalaan ay may tungkuling makinig, umunawa, at kumilos lalo na para sa mga higit na nangangailangan.
Nawa’y magsilbing paalala ang Traslacion na sa gitna ng hirap, hindi nag-iisa ang sambayanan at may pag-asa hangga’t nagkakaisa.
Viva Señor Hesus Nazareno!
OOOOOOOOOOOOOOOOOOOOO
SPEAKER: NILAGDAAN NI PANGULONG FERDINAND R. MARCOS JR.ANG P6.793-TRILYONG PAMBANSANG BADYET PARA SA TAONG 2026, KASAMA ANG MALALAKING REPORMA SA PROSESO NG PAGBUO NG BADYET NA LAYONG PALAKASIN ANG TRANSPARENSIYA AT PANANAGUTAN SA PAGGASTA NG PONDO NG BAYAN.
SA PAGLAGDA SA REPUBLIC ACT NUMBER 12314, O ANG GENERAL APPROPRIATIONS ACT OF 2026, PINURI NG PANGULO ANG KONGRESO SA MAAYOS AT PRINSIPYADONG PAGGAMIT NG KAPANGYARIHAN NITO SA BADYET, AT SA MGA REPORMANG IPINATUPAD UPANG MAS MAPALAWAK ANG PARTISIPASYON AT MAPATIBAY ANG PANANAGUTAN SA BAWAT YUGTO NG BUDGET AUTHORIZATION PROCESS.
AYON SA PANGULO, ANG MGA REPORMANG ITO AY NAGTITIYAK NA ANG BADYET AY TUMUTUGMA SA PLANO AT BISYON NG ADMINISTRASYON PARA SA PAG-UNLAD NG BANSA.
NANGUNA SA MGA REPORMANG ITO ANG HOUSE OF REPRESENTATIVES SA PAMUMUNO NI SPEAKER FAUSTINO “BOJIE” DY III.
KABILANG SA MGA HAKBANG ANG PAGBUWAG SA SMALL COMMITTEE AT PAGPAPALIT NITO NG BUDGET AMENDMENTS AND REVIEW SUB-COMMITTEE O BARSC, ANG INSTITUSYONALISASYON NG KONSULTASYON SA CIVIL SOCIETY, AT ANG KAUNA-UNAHANG OPEN BICAMERAL CONFERENCE COMMITTEE MEETINGS NA NAI-LIVESTREAM SA PUBLIKO.
AYON KAY SPEAKER DY, BINUKSAN NG MGA REPORMANG ITO ANG BADYET SA MAS MALAWAK NA PAGSUSURI NG PUBLIKO.
ANIYA, BAWAT HAKBANG AT BAWAT PISO SA BADYET AY MAAARI NANG IPALIWANAG AT IPAGTANGGOL SA HARAP NG SAMBAYANANG PILIPINO.
NANGAKO RIN ANG SPEAKER NA MAHIGPIT NA GAGAMPANAN NG KAMARA ANG OVERSIGHT FUNCTION NITO UPANG TIYAKIN NA ANG BAWAT PISO SA P6.793-TRILYONG BADYET AY GAGASTUSIN AYON SA ITINADHANA NG BATAS.
IBINAHAGI NAMAN NG PANGULO NA PERSONAL NIYANG BINANTAYAN ANG MGA LIVESTREAM NG BICAMERAL PROCEEDINGS, KAHIT PA UMABOT ITO NG MADALING-ARAW.
AMINADO SIYA NA PATULOY SIYANG HUMIHINGI NG UPDATE SA MGA MAMBABATAS HABANG ISINASAGAWA ANG MGA DELIBERASYON.
KINILALA RIN NG PANGULO ANG SUPORTA NG KONGRESO SA PAGBABAWAS NG UNPROGRAMMED APPROPRIATIONS, NA LALONG PINALIIT MATAPOS I-VETO ANG P92.5-BILYONG HALAGA NG MGA LINE ITEM, ANG PINAKAMABABANG ANTAS NG UNPROGRAMMED APPROPRIATIONS O UA MULA TAONG 2019.
SA KABUUAN, ANG 2026 NATIONAL BUDGET AY INILALARAWAN BILANG MAS BUKAS, MAS MAINGAT, AT MAS MAY PANANAGUTANG BADYET PARA SA BAYAN.
KURO-KURO
ANG MGA REPORMANG ITO SA BADYET AY MAHALAGANG HAKBANG PASULONG.
SA KAUNA-UNAHANG PAGKAKATAON, ANG PAGBUO NG BADYET AY HINDI NA SARADO SA LIKOD NG MGA PINTO. NGUNIT ANG TUNAY NA PAGSUBOK AY NASA IMPLEMENTASYON.
ANG TRANSPARENSIYA SA PAPEL AY DAPAT MAUWI SA MALINIS AT MAKABULUHANG PAGGASTA SA LUPA.
ANG P6.793-TRILYON AY HINDI LAMANG MGA NUMERO—ITO AY PAGKAIN, KALUSUGAN, EDUKASYON, AT KABUHAYAN NG MILYUN-MILYONG PILIPINO. ANG HAMON NGAYON: PATUNAYAN NA ANG BUKAS NA BADYET AY MAGBUBUNGA NG TUNAY NA SERBISYO PARA SA TAUMBAYAN.
OOOOOOOOOOOOOOOOOOO
NUP: HINILING NG ILANG MIYEMBRO NG National Unity Party SA House Committee on Ethics and Privileges NA ATASAN MUNA ANG ISANG KOMPREHENSIBONG FITNESS DETERMINATION BAGO PAYAGANG MULING GAMPANAN NI Francisco Kiko Barzaga ANG KANYANG MGA GAWAING LEHISLATIBO MATAPOS ANG IPINATAW NA SUSPENSIYON.
SA ISINUMITENG MANIFESTATION AT MOTION SA PAMAMAGITAN NG KANILANG ABOGADO, BINIGYANG-DIIN NG MGA NAGREKLAMO NA SA KABILA NG NAUNANG PARUSA NG KAMARA, AY PATULOY PA RING NAGLALATHALA SI CONG. BARZAGA NG MGA NILALAMANG MAPANUYA, MAGULO, AT NAKAKASIRA SA DANGAL NG KAPULUNGAN SA PAMAMAGITAN NG KANYANG MGA OPISYAL NA SOCIAL MEDIA ACCOUNTS.
IPINAALALA SA MOSYON NA NOONG DISYEMBRE 1, 2025, INAPRUBAHAN NG KAMARA ANG COMMITTEE REPORT NO. 28 NA NAGPASYA NA MAY PANANAGUTAN SI BARZAGA SA MISCONDUCT SA ILALIM NG HOUSE CODE OF CONDUCT AT REPUBLIC ACT 6713.
DAHIL DITO, IPINATAW SA KANYA ANG 60-ARAW NA SUSPENSIYON NANG WALANG SAHOD AT BENEPISYO, KASAMA ANG MARIING BABALA NA MAS MABIGAT NA PARUSA ANG KAHIHINATNAN KUNG MAUULIT ANG KATULAD NA GAWI.
AYON SA MGA NAGHAIN NG MOSYON, KABILANG SA MGA PINAKABAGONG POST NA BINABATIKOS ANG PANUNUYA AT PANINIRA SA YUMAO NANG SI Romeo Acop, MGA MALASWANG PAHAYAG NA MAY KINALAMAN SA KABABAIHAN, MGA MAPANG-ALAB NA POLITIKAL NA KOMENTARYO, AT ANG UMANO’Y PAGGAMIT SA PAGKAMATAY NG ISA PANG OPISYAL PARA SA MGA WALANG BATAYANG TEORYA.
DAHIL DITO, IGIINIIT NG MGA NAGREKLAMO NA MAY MALUBHANG KUWESTIYON KUNG HANDA PA BANG GAMPANAN NI BARZAGA ANG TUNGKULIN BILANG MAMBABATAS NANG MAY PAGGALANG SA BATAS, ALITUNTUNIN, AT DANGAL NG KAMARA. KAYA NAMAN, HINIHILING NILA NA SUMAILALIM MUNA SIYA SA ISANG FITNESS DETERMINATION UPANG MATIYAK KUNG SIYA AY PISIKAL, MENTAL, EMOSYONAL, AT BEHAVIORALLY NA HANDA SA PAGGANAP NG TUNGKULIN.
BINIGYANG-DIIN DIN NA ANG MOSYON AY HINDI HUMIHILING NG BAGONG PARUSA, KUNDI ISANG HAKBANG NG KOMITE SA ILALIM NG KANYANG SUPERVISORY AT FACT-FINDING POWERS, ALINSUNOD SA KAPANGYARIHAN NG KAMARA SA ILALIM NG SALIGANG BATAS.
KURO-KURO
ANG DISIPLINA SA LOOB NG KONGRESO AY HINDI LAMANG USAPIN NG PARUSA, KUNDI NG PANANAGUTAN SA PUBLIKO.
KUNG ANG ISANG MAMBABATAS AY PATULOY NA LUMALABAG SA MGA PAMANTAYAN KAHIT MAY NAIPATAW NANG PARUSA, MAKATWIRAN LAMANG NA TIYAKIN MUNA KUNG SIYA AY HANDA PANG MAGLINGKOD NANG MAY DIGNIDAD.
SA HULI, ANG PINANGANGALAGAAN DITO AY ANG INTEGRIDAD NG INSTITUSYON AT TIWALA NG BAYAN SA DEMOKRASYA.
OOOOOOOOOOOOOOOOOOO
QUIMBO: HUMIHINGI NG IMBESTIGASYON SA MALAKIHANG TOBACCO SMUGGLING SI MIRO QUIMBO
HALOS ₱1 BILYONG PISONG BUWIS, NALUGI SA PINAKAHULING HULI
NAGHAIN NG HOUSE RESOLUTION NUMBER 636 SI CONGRESSMAN MIRO QUIMBO, TAGAPANGULO NG HOUSE COMMITTEE ON WAYS AND MEANS, UPANG IMBESTIGAHAN, SA TULONG NG BATAS, ANG LUMALALANG MALAKIHANG TOBACCO SMUGGLING AT ANG EPEKTO NITO SA KALUSUGAN NG PUBLIKO AT SA KITA NG PAMAHALAAN.
AYON KAY QUIMBO, NAGPATUNAY SA LALA NG PROBLEMA ANG PAGKAKASAMSAM NOONG ENERO UNO, DALAWANG LIBO DALAWAMPU’T ANIM, NG TATLUMPU’T DALAWANG TRUCK NA MAY LAMANG PINAGHIHINALAANG SMUGGLED CIGARETTES NA NAGKAKAHALAGA NG MAHIGIT ₱2.6 BILYON. ANG MGA ITO AY NASABAT NG PHILIPPINE NATIONAL POLICE SA MAGKASABAY NA OPERASYON SA BATANGAS AT MALABON.
DAHIL SA PAG-IWAS SA BUWIS NG MGA SMUGGLED NA SIGARILYO, TINATAYANG ₱875.16 MILYON ANG HINDI NAKOLEKTANG BUWIS NG PAMAHALAAN, BATAY SA EXCISE TAX RATE NG TAONG 2026.
NOONG 2023 NAMAN, INULAT NG BUREAU OF INTERNAL REVENUENA UMABOT SA ₱25.5 BILYON ANG NAWAWALANG EXCISE TAX DAHIL SA ILEGAL NA KALAKALAN NG TABAKO.
DIIN NI QUIMBO, PINAHIHINA NG MALAKIHANG SMUGGLING ANG SIN TAX REFORMS NG GOBYERNO DAHIL PINANANATILI NITONG MABABA ANG PRESYO NG SIGARILYO, KAYA MAS NAGIGING ABOT-KAYA ITO SA KABATAAN AT SA MGA MAHIHIRAP.
ANIYA, SA PATULOY NA PAGPASOK NG SMUGGLED CIGARETTES, NABABAWASAN ANG PONDO PARA SA MGA SERBISYONG PANGKALUSUGAN, LALO NA ANG PHILHEALTH.
SA ISASAGAWANG PAGDINIG, SUSURIIN NG KONGRESO ANG MGA KASALUKUYANG SISTEMA NG PAGPAPATUPAD NG BATAS, ANG KOORDINASYON NG MGA AHENSYA, AT KUNG SAPAT PA BA ANG MGA PARUSA LABAN SA MGA SMUGGLER.
AYON PA KAY QUIMBO, LAYON NG IMBESTIGASYON NA ISARA ANG MGA REGULATORY LOOPHOLES, HIGPITAN ANG SUPPLY CHAIN NG TABAKO, AT TIYAKING MAPANAGOT ANG MGA SANGKOT SA SMUGGLING, UPANG MAPROTEKTAHAN ANG LEGITIMONG NEGOSYO AT ANG KITA NG PAMAHALAAN.
KURO-KURO
ANG ISYUNG ITO AY HINDI LANG USAPIN NG BUWIS, KUNDI USAPIN NG KALUSUGAN AT KATARUNGANG PANLIPUNAN. HABANG MAY MGA SMUGGLER NA KUMIKITA, ANG BAYAN ANG NALULUGI.
ANG IMBESTIGASYON SA KONGRESO AY MAHALAGANG HAKBANG, PERO MAS MAHALAGA ANG TULUY-TULOY AT WALANG SINASANTO NA PAGPAPATUPAD NG BATAS. KUNG TOTOONG NAIISARA ANG MGA BUTAS SA SISTEMA, MASISIGURO NA ANG SIN TAX AY TOTOONG NAGSISILBI SA KALUSUGAN NG MAMAMAYAN AT SA KATATAGAN NG PANANALAPI NG BANSA.
OOOOOOOOOOOOOOOOOOO
ROMUALDEZ: PUMASOK SA NATIONAL TOP 5 ANG DR. V. ORESTES ROMUALDEZ EDUCATIONAL FOUNDATION O DVOREF COLLEGE OF LAW SA 2025 BAR EXAMINATIONS, BATAY SA OPISYAL NA DATOS NA INILABAS NG Supreme Court of the Philippines.
NAITALA NG DVOREF ANG 80.19 PORSIYENTONG PASSING RATE PARA SA MGA FIRST-TIME BAR EXAMINEES MULA SA MGA LAW SCHOOL NA MAY HIGIT SA ISANG DAANG KANDIDATO. DAHIL DITO, IKA-APAT ANG PWESTO NG PAARALAN SA BUONG BANSA — MAS MATAAS PA KAYSA SA SAN BEDA COLLEGE OF LAW–ALABANG AT KASABAY NG MGA KINIKILALANG INSTITUSYON GAYA NG Ateneo de Manila University, University of the Philippines, AT University of Santo Tomas.
SA KABUUANG 106 NA KUMUHA NG BAR MULA DVOREF, 85 ANG NAKAPASA. DAHIL DITO, ANG DVOREF ANG NAG-IISANG LAW SCHOOL SA MGA PROBINSIYA NA NAKAPASOK SA TOP 5 SA KANYANG KATEGORYA — ISANG MAHALAGANG TAGUMPAY PARA SA REGIYONAL NA LEGAL EDUCATION.
ANG DVOREF COLLEGE OF LAW AY PINAMUMUNUAN NI LEYTE REPRESENTATIVE Ferdinand Martin G. Romualdez, ISANG ABOGADONG NAGTAPOS NG BACHELOR OF LAWS SA UNIVERSITY OF THE PHILIPPINES COLLEGE OF LAW. AYON KAY DEAN ROMUALDEZ, ANG TAGUMPAY NA ITO AY BUNGA NG DISIPLINADONG PAGHAHANDA, MALAPIT NA GABAY NG MGA GURO, AT ISANG AKADEMIKONG KULTURANG NAKASANDIG SA ETIKA AT SERBISYONG PUBLIKO.
ANIYA, HINDI RAW NAKAKULONG SA METRO MANILA ANG KAHUSAYAN SA LEGAL EDUCATION. PASASALAMAT DIN NIYA SA ADMINISTRASYON, MGA GURO, MAG-AARAL, AT MGA MAGULANG NA NAGING KABAHAGI SA TAGUMPAY NG PAARALAN.
ANG ULAT NG SUPREME COURT NA “PERFORMANCE OF LAW SCHOOLS,” NA INILABAS NOONG ENERO SIYETE, DALAWANG LIBO DALAWAMPU’T ANIM, ANG OPISYAL NA BATAYAN NG RESULTA NG 2025 BAR EXAMINATIONS.
SA ATING KURO-KURO
ANG TAGUMPAY NG DVOREF AY PATUNAY NA ANG DE-KALIDAD NA EDUKASYON SA ABogasYA AY KAYANG UMUSBONG SA MGA REHIYON. ITO AY HAMON AT INSPIRASYON SA IBA PANG PROBINSIYAL NA PAARALAN NA MAGPATULOY SA PAGHUBOG NG MGA ABogadong MAY TALINO, DISIPLINA, AT MALASAKIT SA BAYAN.
OOOOOOOOOOOOOOOOOOO
YAMSUAN: ISUSULONG NI Brian Raymund Yamsuan, KINATAWAN NG IKALAWANG DISTRITO NG PARAÑAQUE, ANG PAGKASAMA NG PANUKALANG MAGNA CARTA PARA SA PUBLIC DISASTER RISK REDUCTION AND MANAGEMENT O DRRM WORKERS SA MGA PRAYORIDAD NA PANUKALA NG IKA-20 KONGRESO.
AYON KAY REP. YAMSUAN, KANYANG TATALAKAYIN ANG PANUKALA KAY Faustino Dy III AT KAY HOUSE MAJORITY LEADER Ferdinand Alexander Marcos UPANG MATINGNAN ANG POSIBILIDAD NA MAISAMA ITO SA COMMON LEGISLATIVE AGENDA NG LEGISLATIVE-EXECUTIVE DEVELOPMENT ADVISORY COUNCIL O LEDAC.
ANG PANUKALANG MAGNA CARTA AY INIHAIN NI YAMSUAN SA PAMAMAGITAN NG HOUSE BILL 5239, NA LAYONG PAGBUTIHIN ANG KONDISYON SA TRABAHO AT MAGBIGAY NG ANGKOP NA BENEPISYO SA MGA PUBLIC DRRM WORKERS NA NANGUNGUNA SA PAGHAHANDA, PAGTUGON, AT PAGBANGON SA PANAHON NG KALAMIDAD.
BINIGYANG-DIIN NG MAMBABATAS NA ANG MGA DRRM WORKERS AY MADALAS ISINUSUGAL ANG SARILING BUHAY UPANG ILIGTAS ANG IBA, NGUNIT SA KABILA NITO AY KULANG PA RIN SA PROTEKSIYON AT BENEPISYO.
KABILANG SA MGA ITINATADHANA NG PANUKALA ANG HAZARD ALLOWANCE, PROTECTIVE EQUIPMENT, LIBRENG BAKUNA AT GAMOT, KOMPENSASYON SA WORK-RELATED INJURIES AT SAKIT, MANDATORY INSURANCE, MEDICAL AT RETIREMENT BENEFITS.
ISA RIN SA MAHAHALAGANG PROBISYON NG PANUKALA ANG PAGLIKHA NG PUBLIC DRRM WORKERS’ EDUCATION TRUST FUND NA MAGBIBIGAY NG EDUKASYON NA TULONG SA MGA ANAK AT DEPENDENTS NG MGA DRRM WORKERS NA NASAWI SA TUNGKULIN.
KASAMA RIN ANG PSYCHOSOCIAL SUPPORT, PATULOY NA PAGSASANAY, AT SCHOLARSHIP OPPORTUNITIES PARA SA KANILANG PROPESYONAL NA PAG-UNLAD.
SINUSUPORTAHAN DIN NI YAMSUAN ANG SUNSET REVIEW NG REPUBLIC ACT 10121 O PHILIPPINE DRRM ACT UPANG MASURI KUNG PAANO PA MAPALALAKAS ANG DISASTER RESPONSE HANGGANG SA ANTAS NG KOMUNIDAD.
KURO-KURO
ANG MGA DRRM WORKERS AY MGA TAHIMIK NA BAYANI SA PANAHON NG KALAMIDAD.
ANG PANUKALANG MAGNA CARTA AY HINDI PREBILEHIYO KUNDI PAGKILALA SA KANILANG SAKRIPISYO AT SERBISYO.
KUNG NINAIS NG ESTADO NA MAGING HANDA AT MATATAG ANG MGA KOMUNIDAD, DAPAT SIMULAN ITO SA MAKATARUNGANG PAGPROTEKTA AT PAG-AALAGA SA MGA NASA UNAHAN NG LIGTASAN.
OOOOOOOOOOOOOOOOOOO
MACASAET: ISINUSULONG 100% PAGTAAS NG GSIS SURVIVORSHIP PENSION PARA SA MGA NAULILANG ASAWA
ISINULONG NI REP. Rolando Ledesma Macasaet, NG SSS-GSIS PENSYONADO PARTY-LIST, ANG ISANG PANUKALA NA LALONG MAGPAPALAKAS SA PINANSYAL NA PROTEKSIYON NG MGA NAIIWANG ASAWA NG MGA YUMAO NANG MIYEMBRO AT PENSYONADO NG PAMAHALAAN.
SA KANYANG INIHAIN NA HB 7009, LAYON NI MACASAET NA AMIYENDAHAN ANG GSIS ACT OF NINETEEN NINETY-SEVEN UPANG ITAAS MULA LIMAMPUNG PORSIYENTO TUNGO SA ISANG DAANG PORSIYENTO ANG SURVIVORSHIP PENSION NG MGA KUWALIPIKADONG ASAWA—KATUMBAS NG BUONG BASIC MONTHLY PENSION NG NAMATAY NA MIYEMBRO.
ANG SURVIVORSHIP PENSION AY ANG BUWANANG BENEPISYO NA IPINAGKAKALOOB SA LEGAL NA ASAWA NG YUMAO, BILANG KAPALIT NG NAWALANG KITA NG PAMILYA.
SA KASALUKUYAN, SA ILALIM NG Social Security System O SSS, ISANG DAANG PORSIYENTO NA AGAD ANG IBINIBIGAY, SAMANTALANG SA Government Service Insurance System O GSIS, KALAHATI LAMANG ANG TINATANGGAP NG MGA NAIIWANG ASAWA.
AYON KAY REP. MACASAET, WALANG MAKATUWIRANG DAHILAN UPANG MAS MABABA ANG PROTEKSIYONG NATATANGGAP NG MGA PAMILYA NG KAWANI NG PAMAHALAAN KUMPARA SA MGA NASA PRIBADONG SEKTOR.
DIIN NIYA, ANG PANUKALA AY USAPIN NG KATARUNGAN, MALASAKIT, AT DIGNIDAD—LALO NA SA PANAHON NG MATAAS NA INFLATION AT PATULOY NA PAGTAAS NG GASTUSIN SA MGA PANGUNAHING PANGANGAILANGAN.
KINIKILALA RIN NG PANUKALA NA ANG PENSYON AY NILALAYONG SUMUSUPORTA SA PAMILYA NG MIYEMBRO MATAPOS ANG KANIYANG PAGPANAW.
SA PAGBIBIGAY NG BUONG BASIC MONTHLY PENSION, LAYON NG HB 7009 NA PAGAANIN ANG PASANING PINANSYAL NG MGA NAGLULUKSA AT PATIBAYIN ANG PANANAGUTAN NG ESTADO SA SOSYAL NA PROTEKSIYON.
KURO-KURO
ANG HAKBANG NA ITO AY NAGTATAMA NG MATAGAL NANG HINDI PAGKAKAPANTAY-PANTAY SA SISTEMA NG PENSYON.
KUNG ANG MGA NASA PRIBADONG SEKTOR AY MAY BUONG PROTEKSIYON, DAPAT GANITO RIN ANG PARA SA MGA LINGKOD-BAYAN.
ANG 100% SURVIVORSHIP PENSION AY HINDI LUHO—ISA ITONG BATAYANG KATARUNGAN PARA SA MGA PAMILYANG UMAASA SA PENSYON PARA SA DISENTENG PAMUMUHAY.
OOOOOOOOOOOOOOOOOOO
VILLAFUERTE: HINIHIKAYAT NI HOUSE DEPUTY MAJORITY LEADER AT CAMARINES SUR REP. LUIGI VILLAFUERTE SI PANGULONG FERDINAND “BONGBONG” MARCOS JR. NA ENDORSUHAN ANG DALAWANG PANUKALANG BATAS NA MAGLALAAN NG PINAGSAMANG LABINLIMANG BILYONG PISO PARA SA PAGPAPALAKAS AT PAGMOMODERNISA NG SANDATAHANG LAKAS NG PILIPINAS, SA PAMAMAGITAN NG PAGGAMIT NG DRONES AT PAG-REHABILITATE NG MGA LUMA PERO OPERABLE PA NA SASAKYANG-PANGHIMPAPAWID.
AYON KAY VILLAFUERTE, TAMA ANG DIREKSYON NG ADMINISTRASYON SA PAGPAPATULOY NG AFP MODERNIZATION, LALO NA SA HARAP NG MGA BANTA SA PAMBANSANG SEGURIDAD TULAD NG TUMITINDING TENSIYON SA WEST PHILIPPINE SEA.
UMAASA SIYA NA ENDORSUHAN NG PANGULO ANG HOUSE BILL 1362 AT HOUSE BILL 1363 BILANG MGA PRAYORIDAD NG IKA-20 KONGRESO SA PAGBUBUKAS NG SESYON SA ENERO 26.
ANG HB 1362, NA KILALA BILANG “NATIONAL DEFENSE DRONE ACT,” AY NAGLALAYONG ITATAG ANG PHILIPPINE UNMANNED AERIAL SYSTEM PROGRAM O PUASP, KASAMA ANG STRATEGIC DEFENSE TECHNOLOGY TRANSFER PROGRAM.
MAGLALAAN ITO NG INISYAL NA SAMPUNG BILYONG PISO PARA SA PAGKUHA AT PAGLAON AY LOKAL NA PAGGAWA NG DRONES PARA SA SURVEILLANCE, RECONNAISSANCE, COMBAT, DISASTER RESPONSE, AT MEDICAL EVACUATION.
KASAMA RIN ANG KOOPERASYON SA MGA UNIBERSIDAD AT TECH STARTUPS UPANG MAPAUNLAD ANG LOKAL NA INDUSTRIYA NG DRONES.
SAMANTALA, ANG HB 1363 O “MILITARY AIR ASSET REHABILITATION AND MODERNIZATION ACT” AY NAGMUMUNGKAHI NG LIMANG BILYONG PISONG PONDO PARA SA PAG-INSPEKSYON AT POSIBLENG MULING PAGPAPASERBISYO NG MGA LUMANG HELICOPTER AT IBA PANG ERANO NG MILITAR.
LAYON NITO NA MAPALAKAS ANG PRESENSIYA NG AFP SA MGA PINAGTATALUNANG KARAGATAN AT MAPAGANDA ANG KAKAYAHAN SA DEPENSA AT DISASTER RESPONSE, NANG HINDI GUMAGASTOS NG MALAKING KAPITAL PARA SA BAGONG BILI.
KURO-KURO
ANG PANUKALA NI REP. VILLAFUERTE AY NAGLALATAG NG PRAKTIKAL AT MAKABAGONG LANDAS SA DEPENSA NG BANSA—PINAGSASAMA ANG HIGH-TECH NA DRONES AT MATIPID NA REHABILITASYON NG UMIIRAL NA ASSETS.
SA PANAHON NG LIMITADONG PONDO AT LUMALALANG BANTA SA SOBERANIYA, ANG GANITONG MGA HAKBANG AY MAHALAGA UPANG MAPATATAG ANG SEGURIDAD NG BANSA, MAPAIGTING ANG KAKAYAHAN NG AFP, AT MAPATUNAYAN NA ANG MODERNISASYON AY HINDI LAMANG USAPIN NG PAGBILI, KUNDI MATALINONG PAMAMAHALA AT PANGMATAGALANG PAGHAHANDA.
OOOOOOOOOOOOOOOOOOO
BERNOS: PINURI NG SOLID NORTH PARTY-LIST ANG PAGKAKASABAT NG HALOS ₱2.5-BILYONG HALAGA NG MGA SMUGGLED NA SIGARILYO SA MAGKAHIWALAY NA OPERASYON SA BATANGAS AT MALABON KAMAKAILAN.
SINABI NG NATURANG PARTYLIST, ITO AY ISANG MALAKING HAKBANG SA PAGPROTEKTA SA KABUHAYAN NG MGA MAGTATABAKO, LALO NA SA HILAGANG PILIPINAS.
AYON KAY REP Ching Bernos, KINATAWAN NG GRUPO, MALAKI ANG NAITULONG NG MAHUSAY NA PAMUMUNO AT KOORDINASYON NG MGA AWTORIDAD PARA MAGING MATAGUMPAY ANG OPERASYON.
“NAGPAPASALAMAT TAYO SA KAPULISAN SA PAMUMUNO NI ACTING PNP CHIEF Jose Melencio Nartatez Jr., SA HIGHWAY PATROL GROUP SA PAMUMUNO NI Hansel Marantan, AT SA IBA PA NATING MGA AWTORIDAD DAHIL MATAGUMPAY NILANG NASABAT ANG NAPAKALAKING HALAGA NG SMUGGLED CIGARETTES SA MALABON AT BATANGAS,” ANI BERNOS.
DAGDAG PA NG MAMBABATAS, “MALAKI PO ANG MAITUTULONG NITO SA PAGPROTEKTA NG KABUHAYAN NG MGA MAGSASAKA SA HILAGANG PILIPINAS.”
KASABAY NITO, NANAWAGAN SI BERNOS NG AGARAN AT GANAP NA PAGWAWASAK SA MGA NASABAT NA PRODUKTO UPANG MATIYAK NA HINDI NA MAKAPASOK PA ANG MGA ITO SA MERKADO NG PILIPINAS.
TINAWAG NIYA RING MALUBHANG BANTA ANG PAGLAGANAP NG MGA ILEGAL NA PRODUKTONG TABAKO—HINDI LAMANG SA KABUHAYAN NG MGA MAGSASAKA, KUNDI PATI SA KOLEKSIYON NG BUWIS AT SA MGA PROGRAMANG PANGKALUSUGAN NG PAMAHALAAN.
“ANG MGA ILEGAL NA SIGARILYO AY MAPANGANIB SA KALUSUGAN, NAGLALAGAY SA PANGANIB ANG TRABAHO NG MGA MAGSASAKA, AT BINABAWASAN ANG KAKAYAHAN NG PAMAHALAAN NA TUSTUSAN ANG UNIVERSAL HEALTHCARE DAHIL SA MGA HINDI NABABAYARANG BUWIS,” PALIWANAG NI BERNOS.
UMAASA RIN ANG MAMBABATAS NA MAGPAPATULOY ANG MAHIGPIT NA PAGBANTAY NG MGA AWTORIDAD LABAN SA PAGPASOK NG MGA SMUGGLED NA KALAKAL AT NA MAPAPANAGOT SA BATAS ANG MGA NASA LIKOD NITO.
“UMAASA PO TAYONG TULOY-TULOY ANG PAG-UUSIG SA MGA RESPONSABLE AT SISIGURADUHIN NA MAPAPANAGOT SILA SA BATAS,” ANIYA.
AYON SA Philippine National Police–HIGHWAY PATROL GROUP, NOONG ENERO A-UNO AY NASABAT ANG MGA PINAGHIHINALAANG SMUGGLED CIGARETTES NA NAGKAKAHALAGA NG ₱2.5-BILYON SA MAGKAHIWALAY NA OPERASYON SA MALABON AT BATANGAS. SAMANTALA, AYON NAMAN SA Bureau of Customs, ISANG MALAKING SINDIKATO ANG NASA LIKOD NG NASABING SMUGGLING.
YAN ANG PINAKABAGO.
OOOOOOOOOOOOOOOOOOO
ACIDRE: PINURI ANG PINAKAMATAAS NA BADYET PARA SA EDUKASYON SA 2026
NAGPAHAYAG NG PASASALAMAT SI Jude Acidre, KINATAWAN NG TINGOG Party-list AT TAGAPANGULO NG HOUSE COMMITTEE ON HIGHER AND TECHNICAL EDUCATION, SA PAG-APRUBA NG PINAKAMATAAS NA BADYET PARA SA EDUKASYON SA KASAYSAYAN NG BANSA SA ILALIM NG 2026 NATIONAL BUDGET.
AYON KAY ACIDRE, ANG HIGIT SA ISANG TRILYONG PISONG ALOKASYON PARA SA SEKTOR NG EDUKASYON AY ISANG MALINAW AT MATIBAY NA PAHAYAG NA ANG EDUKASYON AY NASA PINAKASENTRO NG AGENDA NG PAMBANSANG KAUNLARAN.
BINIGYANG-DIIN NIYA NA ANG PAMUMUHUNAN NA ITO AY HINDI LAMANG TAGUMPAY SA BADYET KUNDI ISANG DESISYON NG BANSA NA ANG KINABUKASAN AY ITINATAYO SA MGA SILID-ARALAN, TRAINING CENTERS, LABORATORYO, AT MGA PAMAYANANG PANGKATUTO SA BUONG PILIPINAS.
BILANG PINUNO NG KOMITE SA HIGHER AT TECHNICAL EDUCATION, ITINURING NI ACIDRE ANG BADYET BILANG MAHALAGANG PAGKAKATAON UPANG PALALIMIN ANG MGA REPORMA SA HIGHER EDUCATION AT TECHNICAL-VOCATIONAL TRAINING—MULA SA PAGPAPALAWAK NG ACCESS, PAGPAPABUTI NG KALIDAD, PAGMO-MODERNISA NG MGA INSTITUSYON, SUPORTA SA FACULTY DEVELOPMENT, HANGGANG SA PAGTIYAK NA ANG MGA GRADWEYT AY MAY ANGKOP NA KASANAYAN SA NAGBABAGONG EKONOMIYA.
ANIYA, ANG TAGUMPAY NA ITO AY BUNGA NG MATIBAY NA UGNAYAN NG EHEKUTIBO AT LEHISLATIBO, SA PAMUMUNO NG Ferdinand Marcos Jr. AT SA KOOPERASYON NG Congress of the Philippines, NA NAGKAKAISA SA PANINIWALANG ANG EDUKASYON AY ISANG PAMUMUHUNAN NA MAY PINAKAMATAAS NA BALIK SA LIPUNAN.
PARA SA TINGOG PARTY-LIST, PINATITIBAY NG BADYET ANG ADHIKAING CARING GOVERNANCE—ANG PAGLAPIT NG SERBISYO NG PAMAHALAAN SA MGA MAG-AARAL, PAMILYA, AT KOMUNIDAD, LALO NA SA MGA MATAGAL NANG NAIIWAN. TINIYAK NI ACIDRE NA MAGKAKAROON NG MAHIGPIT NA OVERSIGHT UPANG MATIYAK NA ANG BAWAT PISO AY MAGDUDULOT NG TUNAY NA PAGBUTI SA MGA PAARALAN AT KAMPUS.
KURO-KURO
ANG PINAKAMATAAS NA BADYET PARA SA EDUKASYON AY ISANG MALAKING PANALO PARA SA MGA MAG-AARAL AT GURO—NGUNIT ANG TUNAY NA SUKAT NG TAGUMPAY AY NASA IMPLEMENTASYON. KAPAG ANG PONDO AY NAGING MAS MAAYOS NA SILID-ARALAN, MAS MALAKAS NA SUCs AT TVET, AT MAS HANDANG MANGGAGAWA, DOON LAMANG MAPAPATUNAYAN NA ANG EDUKASYON AY TALAGANG PRAYORIDAD NG BANSA.
OOOOOOOOOOOOOOOOOOO
YAMSUAN: SA LOOB LAMANG NG UNANG ANIM NA BUWAN BILANG KINATAWAN NG IKALAWANG DISTRITO NG PARAÑAQUE SA IKA-20 KONGRESO, NAKAPAGHAIN NA NG MAHIGIT ANIMNAPUNG PANUKALANG BATAS SI Brian Yamsuan AT NAKAPAGHATID NG MGA PROGRAMA NG PAMAHALAAN SA MAHIGIT ISANG DAANG LIBONG BENEPISYARYO SA KANIYANG DISTRITO.
NOONG HUNYO 30, 2025—UNANG ARAW NIYA BILANG KONGRESISTA—AGAD NA IPINATUPAD NI YAMSUAN ANG BIGAY NEGOSYO PROGRAM, SA PAKIKIPAGTULUNGAN SA DOLE, NA NAKAPAGBIGAY NA NG LIVELIHOOD PACKAGE SA MAHIGIT ISANG LIBO ISANDAANG BENEPISYARYO SA LOOB NG ANIM NA BUWAN.
AYON KAY YAMSUAN, MAS PALALAWAKIN PA SA 2026 ANG MGA PROGRAMANG NAGLALAYONG MAPADALI ANG ACCESS SA KALUSUGAN, TRABAHO, KABUHAYAN, AT EDUKASYON—NANG WALANG PADRINO O MIDDLEMAN.
BILANG BAHAGI NITO, INILIPAT ONLINE ANG MGA APLIKASYON AT IPINAMAHAGI ANG MAHIGIT APATNAPU’T WALONG LIBONG HOPE CARDS PARA MAPABILIS AT MABANTAYAN ANG PAGHATID NG TULONG.
SA KONGRESO, NAKATUON ANG MGA PANUKALA NI YAMSUAN SA KANIYANG HOPE AGENDA—HEALTH, OPPORTUNITIES AND JOBS, PEACE AND ORDER, AT EDUCATION. KABILANG DITO ANG LIBRENG TAUNANG MEDICAL CHECKUP PARA SA LAHAT NG PILIPINO; BENEPISYO PARA SA MGA NANAY SA IMPORMAL NA SEKTOR; TRABAHO PARA SA SENIORS AT PERSONS WITH DISABILITIES; LIBRENG TUITION SA GRADUATE STUDIES NG MGA KAWANI NG GOBYERNO; AT MODERNISASYON NG CRIME INVESTIGATION.
ISINUSULONG DIN NIYA ANG BAON PROGRAM PARA SA TAUNANG STIPEND NG LAHAT NG MAG-AARAL, MAGNA CARTA PARA SA MGA COMMUTERS AT BARANGAY HEALTH WORKERS, HMO BENEFITS PARA SA MGA GURO, AT REGULAR NA PONDO PARA SA SUSTAINABLE LIVELIHOOD PROGRAM NG DSWD. SA ANIM NA BUWAN, MAHIGIT WALONG LIBONG MAG-AARAL NA ANG NAKINABANG SA BAON, AT LIBU-LIBONG PAMILYA SA MGA PROGRAMANG P5, JUMP, AT MAGINHAWANG BUHAY.
KASAMA RIN SA MGA INISYATIBA ANG BOTIKA ON WHEELS, MEDICAL ASSISTANCE, YAM MEALS NA NAKAPAGPAMAHAGI NG MAHIGIT DALAWAMPU’T LIMANG LIBONG LUGAW WITH EGG, AT EXTRA RICE PROGRAM.
BILANG MAMBABATAS, SI YAMSUAN AY MIYEMBRO NG House of Representatives Electoral Tribunal, BUDGET AMENDMENTS REVIEW SUB-COMMITTEE, AT BICAMERAL CONFERENCE COMMITTEE PARA SA 2026 NATIONAL BUDGET, AT MAY MGA TUNGKULIN DIN SA IBA’T IBANG KOMITE NG KAMARA.
KURO-KURO
ANG UNANG ANIM NA BUWAN NI REP. BRIAN YAMSUAN AY NAGPAPAKITA NA ANG SERBISYO PUBLIKO AY PUWEDENG MAGING MABILIS, SISTEMATIKO, AT DIREKTANG NARARAMDAMAN NG TAO.
KAPAG PINAGSAMA ANG MALINAW NA ADHIKAIN, DIGITAL NA SISTEMA, AT BATAS NA MAY MALASAKIT, ANG RESULTA AY SERBISYONG WALANG PALAKASAN AT TULONG NA UMAABOT SA TUNAY NA NANGANGAILANGAN.
ITO ANG URI NG REPRESENTASYONG INAASAHAN NG MAMAMAYAN SA MAKABAGONG KONGRESO.
OOOOOOOOOOOOOOOOOOO
DIOKNO: NAGPAHAYAG NG MAINIT NA PAGBATI SI Chel Diokno, KINATAWAN NG Akbayan Partylist, PARA SA MGA BAGONG ABOGADO NA PUMASA SA PINAKAHULING BAR EXAMINATIONS.
AYON KAY REP. DIOKNO, ALAM NIYA KUNG GAANO KAHABA AT KABIGAT ANG PINAGDAANAN NG MGA BAR PASSERS—ANG MGA TAONG TAON NG PAG-AARAL, PUYAT, AT SAKRIPISYO. ANIYA, KARAPAT-DAPAT LAMANG NA TAMASAHIN NILA ANG TAGUMPAY NA ITO.
HINIKAYAT DIN NIYA ANG MGA BAGONG ABOGADO NA DALHIN SA KANILANG PUSO AT ISIP ANG MALALIM NA PANININDIGAN SA PAGLILINGKOD AT PAGPROTEKTA SA KAPAKANAN NG MGA KAPWA PILIPINO, LALO NA ANG MGA WALANG KAKAYAHANG IPAGLABAN AT IPAGTANGGOL ANG KANILANG MGA KARAPATAN.
SAMANTALA, MAY MENSAHE RIN SI REP. DIOKNO PARA SA MGA HINDI PINALAD SA PAGKAKATAONG ITO.
BINIGYANG-DIIN NIYA NA HINDI KABIGUAN ANG HINDI PAGPAPASA, AT NA ANG MGA PANGARAP AY HINDI NASUSUKAT SA IISANG RESULTA LAMANG. HINIKAYAT NIYA ANG LAHAT NA IPAGPATULOY ANG LABAN, DAHIL MAY SAYSAY ANG BAWAT PAGSUBOK.
KURO-KURO
ANG MENSAHENG ITO AY PAALALA NA ANG ABogasya AY HIGIT PA SA PROPESYON—ISA ITONG TAWAG NG SERBISYO.
SA MGA NAKAPASA, NAKABUKAS ANG PINTO NG PANANAGUTAN SA BAYAN. SA MGA HINDI PA PINALAD, BUKAS PA RIN ANG DAAN. SA HULI, ANG TUNAY NA TAGUMPAY AY ANG PATULOY NA PAGTINDIG PARA SA KATARUNGAN AT KARAPATAN NG BAYAN.
OOOOOOOOOOOOOOOOOOO
REVILLA: MALUGOD NA TINANGGAP NI Jolo Revilla, TAGAPANGULO NG HOUSE COMMITTEE ON LABOR AND EMPLOYMENT AT KINATAWAN NG UNANG DISTRITO NG CAVITE, ANG PAGBABA NG UNEMPLOYMENT RATE SA BANSA SA 4.4 PORSIYENTO NOONG NOBYEMBRE.
AYON SA KANYA, ITO AY ISANG MALINAW NA SENYALES NG PATULOY NA PAGBANGON AT PAG-USAD NG EKONOMIYA NG PILIPINAS.
GAYUNMAN, BINIGYANG-DIIN NI REP. REVILLA NA HINDI SAPAT ANG PAGDAMI NG TRABAHO KUNG HINDI NAMAN PANTAY AT MAKATARUNGAN ANG SAHOD NG MGA MANGGAGAWA. DAHIL DITO, MULI NIYANG HINIKAYAT ANG AGARANG PAGPAPASA NG PANUKALANG NATIONAL MINIMUM WAGE LAW UPANG MAGING MAKATARUNGAN AT PANGMATAGALAN ANG PAGLAGO NG TRABAHO SA BANSA.
AYON KAY REVILLA, ANG KASALUKUYANG SISTEMA NG REGIONAL WAGE RATES AY NAGDUDULOT NG MALALAKING AGWAT SA SAHOD NG MGA MANGGAGAWA, BASE LAMANG SA LOKASYON.
ANIYA, ANG PANTAY NA TRABAHO AY DAPAT MAY PANTAY NA SAHOD—KAHIT SAAN PA MAN NAGTATRABAHO ANG ISANG PILIPINO.
IPINALIWANAG NG MAMBABATAS NA INAPRUBAHAN NA NG HOUSE COMMITTEE ON LABOR AND EMPLOYMENT ANG PINAGSAMANG PANUKALANG BATAS SA NATIONAL MINIMUM WAGE.
LAYON NITO NA MAGTATAG NG IISANG PAMBANSANG WAGE FLOOR NA HINDI BABABA SA PINAKAMATAAS NA REGIONAL RATE, KABILANG ANG SA NATIONAL CAPITAL REGION, AT MAY TATLONG TAONG TRANSISYON PARA SA GANAP NA PAGPAPANTAY-PANTAY NG SAHOD SA LAHAT NG REHIYON.
BINIGYANG-DIIN DIN NI REVILLA NA ISINASAALANG-ALANG NG PANUKALA ANG KAPAKANAN NG MGA NEGOSYO, LALO NA ANG MALILIIT NA ENTERPRISES, SA PAMAMAGITAN NG MGA ADJUSTMENT MECHANISM AT MAS MAHIGPIT NA PAGPAPATUPAD NG MGA BATAS SA PASAHOD.
KURO-KURO
ANG PAGBABA NG UNEMPLOYMENT RATE AY MAGANDANG BALITA, NGUNIT MAS MAGANDANG BALITA KUNG ANG TRABAHO AY MAY DIGNIDAD, SAPAT NA SAHOD, AT SEGURIDAD.
ANG ITINUTULAK NA NATIONAL MINIMUM WAGE LAW AY HINDI LAMANG USAPIN NG EKONOMIYA, KUNDI USAPIN NG KATARUNGANG PANLIPUNAN. SA HULI, ANG TUNAY NA SUKATAN NG PAG-UNLAD AY ANG KALIDAD NG BUHAY NG MANGGAGAWANG PILIPINO.
OOOOOOOOOOOOOOOOOOO
SPEAKER: PINURI NI HOUSE SPEAKER FAUSTINO “BOJIE” G. DY IIIANG PAGKAKAPATIBAY NG 2026 GENERAL APPROPRIATIONS ACT O GAA NA TINAWAG NIYANG ISANG TUNAY NA “PEOPLE’S BUDGET,” KASABAY NG PANATA NG MAHIGPIT NA OVERSIGHT NG KONGRESO UPANG MATIYAK NA ANG PONDO NG BAYAN AY MAGAGAMIT NANG AYON SA BATAS, MAAYOS, AT WALANG KATIWALIAN.
GINAWA NI DY ANG PAHAYAG MATAPOS LAGDAAN SI PANGULONG FERDINAND R. MARCOS JR. ANG P6.793-TRILYONG PAMBANSANG BADYET PARA SA 2026 SA ISANG SEREMONYA SA MALACAÑANG.
AYON SA SPEAKER, ANG PAGLAGDA SA BADYET AY SIMULA PA LAMANG NG TUNAY NA TRABAHO NG KONGRESO.
BINIGYANG-DIIN NIYA NA SISEGURADUHIN NG MGA MAMBABATAS NA ANG BAWAT PISO AY GAGASTUSIN EKSATKONG AYON SA INAPRUBAHANG PANUKALA.
INILARAWAN NI DY ANG 2026 GAA BILANG ISANG INKLUSIBO, TRANSPARENT, AT ACCOUNTABLE NA BADYET NA NAKATUON SA PANGANGAILANGAN NG KARANIWANG PILIPINO—PAGLIKHA NG TRABAHO, PAGPAPALAKAS NG EDUKASYON, PAGPAPALAWAK NG SERBISYONG PANGKALUSUGAN, AT PAGPAPATIBAY NG SEGURIDAD SA PAGKAIN.
BINIGYANG-HALAGA RIN NG SPEAKER ANG MGA REPORMA SA PROSESO NG BADYET, KABILANG ANG KAUNA-UNAHANG LIVESTREAM NG BICAMERAL CONFERENCE COMMITTEE AT ANG PAGBUO NG BUDGET AMENDMENTS REVIEW SUBCOMMITTEE O BARSC, NA NAGBUKAS SA BADYET NG MAS MALAWAK NA PAGSUSURI NG PUBLIKO.
TINUKOY NI DY NA NASA PUSO NG PEOPLE’S BUDGET ANG EDUKASYON, NA MAY PINAKAMATAAS NA ALOKASYON SA KASAYSAYAN—₱1.34 TRILYON—AT UNANG BESES NA LUMAMPAS SA 4 PERCENT INTERNATIONAL BENCHMARK.
GANAP NA RIN UMANO ANG PONDO NG UNIVERSAL ACCESS TO QUALITY TERTIARY EDUCATION PROGRAM, NA PAKIKINABANGAN NG 2.4 MILYONG ESTUDYANTE SA MAHIGIT ISANG DAANG STATE UNIVERSITIES AT COLLEGES.
SA KALUSUGAN, AABOT SA RECORD ₱448.12 BILYON ANG PONDO UPANG PALAWAKIN ANG BENEPISYO NG PHILHEALTH AT GANAP NA SUPORTAHAN ANG ZERO-BALANCE BILLING PARA SA MGA MAHIHIRAP NA PASYENTE SA MGA OSPITAL NG PAMAHALAAN.
IGINIIT NI DY NA MAKIKIPAGTULUNGAN ANG KONGRESO SA EHEKUTIBO SA MAAYOS NA IMPLEMENTASYON NG BADYET, HABANG MAHIGPIT NA TUTUPARIN ANG KONSTITUSYONAL NA TUNGKULIN NG OVERSIGHT NG KONGRESO.
KURO-KURO
ANG “PEOPLE’S BUDGET” AY MASUSUKAT HINDI SA LAKI NG HALAGA, KUNDI SA LINAW NG PANANAGUTAN AT SA SERBISYONG RAMDAM NG TAUMBAYAN.
KUNG MAGIGING TOTOHANAN ANG MAHIGPIT NA OVERSIGHT NA IPINANGAKO, ANG 2026 BADYET AY MAAARING MAGING HALIMBAWA NG ISANG BADYET NA WALANG TAGAS—AT MAY TUNAY NA PAKINABANG PARA SA BAWAT PILIPINO.
OOOOOOOOOOOOOOOOOOO
SALCEDA: HINIHIKAYAT NI AGRICULTURE SECRETARY Francisco Tiu Laurel Jr. ANG KONGRESO NA MADALIIN ANG PAGPAPASA NG HOUSE BILL 2260 NA INIHAIN NI ALBAY THIRD DISTRICT REPRESENTATIVE Raymond Adrian E. Salceda, NA LAYONG PALAKASIN ANG IMPLEMENTASYON NG COCONUT FARMERS AND INDUSTRY TRUST FUND ACT, O ANG MAS KILALA NATIN BILANG COCO LEVY LAW.
AYON KAY SECRETARY TIU LAUREL, HABANG INAASAHANG MANANATILING MATAAS ANG PRESYO NG NIYOG SA PANDAIGDIGANG MERKADO, MAPANGANIB NA MAANTALA PA ANG MGA REPORMA DAHIL MAARING MAPAG-IWANAN ANG MGA PILIPINONG MAGNINIYOG SA PANAHONG PINAKAMALAKI ANG DEMAND.
MATAGAL NANG PANAWAGAN NG KALIHIM ANG PAG-AMYENDA SA COCO LEVY LAW. ANANG KALIHIM, MARAMI NA SA ATING MGA PUNO NG NIYOG AY MATATANDA NA O SENILE. KUNG HINDI AGAD PAPALITAN, NAKATAYA ANG KINABUKASAN NG BUONG INDUSTRIYA AT ANG KABUHAYAN NG MILYUN-MILYONG MAGNINIYOG.
BINIGYANG-DIIN NAMAN NI CONGRESSMAN SALCEDA, NA SIYA RING TAGAPANGULO NG HOUSE SPECIAL COMMITTEE ON FOOD SECURITY, NA UTANG NG GOBYERNO SA MGA MAGNINIYOG ANG COCO LEVY FUND.
ANIYA, ANG NIYOG AY BUHAY NG MARAMING KOMUNIDAD SA KANAYUNAN. IPINAGLABAN ANG BATAS NA ITO NG MGA MAGSASAKA—MAY MGA NAGLAKAD PA MULA MINDANAO HANGGANG MALACAÑANG—KAYA PANAHON NA PARA ILABAS AT IPAKILOS ANG PONDO.
ANG HOUSE BILL 2260 AY NAGLALAYONG AMYENDAHAN ANG REPUBLIC ACT 11524 UPANG MATUGUNAN ANG MGA PROBLEMANG NAGPAPABAGAL SA PAGGAMIT NG HALOS WALUMPUNG BILYONG PISONG COCO LEVY FUND. KABILANG DITO ANG MGA ABERYA SA PROCUREMENT, KULANG NA DOKUMENTO, AT LIMITADONG KAKAYAHAN NG ILANG AHENSIYA NA IPATUPAD ANG MGA PROYEKTO.
SA ILALIM NG PANUKALA, PAPAYAGAN ANG TRUST FUND MANAGEMENT COMMITTEE, KASAMA ANG PHILIPPINE COCONUT AUTHORITY, NA IREALLOKATE ANG MGA HINDI NAGAMIT NA PONDO SA MGA SUSUNOD NA TAON, LALO NA SA MGA PROGRAMANG HANDA NAMANG IPATUPAD.
SUPORTADO RIN NG PANUKALA ANG DIREKTIBA NI PANGULONG Ferdinand R. Marcos Jr. SA KANIYANG 2025 STATE OF THE NATION ADDRESS NA GAWING MAS MAKAMAGSASAKA ANG BATAS AT BILISAN ANG COCONUT REPLANTING PROGRAM, NA MAY TARGET NA MAKAPAGTANIM NG ISANDAANG MILYONG PUNO NG NIYOG PAGSAPIT NG 2028.
⸻
KURO-KURO
ANG PANUKALANG ITO AY HINDI LANG USAPIN NG PONDO—ITO AY USAPIN NG HUSTISYA AT KINABUKASAN. SA LOOB NG MAHABANG PANAHON, HININTAY NG MGA MAGNINIYOG ANG BUNGA NG COCO LEVY NA MATAGAL NANG NAIPON.
KUNG MANANATILING NAKATENGGA ANG PERA DAHIL SA MGA TEKNIKALIDAD, NASASAYANG ANG ISANG GINTONG PAGKAKATAON.
ANG HOUSE BILL 2260 AY ISANG PRAKTIKAL NA HAKBANG: GAWING MAS FLEXIBLE, MAS RESPONSIVE, AT MAS NAKATUTOK SA TUNAY NA PANGANGAILANGAN NG MAGSASAKA.
KUNG ANG LAYUNIN AY PALAKASIN ANG AGRIKULTURA AT KANAYUNAN, ANG MAGNINIYOG AY DAPAT NASA SENTRO NG MGA DESISYON.
SA HULI, ANG COCO LEVY AY HINDI REGALO—ITO AY PANAGUTAN NG ESTADO SA MGA MAGNINIYOG.
PANAHON NA PARA ITO AY MAGAMIT NANG BUO, MAAYOS, AT MAKATARUNGAN.
OOOOOOOOOOOOOOOOOOO
SANTOS: MAGANDANG BALITA PARA SA MGA WALANG TIRAHAN AT IMPORMAL NA NANINIRAHAN SA LAS PIÑAS.
PINAGTIBAY NG Department of Human Settlements and Urban Development O DHSUD ANG MATIBAY NA SUPORTA NG PAMAHALAAN SA IN-CITY RELOCATION AT SOCIALIZED HOUSING PROJECT NG LUNGSOD NG Las Piñas, MATAPOS ILAGAK ANG HALOS P255 MILYON SA 2026 GENERAL APPROPRIATIONS ACT.
AYON KAY DHSUD SECRETARY Jose Ramon Aliling, ANG PONDO AY PATUNAY NG TULOY-TULOY NA KOMITMENT NG PAMAHALAAN NA MAGBIGAY NG DISENTE, ABOT-KAYA, AT LIGTAS NA TIRAHAN PARA SA MGA MARALITA AT WALANG BAHAY, LALUNA SA MGA MATAONG LUNGSOD.
IPINALIWANAG NI LAS PIÑAS REPRESENTATIVE Mark Anthony Santos NA ANG PROYEKTO AY IPATUTUPAD NG National Housing Authority O NHA, ISANG AHENSIYANG KABIT NG DHSUD, NA NAKATUTOK SA PAGPAPATAYO NG MURANG PABAHAY MALAPIT SA MGA SENTRONG URBANO.
GAGAMITIN ANG PONDO SA PAGTATAYO NG TATLONG MEDIUM-RISE BUILDINGS O MRBS, AT NAKAPILI NA ANG KONGRESISTA NG HINDI BABABA SA DALAWANG ANGKOP NA LOKASYON SA DALAWANG DISTRITO NG LUNGSOD.
ANG MGA BENEPISYARYO AY TUTUKUYIN NG NHA, KABILANG ANG MGA IMPORMAL SETTLER FAMILIES NA NAKATIRA SA MGA DANGER ZONE GAYA NG TABING-ILOG AT EASEMENTS, MGA PAMILYANG WALANG SAPAT NA TIRAHAN, AT MGA LOW-INCOME NA PUMAPASA SA ITINAKDANG KRITERYA. SILA AY DADAAN SA MAHIGPIT NA SCREENING BATAY SA PANGANGAILANGAN, ANTAS NG KITA, AT PAGSUNOD SA MGA REKISITO NG PROGRAMA.
AYON PA KAY SANTOS, ANG PROYEKTONG ITO—NA MATAPOS MAHIGIT ISANG DEKADANG PAGPAPLANO—AY MAISASAKATUPARAN NA SA WAKAS SA KABILA NG POLITIKAL NA PAGTUTOL, AT PATUNAY NA ANG KAPAKANAN NG PUBLIKO AY NANGUNGUNA SA ANUMANG INTERES.
ANG PROYEKTO AY NAKAHANAY SA Pambansang Pabahay para sa Pilipino O 4PH PROGRAM NG PAMAHALAAN, NA LAYONG MAKAPAGTAYO NG ISANG MILYONG PABAHAY TAUN-TAON HANGGANG 2028.
KURO-KURO
ANG IN-CITY RELOCATION SA HALIP NA MALAYONG RESETTLEMENT AY HAKBANG NA MAKATAO AT MAKATOTOHANAN. KUNG MANANATILI ANG MGA BENEPISYARYO MALAPIT SA KANILANG HANAPBUHAY, PAARALAN, AT SERBISYONG PANLIPUNAN, MAS MALAKI ANG TSANSA NG TAGUMPAY NG PROGRAMA.
ANG P255 MILYON NA PONDO AY HINDI LAMANG KONKRETO AT BAKAL—ITO AY PAMUMUHUNAN SA DIGNIDAD, KALIGTASAN, AT KINABUKASAN NG MGA PAMILYANG PILIPINO.
OOOOOOOOOOOOOOOOOOO
ADIONG: MALUGOD NA PINURI NG HOUSE OF REPRESENTATIVES ANG TINAWAG NILANG “HISTORIC” NA ₱1.35-TRILYONG BADYET PARA SA EDUKASYON SA TAONG 2026.
INILARAWAN ITO NI LANAO DEL SUR 1ST DISTRICT REP Zia Alonto Adiong, VICE CHAIR NG HOUSE COMMITTEE ON APPROPRIATIONS BILANG ISANG MATAGAL NANG KAILANGANG PAMUMUHUNAN SA KINABUKASAN NG BANSA.
AYON KA ADIONG, ANG PAGLAGDA SA BATAS NG 2026 GENERAL APPROPRIATIONS ACT AY ISANG MALINAW AT GANAP NA PAGBABAGO NG PRAYORIDAD NG PAMAHALAAN DAHIL ANG ₱1.35-TRILYON PARA SA EDUKASYON AY KATUMBAS NG 4.4 PORSIYENTO NG GROSS DOMESTIC PRODUCT NG BANSA.
AYON SA MAMBABATAS, ITO AY ISANG “MALINAW, SINASADYA, AT MATAGAL NANG NAANTALANG PAGPAPAHAYAG NA ANG KINABUKASAN NG BANSA AY ITATAYO SA LOOB NG MGA SILID-ARALAN.”
PINURI RIN NIYA SI PANGULONG Ferdinand Marcos Jr., SI HOUSE SPEAKER Faustino Bojie Dy III, SI MAJORITY LEADER Ferdinand Alexander Marcos, AT SI HOUSE APPROPRIATIONS CHAIR Mikaela Angela Suansing, KASAMA ANG MGA MIYEMBRO NG IKA-20 KONGRESO, SA PAGPAPASA NG ANIYA’Y ISANG MAKASAYSAYANG PANUKALA.
SA MGA TIYAK NA PONDO, BINIGYANG-DIIN NI ADIONG ANG ₱85.3-BILYON PARA SA PAGTUGON SA TINATAYANG 165,000 CLASSROOM BACKLOG NG BANSA—KABILANG ANG ₱65-BILYON PARA SA HALOS 25,000 BAGONG SILID-ARALAN AT ₱7.7-BILYON PARA SA PAGKUKUMPUNI AT REHABILITASYON.
MAY ₱19.5-BILYON DIN PARA SA MGA AKLAT AT INSTRUCTIONAL MATERIALS, ₱10.6-BILYON PARA SA DEPED COMPUTERIZATION PROGRAM, AT ₱4.6-BILYON PARA SA PATULOY NA PAGSASANAY NG MGA GURO.
KASAMA RIN SA BADYET ANG PAGHA-HIRE NG LIBU-LIBONG BAGONG GURO, PUNONG-GURO, GUIDANCE COUNSELORS, AT ADMINISTRATIVE STAFF, PATI NA ANG PAGPAPALAWAK NG SCHOOL-BASED FEEDING PROGRAM NA MAY PONDONG ₱25.6-BILYON, NA INAASAHANG MAKAKABENEPISYO ANG 4.6-MILYONG MAG-AARAL SA BUONG BANSA.
BILANG KOMISYONER NG Second Congressional Commission on Education, SINABI NI ADIONG NA IPINAKITA NG MGA NATUKLASAN NG KOMISYON NA HINDI NA SAPAT ANG PAUNTI-UNTING REPORMA LAMANG SA EDUKASYON.
GIIT NIYA, BABANTAYAN NG KONGRESO ANG MAHIGPIT NA IMPLEMENTASYON NG BADYET UPANG MATIYAK NA BAWAT PISO AY MAGRERESULTA SA TUNAY NA SILID-ARALAN, TUNAY NA PAGKATUTO, AT TUNAY NA PAGKAKATAON PARA SA BAWAT BATANG PILIPINO.
AT AYON KAY ADIONG, GANITO SINISIGURO NG ISANG BANSA ANG KANIYANG KINABUKASAN.
OOOOOOOOOOOOOOOOOOO
RIDON: OVERSIGHT NG KONGRESO AT PARTISIPASYON NG PUBLIKO, PANGUNAHING BATAYAN NG PANANAGUTAN SA 2026 BADYET
SINABI NI REP. Terry L. Ridon, NG Bicol Saro Party-list AT CHAIR NG HOUSE PUBLIC ACCOUNTS COMMITTEE, NA SA PAGKAPIRMA NG 2026 GENERAL APPROPRIATIONS ACT, ANG MAHIGPIT NA OVERSIGHT FUNCTION NG KONGRESO AT ANG AKTIBONG PARTISIPASYON NG PUBLIKO NA ANG MAGIGING PANGUNAHING BATAYAN NG TRANSPARENSIYA AT PANANAGUTAN SA PAGGASTA NG PONDO NG PAMAHALAAN.
AYON KAY RIDON, BILANG PANGUNAHING OVERSIGHT COMMITTEE SA PUBLIC EXPENDITURE, AKTIBONG MAKIKIPAG-UGNAYAN ANG HOUSE PUBLIC ACCOUNTS COMMITTEE SA IBA’T IBANG AHENSIYA NG PAMAHALAAN SA PAGPAPATUPAD NG MGA PROGRAMA AT PROYEKTO, KABILANG NA ANG MASUSING PAGMAMATYAG SA MGA PROCUREMENT ACTIVITY SA LAHAT NG ANTAS—MULA NATIONAL HANGGANG DISTRICT LEVEL.
BINIGYANG-DIIN NI RIDON NA IPIPILIT NG KOMITE SA Department of Public Works and Highways ANG PANGAKO NITONG I-LIVE STREAM ANG LAHAT NG PROCUREMENT ACTIVITIES, AT HINIMOK DIN ANG IBA PANG AHENSIYA NA GAYAHIN ANG GANITONG ANTAS NG BUKAS NA PROSESO.
MAHIGPIT DIN UMANONG IMO-MONITOR NG KOMITE ANG DIREKTANG IMPLEMENTASYON NG Department of Education AT Department of Agriculture SA MGA PROGRAMA SA PAARALAN AT FARM-TO-MARKET ROADS, UPANG MATIYAK NA HINDI NA MAUULIT ANG MGA PROBLEMANG NARANASAN NOON SA DPWH IMPLEMENTATION.
KASAMA RITO ANG PAGTIYAK NA ANG MGA BLACKLISTED DPWH CONTRACTORS AY HINDI MAKAKALUSOT SA MGA PROCUREMENT NG DEPED AT DA.
DAGDAG PA NI RIDON, HIKAYATIN NILA ANG MGA AHENSIYA NA MAGPATUPAD NG MAS MAHIGPIT NA QUALIFICATION STANDARDS PARA SA MGA BIDDERS, KUNG SAAN ANG NAPATUNAYANG TRACK RECORD AY DAPAT ISANG DI-MAAALIS NA KINAKAILANGAN.
BABANTAYAN DIN ANG MAHIGPIT NA PAGPAPATUPAD NG PAGBABAWAL SA PANGHIRAM NG PROCUREMENT LICENSE, KASAMA ANG AGAD NA BLACKLISTING AT PAGSASAMPA NG KASONG KRIMINAL SA MGA LALABAG.
MAKIKIPAGTULUNGAN DIN ANG KOMITE SA Department of Health, Department of Social Welfare and Development, AT IBA PANG SOCIAL SERVICES AGENCIES UPANG MATIYAK NA MAY MATITIBAY NA SAFEGUARDS LABAN SA PAMUMULITIKA SA PAMAMAHAGI NG AYUDA.
HINIMOK DIN NI RIDON ANG Department of Budget and Management, Department of Information and Communications Technology, AT Government Procurement Policy Board NA TULUNGAN ANG MGA AHENSIYA SA PAGLIPAT SA PRIMARILY ONLINE PROCUREMENT UPANG MABAWASAN ANG MANUAL AT PERSONAL NA INTERBENSIYON SA PROSESO.
KASABAY NITO, PALALAWAKIN DIN ANG KOOPERASYON SA CIVIL SOCIETY AT PEOPLE’S ORGANIZATIONS UPANG AKTIBONG MAISAMA ANG PUBLIKO SA PAGMAMATYAG SA IMPLEMENTASYON NG 2026 BADYET.
KURO-KURO
MALINAW ANG MENSAHE NI REP. RIDON: HINDI NAGTATAPOS SA PAGPIRMA NG BADYET ANG REPORMA.
ANG TUNAY NA LABAN AY NASA IMPLEMENTASYON—SA BUKAS NA PROCUREMENT, SA PAG-IWAS SA BULOK NA KONTRATISTA, AT SA AKTIBONG PARTISIPASYON NG MAMAMAYAN.
KUNG MAGTUTULOY-TULOY ANG OVERSIGHT AT BANTAY-PUBLIKO, MAS MALAPIT TAYONG MAKAKAMIT ANG MAAYOS NA IMPRASRAKTURA, MATINONG SERBISYO, AT BADYET NA TUNAY NA NAGLILINGKOD SA BAWAT PAMILYANG PILIPINO.
OOOOOOOOOOOOOOOOOOO
GAA 2026, APRUBADO NA NG MALACAÑANG
PINATIBAY NG MALACAÑANG ANG PANININDIGAN NG ADMINISTRASYON SA DISIPLINA SA PANANALAPI MATAPOS LAGDAAN NI PANGULONG FERDINAND R. MARCOS JR. KAHAPON, A-5 NG ENERO 2026 ANG P6.79-TRILYONG PAMBANSANG BADYET PARA SA TAONG 2026, KASABAY NG PAG-VETO SA ILANG PANUKALA SA ILALIM NG UNPROGRAMMED APPROPRIATIONS O UA.
SINABI NG DEPARTMENT OF BUDGET AND MANAGEMENT NA ILANG ITEM SA UA ANG TINANGGAL DAHIL GINAMIT NG PANGULO ANG KANYANG VETO POWER BILANG BAHAGI NG COMMITMENT NITO SA PANANAGUTAN AT PANANALAPI.
BAGAMA’T ANG MGA PROYEKTO SA UA AY ITINUTURING NA “STANDBY” LAMANG AT MAIPATUTUPAD LANG KUNG LALAMPAS SA TARGET ANG KOLEKSYON NG BUWIS O MAY KARAGDAGANG PONDONG PAPASOK, ITO AY BINATIKOS DAHIL MAAARING MAGING BULNERABLE UMANO ITO SA KATIWALIAN.
INILARAWAN NG ADMINISTRASYON ANG 2026 BADYET BILANG ISANG “DECISIVE SHIFT” TUNGO SA PEOPLE-CENTERED DEVELOPMENT, NA NAKATUON SA HUMAN CAPITAL AT SA KINABUKASAN NG SUSUNOD NA HENERASYON.
PINAKAMALAKI PA RIN ANG BAHAGI NG EDUKASYON—P1.345 TRILYON—NA INAASAHANG MAGPOPONDO SA HALOS 33-LIBONG TEACHING AT 32-LIBONG NON-TEACHING POSISYON, AT SA PAGPAPATAYO NG HALOS 25-LIBONG SILID-ARALAN SA BUONG BANSA.
SA KALUSUGAN, AABOT SA P448.125 BILYON ANG BADYET—PINAKAMATAAS SA KASAYSAYAN—PARA SA ZERO BALANCE BILLING, PAGLUNAS SA MGA SAKIT, AT PAGDARAGDAG NG MGA DOKTOR AT NARS.
MAY P297.102 BILYON DIN PARA SA AGRIKULTURA, P270.18 BILYON PARA SA SERBISYONG PANLIPUNAN, AT P15.33 BILYON PARA SA DISASTER REHABILITATION AT RECONSTRUCTION.
MATAPOS ANG MGA DEADLOCK SA BICAM, NATANGGAP NG OPISINA NG PANGULO ANG ENROLLED BILL NOONG DISYEMBRE 29, 2025.
AYON KAY DBM SECRETARY ROLANDO TOLEDO, SINURI NANG MABUTI ANG BADYET UPANG MATIYAK NA TUGMA ITO SA PRAYORIDAD NG ADMINISTRASYON AT SA MGA REKOMENDASYON NG MGA STAKEHOLDER.
KURO-KURO
ANG PAG-VETO SA ILANG UNPROGRAMMED APPROPRIATIONS AY MALINAW NA MENSAHE—NA ANG PANAHON NG MALUWAG AT MALABONG PONDO AY DAPAT MATAPOS.
KUNG TOTOONG MAPUPUNTA SA EDUKASYON, KALUSUGAN, AGRIKULTURA, AT DISASTER PREPAREDNESS ANG PONDO, MAS MALAPIT TAYONG MAKAKAMIT ANG MAKABULUHANG PAG-UNLAD.
ANG HAMON NGAYON: SIGURADUHIN NA ANG MGA PANGAKO SA PAPEL AY MAGING SERBISYONG RAMDAM NG TAUMBAYAN.
