AFP Radio: 23 October 1

P411M halaga ng tulong para sa biktima ng bagyong Kristine, ikinasa ng Kamara— Speaker Romualdez

Alinsunod sa direktiba ni Pangulong Ferdinand “Bongbong” R. Marcos Jr., pinangunahan ni Speaker Ferdinand Martin G. Romualdez ang paghahanda para sa malawakang relief operations ng Kamara de Representantes para sa mga pamilyang naapektuhan sa pananalasa ng bagyong Kristine.

Agad na umaksyon si Speaker Romualdez para agarang mailabas ang P390 milyong halaga ng tulong pinansyal na ipapamahagi sa may 22 distrito sa Bicol Region, Eastern Visayas, MIMAROPA at apat na party-list representatives na apektado ng bagyo.

“Malinaw po ang direktiba ni Pangulong Marcos: walang pamilyang Pilipino ang maiiwan sa pagtulong ng pamahalaan sa mga nasalanta ng bagyong Kristine. Ito ang pangako natin sa sambayanang Pilipino, lalo na doon sa mga matindi ang naranasan sa kalamidad na ito,” sabi ni Speaker Romualdez.

“We are making sure the government’s assistance reaches our affected countrymen as quickly as possible,” dagdag ng lider ng Kamara na mayroong mahigit na 300 kinatawan.

Ayon kay House Deputy Secretary General Sofonias Gabonada naghahanda na rin ang Office of the Speaker at Tingog Party-list ng 2,500 relief packs kada distrito o kabuuang 62,500 na relief goods na nagkakahalaga ng higit P21 million na siyang ipapamahagi sa mga pamilyang nasalata ng bagyong Kristine.

Mayroon din aniyang hiwalay na relief mission na gagawin si Ako Bicol Partylist Rep.

Zaldy Co, chairman ng House Committee on Appropriations.

Ayon kay Gabonada ang P15 milyong halaga ng cash assistance na ipamamahagi sa bawat distrito ay mula sa Assistance to Individuals in Crisis Situations (AICS) ng Department of Social Welfare and Development sa ilalim ng pamumuno ni Sec. Rex Gatchalian. Inaasahan na maipamahagi ito sa mga benepisyaryo sa mga susunod na araw.

Ang Tingog party-list naman ang nagsisilbing on-the-ground support sa mga nasalatang lugar.

Tinukoy ni Speaker Romualdez na karamihan sa mga distritong aabutan ng tulong ay ang mga pinaka tinamaan ng bagyo paritkular sa kabahayagm imprastraktura at kabuhayan

“We know how difficult the situation is for our fellow Filipinos, and we are here to help,” ani Speaker Romualdez. “We will ensure that these funds go directly to the recovery and rebuilding efforts in these communities.”

Kinumpirma rin ni Gabonada na maipagkakaloob ang tulong pinansyal sa 22 distrito at apat na party-list representatives sa lalong madaling panahon para na rin matugunan ang pangangailangan ng mga biktima.

“The AICS funds will be directly distributed to those in need. We have set up mechanisms to ensure that the aid reaches the constituents of the affected districts as quickly and efficiently as possible,” paliwanag ni Gabonada.

Kabilang sa mga makakatanggap ng tulong sa Bicol region ang distrito nina Rep. Eulogio Rodriguez, Rep. Josie Tallado, Rep. Rosemarie Panotes, Rep. Tonton Kho, Rep. Olga Kho, Rep. Ricardo Kho, Rep. Wowo Fortes, Rep. Dette Escudero, Rep. Fernando Cabredo, Rep. Joey Salceda, Rep. Edcel Lagman, Rep. Migz Villafuerte, Rep. Lray Villafuerte, Rep. Arnie Fuentebella, Rep. Hori Horibata, atRep. Gabriel Bordado.

Sa Eastern Visayas, paaabutan ng ayuda ang mga distrito nina Rep. Paul Daza, Rep. Harris Ongchuan, Rep. Reynolds Tan, and Rep. Stephen James Tan.

Mayroon ding tulong para sa distrito ni Rep. Cong. Reynante Arrogancia mula CALABARZON habang sa MIMAROPA naman ay ang distrito ni Rep. Lord Allan Velasco.

Kabilang naman sa relief efforts ang party-list groups na kinakatawan nina Rep. Raul Angelo “Jil” Bongalon, Rep. Brian Yamsuan, Rep. Presley De Jesus, at Rep. Felimon Espares.

“This is a coordinated effort between the national government and local representatives, and we will ensure that aid is delivered promptly as instructed by President Marcos,” ayon sa House Speaker.

Hinikayat din niya ang pribadong sektor at non-government organizations na umagapay sa mga hakbangin ng pamahalaan. “This is the time for solidarity and cooperation. We welcome any additional support that can help our people get back on their feet,” dagdag niya

Ang relief operations na ito ay bahagi lamang ng malawakang estratehiya ng administrasyon Marcos para tugunan ang kagyat at pangmatagalang pangangailangan ng mga tinamaan ng kalamidad.

“Rest assured, we will not stop at relief operations. We will push for sustainable recovery programs that will help these communities rebuild their lives,” pagtatapos ni Speaker Romualdez (END)

—————————

Davao Death Squad, iba pang detalye ng reward system sa war on drugs inilahad ni Garma

Kinumpirma ni dating Philippine Charity Sweepstakes Office (PCSO) General Manager at retired Police Col. Royina Garma ang operasyon ng Davao Death Squad (DDS) at isiniwalat ang iba pang detalye ng reward system ng war on drugs ng administrasyong Duterte.

Sa kanyang supplemental affidavit na isinumite sa House Quad Committee na nag-iimbestiga sa mga extrajudicial killings (EJKs) sa pagpapatupad ng kampanya kontra droga noong nakaraang administrasyon, nagbigay si Garma ng personal na salaysay ukol sa marahas na mekanismong nasa likod ng kontrobersyal na war on drugs ni Duterte.

Kinumpirma ni Garma, na naitalaga sa Davao City Police mula noong 1997, ang pagkakaroon ng DDS, isang grupo na itinuturong nasa likod ng mga pagpatay sa panahon ng panunungkulan ni Duterte sa lungsod.

Sinabi ni Garma na isang open secret ang DDS na iniiwasan umanong pag-usapan ng mga pulis sa Davao.

“I became aware of the so-called ‘Davao Death Squad’ through various sources during my assignment in Davao,” sabi ni Garma sa kanyang affidavit. “It was common knowledge among officers that almost all station commanders had special teams designated for specific operations. Although I did not know the identities of these teams, a culture of silence prevailed among police officers in Davao regarding such matters.”

Dagdag pa niya na ang “culture of silence” sa DDS ay umabot hanggang sa mga operasyon ng pulisya, kung saan walang kumukuwestyon at umuusisa sa mga pagpatay.

Sa kanyang naunang sinumpaang salaysay na binasa sa pagdinig ng Quad Committee noong Oktubre 11, tuwirang inakusahan ni Garma si dating Pangulong Rodrigo Duterte na nagsagawa ng isang pambansang kampanya laban sa droga na nagresulta sa libu-libong kaso ng extrajudicial killings ng mga pinaghihinalaang sangkot sa droga.

Ang sinumpaang salaysay ay hindi lamang nagbunyag ng diumano'y reward system sa mga pagpatay, kundi nagdetalye rin sa mga papel nina Duterte at ng kanyang malapit na aide na si Sen. Christopher 'Bong' Go sa pangangasiwa at pagmamando sa mga operasyon kontra droga.

Ayon pa kay Garma, ang mga cash reward para sa mga pagpatay sa mga drug suspect ay mula P20,000 hanggang P1 milyon, depende sa target.

Sa kanyang karagdagang sinumpaang salaysay na may petsang Oktubre 22, inilarawan ni Garma ang kanyang mga personal na karanasan ukol sa reward system habang siya ay Station Commander sa Sasa at Sta. Ana mula 2012 hanggang 2016.

Isa aniya sa operasyon ay naganap sa Barangay Malagamot, Davao City, noong 2012.

Sinabi ni Garma na nakatanggap siya ng tawag mula kay Police Lt. Col. Padua, isang intelligence officer ng noon ay Davao City Police chief Ronald 'Bato' Dela Rosa, na ipinaalam sa kanya ang isasagawang operasyon.

Makaraan ang ilang oras, nalaman ni Garma ang pagpatay sa isang lalaking suspek.

Naging kakaiba aniya ang operasyon, dahil sa cash reward sa mga pulis na nakapapatay sa suspek.

“From that operation, I received ₱20,000 from Sgt. Suan provided by Boy Alce,” banggit pa niya, na tumutukoy sa isang indibidwal na tumulong sa pamamahagi ng mga pabuya sa mga opisyal.

Ikinuwento rin ni Garma ang pagkamatay ng isang kilalang lalaking adik at nagtutulak ng droga malapit sa GT Gasoline Station sa Panacan, Davao.

“I remember this person because, in the morning of the day of his death, the duty desk officer informed me that he went to my office and left an image of the Holy Family, to tell my men that he just went to Mass and was very happy,” sabi ni Garma. “A few hours later, he was dead.”

Nang nagtanong si Garma tungkol sa insidente, sinabi sa kanya ng isang Police Staff Sgt. Suan na ang pagpatay ay ikinoordinate ni Alce. “There was never any clearance from my office for this operation, nor was my office informed of it,” saad pa nito.

Sinabi rin ni Garma na ang mga police commander ay pinagsusumite ng ulat tungkol sa mga matagumpay na operasyon sa pagtatapos ng bawat buwan. Aniya ang mga ulat na ito ay kinakailangan para ma-reimbursement ang mga gastos sa operasyon, kabilang ang mga gastos tulad ng buy-bust money at gasolina.

“At the end of each month, all station commanders were required to submit reports documenting successful police operations to the LGU of Davao,” paliwanag ni Garma. “These reports included details of cases filed in the Office of the Prosecutor and other relevant information concerning the operations.”

Para sa bawat kaso, sinabi ni Garma na ang mga hepe ay nire-reimburse ng ₱5,000, na pinangangasiwaan ni 'Muking.

“The disbursement of these funds occurred monthly through Irma Espino, aka ‘Muking,’ and we were required to sign documents acknowledging receipt of payment,” ayon kay Garma.

Sa nakalipas na pagdinig, tinukoy si Muking bilang si Irmina Espino, isang staff tanggapan ni Go sa Davao City Hall.

Sii Espino ay naging isang Assistant Secretary sa Malacañang nang italaga si Go bilang Special Assistant to the President.

Ipinahayag din ni Garma sa kanyang sinumpaang salaysay na ang mga pabuya para sa mga pagpatay ay mas tumaas.

“For the deaths of suspects, Sonny Buenaventura provided direct payments of ₱20,000 to station commanders, with no signed documentation required,” ayon pa kay Garma.

Pinagtibay ni Garma ang katotohanan at bisa ng kanyang mga pahayag upang magbigay ng impormasyon sa imbestigasyon ng House mega-panel na binubuo ng Committees on Dangerous Drugs, Public Order and Safety, Human Rights, at Public Accounts. (END)

—————————-

Quad Comm nag-isyu ng show cause order laban sa aide ni Bong Go, apat na iba pang sangkot sa drug war ni Duterte

Naglabas ang House Quad Committee ng show cause order para sa limang indibidwal, kabilang si Irmina Espino, ang malapit na aide ni Sen. Christopher “Bong” Go, dahil sa hindi pagsipot sa pagdinig noong Martes.

Bukod kay Espino, kasama rin sa pinagpapaliwanag ng joint panel sina, Peter Parungo, Rommel Bactat, Michael Palma, at Sanson Buenaventura, na pinangalanan ni dating General Manager ng Philippine Charity Sweepstakes Office (PCSO) na si Royina Garma, sa kanyang affidavit na nagkukumpirma sa reward system ng pulisya sa ipinatupad na marahas na war on drugs sa ilalim ng dating Pangulong Rodrigo Roa Duterte.

Ipinakita ng testimonya ni Garma na ang giyera kontra droga ay nagpapatakbo sa pamamagitan ng reward system na nag-uudyok sa mga pulis na patayin ang mga indibidwal na nasa kontrobersyal na “drug list” ni Duterte, na nagresulta sa libu-libong extrajudicial killings (EJKs) at paglabag sa karapatang pantao.

Bilang isang retiradong pulis na malapit kay Duterte, dinetalye ni Garma kung paano ipinatupad ang kampanya sa ilalim ng direktang utos ng dating pangulo, kung saan sina Go at retiradong Police Col. Edilberto Leonardo ay gumanap ng mga pangunahing papel sa operasyon.

Ipinaliwanag niya na ang pambansang kampanya na hango sa “Davao Model” na ginamit noong si Duterte ang alkalde, na nagbigay ng kabayaran sa mga pulis para sa mga pagpatay, na may pabuyang mula ₱20,000 hanggang ₱1 milyon depende sa target.

Ayon kay Garma, pagkatapos mahalal si Duterte bilang pangulo noong 2016, iniutos nito sa kanya na humanap ng isang opisyal ng Philippine National Police (PNP) upang ipatupad ang giyera kontra droga, kung saan inirekomenda niya si Leonardo, ang hepe ng PNP Criminal Investigation and Detection Group (CIDG) ng Region 11.

Si Leonardo na kalauna’y naging Undersecretary sa Department of Environment and Natural Resources (DENR) at Commissioner ng National Police Commission (Napolcom).

Sa testimonya ni Garma, sinabi nitong bumuo ng task force si Leonardo kasama ang mga operatibang sina Bactat, Cerbo, at Palma, na responsable sa intelligence gathering at pangangasiwa sa police operations.

Ang mga ulat ay isinasaayos ni Berganio, na may listahan ng mga drug personalities para suriin ni Leonardo at magtalaga ng mga kaukulang halaga ng gantimpala.

Si Buenaventura, isang mataas na opisyal ng pulisya at isa sa mga pinagkakatiwalaang tao ni Duterte, ay nakilalang miyembro ng Davao Death Squad.

Ibinunyag ni Garma sa kanyang testimonya na si Buenaventura mismo ang namamahagi ng ₱20,000 na cash sa mga station commander para sa bawat matagumpay na pagpatay sa operasyon sa Davao City.

Samantala, sina Cerbo at Berganio ay hindi nabigyan ng show cause orders dahil walang ebidensiya na natanggap nila ang mga imbitasyon mula sa Quad Comm.

Inaasahan ng mega-panel—na binubuo ng mga House Committees on Dangerous Drugs, Public Order and Safety, Human Rights, at Public Accounts—na dadalo si Espino at ang apat na iba pa sa susunod na pagdinig upang magpaliwanag ng kanilang hindi pagdalo at magbigay ng testimonya sa harap ng komite.

Kung ang kanilang mga paliwanag ay hindi magiging katanggap-tanggap, maaaring i-cite sila for contempt at ipag-utos ng komite na makulong. (END)

—————————

Pulis na iniuugnay sa pagpatay kay Mayor Halili na-contempt

Na-cite in contempt ang isang pulis na iniuugnay sa pagpatay kay dating Tanauan, Batangas Mayor Antonio Halili, na pinaniniwalaang isa sa mga biktima ng extrajudicial killing (EJK) sa war on drugs ng administrasyong Duterte.

Si Police Capt. Kenneth Paul Alborta ay na-cite in contempt sa pagdinig ng House Quad Committee dahil umano sa pagsisinungaling na isang paglabag sa Section 11, Paragraph C ng House Rules of Procedure Governing Inquiries in Aid of Legislation.

Si Alborta ay makukulong sa detention center ng Kamara hanggang sa mapagtibay ng plenaryo ng Kamara ang ulat na ilalabas ng Quad Committee na pinamumunuan ni Surigao del Norte 2nd District Rep. Robert Ace Barbers.

Si Abang Lingkod Partylist Rep. Joseph Stephen Paduano ay nagmosyon na i-cite in contempt si Albotra matapos na hindi masabi ang motibo sa pagpatay sa kanyang isang tauhan noong 2018.

“Napakasinungaling nito, Mr. Chairman. Kung hindi mo ma-corner, ‘di sasagot ng tama. Bata mo ‘yung dalawa, hindi mo alam?” sabi ni Paduano.

Sa pagdinig ng Quad Committee noong Oktobre 11, sinabi ni dating Philippine Charity Sweepstakes Office (PCSO) general manager at retired Police Colonel Royina Garma na naka-usap nito si Alborta at iniyabang nito sa kanya na sila ang pumatay kay Mayor Halilii na kasama umano sa “narco-list” ni dating Pangulong Rodrigo Duterte.

Si Halili ay pinatay ng isang sniper habang nasa flag ceremony noong Hulyo 2018.

Itinanggi ni Albotra ang sinabi ni Garma sa pagdinig ngayong Martes at iginiit na chismis lamang ito.

Iginiit naman ni Garma na nagsasabi siya ng totoo.

“Makukunsensya din po ‘yan kasi I treated him very well when I was the [Police] Director of Cebu City,” sabi ni Garma. “If he will sue me, I will face it. But I can look straight in his eyes. I am not lying, and he’s lying and cowardly for not mentioning the names he knows were involved in Mayor Halili’s killing. He knows it.”

Humarap din sa pagdinig ang dating konsehal na si Norvin Tamisin na nakulong ng pitong buwan matapos akusahan na sangkot sa pagpatay kay Los Baños, Laguna Mayor Caesar Perez noong Disyembre 2020.

Sinabi ni Tamisin na siya ay ginawang “fall guy” ng mga pulis.

Si Perez ay pinagbabaril at napatay sa loob ng compound ng munisipyo noong Disyembre 3, 2020. Siya ay kasama rin umano sa “narco-list” ni Duterte.

Noong 2016, inilabas ni Duterte ang listahan ng mga opisyal ng gobyerno na sangkot umano sa kalakalan ng ipinagbabawal na gamot.

Tinaguriang“narco-politicians” ang mga ito at marami sa kanila ang pinaslang. (END)

———————————-

Duterte maaaring maharap sa crimes against humanity sa ilalim ng batas ng Pilipinas

Maaaring maharap si dating Pangulong Rodrigo Duterte sa kasong crimes against humanity kaugnay ng extrajudicial killings (EJK) sa pagpapatupad ng war on drugs campaign ng nakaraang administrasyon.

Sa pagharap ni dating Sen. Leila de Lima sa ikasiyam na pagdinig ng House Quad Committee ngayong Martes, tinukoy ni De Lima ang Republic Act (RA) 9851, isang batas na napagtibay noong 2009 na nagbigay ng kahulugan upang maparusahan ang crimes against international humanitarian law, genocide, at iba pang crimes against humanity.

Ayon kay De Lima ang RA 9851 ay isinabatas dalawang taon bago lumagda ang Pilipinas sa Rome Statute ng International Criminal Court (ICC), na sakop ang sistematikong pamamaslang sa ilalim ng drug war.

“The crime of EJKs carried out by state security forces and their agents in the implementation of the war on drugs falls under the general category of ‘other crimes against humanity’ under Section 6, which consists of acts ‘committed as part of a widespread or systematic attack directed against any civilian population, with knowledge of the attack,’” sabi ni De Lima na tinutukoy ang probisyon ng batas “These acts include willful killing, extermination, torture, and enforced disappearance, among others.”

Giit pa niya na sa ilalim ng RA 9851 ang mga krimen na ito ay non-bailable o walang piyansa at maaaring patawan ng parusang reclusion perpetua, o habang buhay na pagkakakulong.

Ayon sa dating senador pinapanagot ng batas hindi lamang ang mga direktang responsable sa krimen kundi maging ang mga nasa posisyon na nag-utos para sa naturang krimen.

“According to Section 8, a person who orders, solicits or merely induces the systematic attack on the civilian population and which thereafter occurs or is attempted is liable as a principal,” paliwanag ni De Lima

“The same applies to anyone who contributes to the commission of the crime by a group of persons acting with a common purpose,” dagdag niya.

Pagpapatuloy pa ni De Lima, mananagot din sa ilalim ng RA 9851 ang mga opisyal ng gobyerno kabilang ang lider ng estado.

“Section 9 provides that ‘official capacity as a head of state or government shall in no case exempt a person from criminal responsibility under this Act, nor shall it, in and of itself, constitute a ground for reduction of sentence,’” paglalahad ni De Lima.

Diin pa ni De Lima walang prescription ang mga krimen sa ilalim ng RA 9851, ibig sabihin, lahat ng responsable sa krimen ay maaaring habulin anomang panahon.

“The crimes defined and penalized under this Act, their prosecution, and the execution of sentences imposed on their account, shall not be subject to any prescription,” sabi niya. “Puwede po silang tugisin habambuhay.”

Sabi pa ni De Lima na bago pa man umanib ang Pilipinas sa Rome Statute noong 2011 ay kinikilala na ng bansa ang otoridad ng mga international court gaya ng ICC.

“Through this law, we have recognized the jurisdiction of the ICC over crimes against humanity committed in the Philippines even before we ratified the Rome Statute as a binding treaty,” sabi pa niya.

Tinuligsa ni De lima ang desisyon ni Duterte na kumalas ang Pilipinas sa ICC noong 2018 na aniya’y para matakasan ang pananagutan sa paglabag sa karapatang pantao ang kaniyang administrasyon.

“Even before we became a member of the ICC, our law already allowed for the surrender or extradition of individuals involved in crimes against humanity to international courts like the ICC,” sabi ni De Lima

Dagdag pa niya, “To say we no longer have to cooperate with the ICC, we must first nullify this law. Until then, we are still bound by it.”

Matagal ng kritiko si De Lima ni Duterte at ng war on drugs nito na nagresulta sa pagkamatay ng libu-libong katao.

Noong 2017 nakulong si De Lima matapos sampahan ng mga kaso kaugnay ng bentahan ng ipinagbabawal na gamot, matapos na imbestigahan ang mga kaso ng EJK sa Senado.

Matapos ang anim na taon, napawalang sala ng mga korte si De Lima sa mga alegasyon laban sa kanya.

Sa kabila ng pagkakakulong, nagpatuloy si De Lima na labanan ang mga polisiya ni Duterte lalo na ang desisyong umalis sa ICC (END)

—————————-

Matapos magpa-drug, psych tests, hamon ng Young Guns kay VP Sara humarap sa confidential fund probe

Kumasa ang mga miyembro ng Young Guns ng Kamara de Representantes sa hamon ni Vice President Sara Duterte na sumailalim sa drug test at psychiatric evaluation.

Pero hamon ng Young Guns, pagkatapos ng mga test ay dapat humarap si Duterte sa pagdinig ng House Committee on Good Government and Public Accountability at tumestigo, matapos manumpa na magsasabi ng totoo, sa imbestigasyon ng kinukuwestyong paggamit ng confidential funds ng Office of the Vice President (OVP) at Department of Education (DepEd).

“We are more than willing to take the drug test and psychiatric exam, as the Vice President suggested, but we will not allow her to divert the real issue, which is the allegations of fund misuse and graft and corruption against her. We believe that transparency should go both ways. If she wants to challenge us, she should be ready to face the House Blue Ribbon Committee and testify under oath,” ani House Assistant Majority Leader at Zambales Rep. Jay Khonghun.

“This isn’t just about clearing our names from baseless accusations—it’s about accountability, which every public official must uphold,” sabi ni Khonghun.

Sinabi pa ng solon na kung mahalaga na matiyak na nasa tamang pag-iisip ang isang opisyal ng gobyerno importante rin na magkaroon ng pananagutan ang mga ito sa kanilang mga aksyon.

“I am prepared to take these tests, and I am sure my colleagues are as well. However, the public deserves the same level of transparency when it comes to the use of public funds, and this can only happen if Vice President Duterte agrees to testify,” sabi ni Khonghun.

Hinamon ni Duterte ang mga miyembro ng Young Guns na magpa-drug test sa isang panayam ng media.

Kumasa rin si House Assistant Majority Leader at La Union Rep. Paolo Ortega, isa ring miyembro ng Young Guns, sa hamon ni Duterte.

“If we’re going to undergo these tests, let’s level the playing field. We’re all public servants here, so let’s agree that anyone failing the drug or psychiatric test should face the consequences, and anyone found misusing public funds should also be held accountable,” ani Ortega.

“We have nothing to hide. We’re ready to undergo these tests, but in the same breath, the Vice President should demonstrate her accountability by appearing before Congress to answer the allegations of fund misuse in her office. Only then will this challenge truly serve the public interest,” dagdag pa nito.

Iginiit ni Ortega na dapat isang patas na pagsusuri ang isagawa.

“We propose that neutral third-party groups of medical experts administer both the drug and psychiatric exams to ensure the process is objective and transparent,” sabi pa ni Ortega.

Ayon naman kay House Assistant Majority Leader at Lanao del Sur Rep. Zia Alonto Adiong, “We’re ready for these tests. Let’s schedule it within the next few days. But more than that, we challenge the Vice President to step forward and answer the people’s questions about her office’s budget use. The real test of leadership is accountability, and we hope she’s ready for that.”

Sinabi naman ni House Deputy Majority Leader at Ako Bicol Partylist Rep. Jil Bongalon na ang sinumang babagsak sa drug test ay dapat papanagutin alinsunod sa Dangerous Drugs Act.

Iginiit rin ni Bongalon ang kahalagahan na humarap si Duterte sa imbestigasyon ng Kamara kaugnay ng paggamit nito ng confidential funds.

Payag din sina House Deputy Majority Leader at PBA Party-list Rep. Migs Nograles at Davao Oriental Rep. Cheeno Almario na sumailalim sa mga pagsusuri. (END)

————————

Notoryus na ‘Davao Death Squad’ ginamit na model ng nationwide Duterte drug war

Kumbinsido si dating Sen. Leila De Lima na ang Davao Death Squad (DDS) ang pinagmulan ng war on drugs campaign na ipinatupad ni dating Pangulong Rodrigo Duterte sa buong bansa na nagresulta sa pagkamatay ng libu-libong Pilipino.

Ang testimonya ni De Lima ay mistulang pagkumpirma sa sinabi ni dating Police Col. Royina Garma na ipinatupad ni Duterte ang Davao model anti-illegal drug campaign sa buong bansa noong kanyang panunungkulan bilang Pangulo.

Sa kanyang pagharap sa House Quad Committee na nag-iimbestiga sa mga extrajudicial killings (EJKs) sa pagpapatupad ng madugong war on drugs ng nakaraang administrasyon, sinabi ni De Lima n a ang DDS ay mayroon ding reward system o binibigyan ng pabuya ang mga nakakapatay ng drug suspect.

Sinabi ni De Lima na ang DDS ay mayroong dalawang yugto. Ang una ay mula 1988 hanggang 1998, kung kailan si Duterte ay alkalde ng Davao.

Sa panahong ito, ang mga hitman—na binubuo ng mga dating rebelde at mga opisyal ng Philippine National Police (PNP)—ay binabayaran ng ₱15,000 para sa bawat pagpatay. Ang ₱5,000 ay napupunta sa mga police handler, habang ang ₱10,000 ay pinaghahatian ng mga hitman.

“Their safehouse was located inside the NAPOLCOM compound in Brgy. San Pedro, Davao,” sabi ni De Lima. “After the summary execution of targeted victims, the DDS members regrouped at their safehouse and divide the reward.”

Idinetalye rin ni De Lima ang direktang papel ni Duterte sa operasyon. “Duterte sometimes personally gave out the kill orders and the reward money directly to the assassins themselves.”

Ang ikalawang yugto ay mula 2001 hanggang 2016, kung saan ang DDS ay naging isang opisyal at organisadong grupo—ang Heinous Crimes Investigation Section (HCIS)—na nasa ilalim ng Davao City Police Office.

Sa pagkakataong ito, ang pabuya ay ₱13,000 hanggang ₱15,000 sa bawat pagpatay, kung saan napupunta ang ₱3,000 hanggang ₱5,000 para sa police handlers habang ang nalalabing halaga ay pinaghahatian ng mga “abanteros” o hitmen, na karamihan ay mga dating rebelde.

“A team of one PNP handler and three civilian ‘abanteros’ was given an average of three targets every month,” saad ni De Lima.

Ayon kay De Lima, pinalawig ang DDS-type na anti-illegal drug campaign sa buong bansa ng maging Pangulo si Duterte.

Sinabi ni De Lima na ang mga pinagkakatiwalaang opisyal ni Duterte mula sa Davao, ay kinabibilangan ni dating PNP Chief, ngayo’y Senador Ronald “Bato” Dela Rosa, ay itinalaga sa mga pangunahing posisyon sa malalaking lungsod upang pangunahan ang kampanya ng mga pagpaslang sa ilalim ng kampanya laban sa droga.

“Duterte used the Davao system of barangay-based lists of victims,” ayon pa kay De Lima. “Barangay officials were required to identify drug offenders in their communities, who were then targeted in riding-in-tandem operations by death squads and official ‘nanlaban’ operations conducted by the PNP.”

Binigyan diin ni De Lima na ang imbestigasyon ng Commission on Human Rights (CHR) sa DDS, na isinagawa noong 2009 ay napakahalaga sa pag-unawa kung paano nag-ooperate ang mga death squad ni Duterte.

“The CHR investigation provides crucial insight into how Duterte organizes his death squads using active police officials as their leaders,” paliwanag pa ni De Lima, na noo’y chairperson ng CHR, ang unang nagsagawa ng imbestigasyon kaugnay sa DDS.

Ang imbestigasyon ay nagbigay-linaw din sa sistema ng insentibo para sa mga death squad, na nagbunyag kung paano ginamit ang confidential at intelligence funds upang pondohan ang mga logistics at pabuya sa mga pumapatay ng drug suspect.

Isa sa pangunahing pahayag sa testimonya ni De Lima ay ang pagbubunyag sa istraktura ng organisasyon ng DDS, kasama ang papel ni Duterte bilang diumano’y utak ng operasyon.

Ayon kay De Lima, ang DDS ay hindi basta-bastang grupo ng mga mamamatay tao kundi isang “structured state-backed death squad.”

“Most of our unofficial findings in the CHR investigation were eventually confirmed by Edgar Matobato and Arturo Lascañas,” paliwanag ni De Lima, na tumutukoy sa mga dating kasapi ng DDS na nagpatunay tungkol sa operasyon ng grupo.

Ang self-confessed hitman na si Matobato na hayagang ibinunyag ang operasyon ng DDS noong 2016. Ang kanyang testimonya ay pinagtibay din ni Lascañas, isang dating mataas na opisyal ng pulisya na kalaunan ay lumantad upang patunayan ang pagkakaroon ng DDS at ang mga pamamaraan nito sa operasyon.

Si Lascañas ay nagsumite ng detalyadong 186-pahinang affidavit sa International Criminal Court, na inilarawan ni De Lima bilang “pinaka-komprehensibong ulat tungkol sa DDS mula sa pagkakatatag nito noong 1988 hanggang 2016.”

Sa affidavit, tinukoy ni Lascañas si Duterte—na may codename na “Superman”—bilang lider at utak ng DDS.

“MRRD (Mayor Duterte) alias Superman was the highest leader and mastermind of the DDS,” ayon pa kay De Lima na direktang nag-uugnay sa dating pangulo.

Tinukoy din sa affidavit si SPO4 Sanson Buenaventura bilang logistics at finance officer na humawak sa clearance para sa mga operasyon ng death squad, at si SPO3 Arturo Lascañas bilang pangkalahatang lider ng grupo para sa mga operasyon at pagpaplano.

Sinabi pa ni Lascañas na ang pondo para sa cash incentives at gastusin ng death squad ay mula sa “Peace and Order” o “Intel Fund” ng tanggapan ng dating pangulo.

Ang pondong ito ay nagbigay ng lingguhang allowance para sa gasolina, buwanang cash stipend, at iba pang insentibo para sa mga hitman na nakatalaga sa pag-pagpatay ng mga malilit na kriminal at mga high-value target.

“In so-called ‘special project’ killings, they were rewarded anywhere from ₱100,000 to ₱1 million depending on the status of the target,” ayon kay De Lima, patungkol sa affidavit ni Lascañas

Ang estrukturang ito, na pinangangasiwaan ni Duterte na kilala bilang “Superman,” ay mahalaga sa pagpapalawak ng modelo ng DDS sa buong bansa nang maging pangulo si Duterte

Kinumpirma ni Lascañas na ang DDS ay may mga mass grave, kabilang ang Laud Quarry at ang Mandug site, kung saan itinatapon ang mga labi ng mga biktima—isang detalye na pinagtibay ng iba pang testimonya ng imbestigasyon ng Senado.

Sa kanyang testimonya, binanggit din ni De Lima ang affidavit ni Garma, na iniharap sa nakaraang pagdinig, na naglalarawan ng isang katulad na sistema ng gantimpala.

Ayon kay De Lima, si Garma ay naging malapit na katuwang ng DDS kahit bago pa man ang 2016.

Ang ugnayan sa pagitan ng Davao Model at ng pambansang war on drugs ni Duterte ay mahalaga upang maunawaan kung paano nabibigyan ng pabuya at naisagawa ang mga extrajudicial killings sa mas malawak na antas.

Hinimok ni De Lima ang mga mambabatas na isaalang-alang ang mga natuklasan ng CHR at ang mga testimonya nina Matobato at Lascañas bilang mahalagang ebidensya.

Binigyang-diin niya na kinakailangan makamit ang katarungan para sa libu-libong biktima na EJK sa giyera kontra droga ni Duterte, marami sa kanila ay naging target ba

—————————

De Lima hangad agad na paggaling ni Duterte para maharap mga alegasyon

Hangad ni dating Sen. Leila de Lima ang agad na paggamit ni dating Pangulong Rodrigo Roa Duterte upang magkaroon ng lakas na harapin ang mga alegasyon laban sa kanya.

“Well I hope, he gets well na so he would have the health to face the music. So sana, kay dating Pangulong Duterte, sana gumaling na kayo, magpagaling po kayo para meron kayong lakas na harapin ang lahat,” ani De Lima, na pinawalang-sala ng korte sa mga drug case na isinampa noong administrasyong Duterte.

Si De Lima ay dumalo sa pagdinig ng quad committee ng Kamara de Representantes at nagbigay ng testimonya kaugnay ng extrajudicial killings sa pagpapatupad ng war on drugs ng administrasyong Duterte.

Inimbita ng komite si Duterte subalit hindi ito dumalo.

Sa isang sulat na ipinadala ng kanyang abugado na si Atty. Martin Delgra III sa komite na pinamumunuan ni Rep. Robert Ace Barbers ng Surigao del Norte, sinabi na hindi umano maganda ang pakiramdam at kailangang magpahinga ni Duterte.

Maaari umanong humarap si Duterte sa pagdinig ng komite matapos ang Nobyembre 1.

Si Delgra ay ang dating chairman ng Land Transportation Franchising and Regulatory Board noong administrasyong Duterte. (END)

————————

Rep Marcos kay VP Sara: Sana okay ka lang

Umalma si House Senior Deputy Majority Leader at Ilocos Norte Rep. Ferdinand Alexander “Sandro” A. Marcos sa naging mga pahayag ni Vice President Sara Duterte sa kanyang ama na si Pangulong Ferdinand Marcos Jr. at dating Pangulong Marcos Sr.

Ayon kay Rep. Marcos wala na sa lugar at wala na sa katwiran ang ipinakitang asal ng Bise Presidente sa press conference nito noong Biyernes.

“Going ballistic was perhaps the self therapy she prescribed for herself. But she crossed the line, leaving the civic and civil space in which disagreements can be rationally argued,” ani Rep. Marcos.

“Let this be an opportune time to remind ourselves that we mustn't take our mental health for granted and that above all else I sincerely hope she is okay,” saad pa nito.

Sa kabila nito, sinabi ng batang Marcos na hangad pa rin niya ang tagumpay ang Pangalawang Pangulo sa kabila ng matitinding salitang binitiwan nito laban sa kanyang ama at lolo.

“As such, I still wish the Vice President well. Ultimately, her success, like the President's, will be the success of our nation as a whole. May she find the peace of mind and mental clarity that seems to be eluding her,” ayon kay Rep. Marcos.

Ayon kay Rep. Marcos nanahimik siya tungkol sa mga pahayag ng Pangalawang Pangulo bilang paggalang sa kanya dahil sa mandato na ibinigay sa kanya at sa mga responsibilidad na taglay ng kanyang posisyon.

“However, as a son, I cannot stay silent while she threatens to exhume a former president and behead an incumbent one. Besides, her bizarre temper tantrum has been condemned by a nation horrified from such displays of insensitivity towards the dead and cruelty to the living,” giit pa ng mambabatas.

“Forget that the objects of her derisions are dear to me, but I would also be remiss in my responsibility as an llocano representative if I didn't voice out my disdain at the abhorrent comments she so carelessly uttered. I can ascertain that my emotions are shared not only by my kakailian in the north but across the country,” saad pa nito.

Sinabi pa niya na pinagsabihan siya ng kanyang ama na huwag gumawa ng anumang komento sa mga patutsada ni Duterte.

“For his part, the President had not said anything against her that can be remotely construed even as a mild rebuke against her tirades. He even advised me to withhold my disappointment and refrain from making a statement. However, one must draw the line at some point and it's frankly long overdue,” giit pa nito.

Ang Bise Presidente ay nahaharap sa mga paratang ng hindi wastong pamamahala sa daan-daang milyong pisong confidential at intelligence funds (CIFs) na inilaan para sa OVP at DepEd, kung saan nagsilbi siyang Kalihim sa loob ng dalawang taon hanggang sa kanyang pagbibitiw noong Hulyo ng taong ito.

Sa pagsisiyasat ng mga mambabatas, binibigyang-diin ang nakakabahalang kawalan ng transparency at pananagutan sa paraan ng paglalaan at paggastos sa pondo ng bayan.

Sa kabila ng nakababahalang akusasyon, paulit-ulit na tumanggi si Duterte na dumalo sa mga pagdinig ng Kamara upang linisin ang kanyang pangalan at harapin ang mga paratang ng maling pamamahala ng pondo ng bayan.

Sa halip na sagutin ang mga isyu tungkol sa mga confidential funds(CIFs), inilihis ni Duterte ang atensyon sa pamamagitan ng mga personal na pag-atake laban kay Pangulong Ferdinand R. Marcos Jr., kabilang ang pagbanggit ng mga hinanakit mula sa halalan noong 2022.

Sa isang press conference, gumawa si Duterte ng nakakagulat na eksena, kung saan sinabi pa nitong naisip nitong pugutan ang Pangulo at nagbantang huhukayin ang mga labi ng yumaong Pangulong Marcos Sr. at itatapon ito sa West Philippine Sea.

Ang mga pahayag na ito ay nagpasiklab ng galit mula sa publiko at mga mambabatas, na kinondena ang kanyang mga komento bilang taktika ng paglihis ng atensyon mula sa alegasyon tungkol sa maling paggamit ng pondo ng bayan. (END)

—————————-

Pam Hinamon ni Davao City 1st District Representative Paolo Duterte ang kaniyang makakatunggali sa darating na halalan na sumailalim sa hair follicle drug test.

Sa isang pahayag ay sinabi ni Congressman Pulong na ang kaniyang hamon ay para sa kapakanan ng taumbayan at upang matiyak aniya na ang mga maglilingkod sa bayan ay malinis mula sa ilegal na droga.

Dagdag pa ng kongresista ay natapos na niya ang hair follicle drug test pero kung kinakailangan pa ay handa naman daw siyang sumailalim muli rito bilang pagtitiyak na walang dapat ipag-alala ang publiko sa integridad ng kanilang mga lider.

Batay sa kopya ng test result na ibinahagi ng kaniyang kampo sa media ay nagpa-test siya noong Agosto kung saan negatibo ang lumabas na resulta.

Walang nabanggit na pangalan ang kongresista ngunit kabilang sa makakatapat niya si PBA Party-list Representative ‘Migs’ Nograles sa pagkakongresista sa unang distrito.

Sa isang pahayag ay kumasa naman si Congresswoman Nograles at inimbatahan pa si Pulong upang sabay silang sumailalim sa drug test mamayang ala una y media ng hapon sa isang clinic sa Davao City.

————————-

Haj Binawi na ni Police Lt. Col. Jovie Espenido ang lahat ng testimonya laban kay dating Senadora Leila De Lima kaugnay sa illegal drug trade.

Sa ikasiyam na pagdinig ng Quad Committee sa Kamara, inusisa ni Batangas Representative Gerville Luistro si Espenido ukol sa mga personalidad na nagdiin kay De Lima upang makasuhan.

Dito ay inamin ni Espenido na hindi niya kilala si Kerwin Espinosa bago pa ang pagdinig ng Senado noong 2016.

Hindi rin umano niya kilala ang driver-bodyguard ni De Lima na si Ronnie Dayan at maging ang dating senador kaugnay sa pagkakasangkot sa kalakalan ng ilegal na droga bago ang Senate probe.

Bukod dito, itinanggi ng police official na siya ang nagpakilala kay Espinosa kay Dayan.

Kinumpirma naman ni Espenido ang testimonya ni Espinosa na inatasan silang mag-usap upang ayusin at gawing tugma ang mga salaysay na magdidiin kay De Lima na sangkot sa illegal drug trade.

Bago ang tuluyang pagbawi sa mga naunang testimonya, una nang humingi ng tawad si Espenido kay De Lima at iginiit na lalabas din ang katotohanan.

—————————

Isa Handa si House Assistant Majority Leader, CongW. Margarita Nograles na sumalang sa drug at neuropsychiatric test.

Ito ay bilang tugon sa hamon ni Vice President Sara Duterte na magpa-test ang mga kongresista.

Pinangalananan ni VP Sara sina Nograles, maski ang kapatid na si Davao City Rep. Paolo Duterte.

Sa isang pahayag, sinabi ni Nograles na ipapa-schedule niya ang tests sa susunod na mga araw.

Wala umanong problema sa kanya na magpasuri.

Una nang sinabi ni VP Sara na bukas siya sa televised na neuro exam.

————————-

Kath Inatasan ng House Quad Committee na maglabas ng show cause order laban sa ilang personalidad na binaggit ni dating PCSO General Manager at retired Pol. Col. Royina Garma na bahagi ng malawakang war on drugs task force noong nakaraang administrasyon.

Kasama rito si Irwin Espina alyas ‘Muking’ na ani Garma ay siyang humahawak umano sa financial operations ng reward system sa war on drugs.

Hindi dumalo si Muking sa kabila ng imbitasyong ipinadala ng Komite.

Ayon sa Committee Secretariat, ipinadala ito sa tanggapan ni Sen. Bong Go dahil sinasabi na staff ito ng senador.

“Ms. Muking has not presented herself but we sent an invitation through the office of the Senator.” Sabi ng Quad Comm Committee Secretary.

“With that Mr. Chairman I move to issue a show cause order for Irwina “Muking”Espina for her absence in today's hearing.” Sabi ni Quad Comm co-chair Joseph Stephen Paduano.

Pinaglalabas rin ng show cause order kay Peter Parungo.

Sa salaysay ni Garma, sa mga bank account ni Parungo idinadaan ang pera para sa operasyon ng war on drugs.

Sabi naman ni CIDG Chief GEn. Nicolas Torre III na naisilbi nila ang imbitasypon sa kaniyang bahay sa Davao City at tinanggap ng kaniyang asawa.

Dahil dito pinagpapaliwanag ni Paduano si Parungo kung bakit hindi siya dapat ipacontempt dahil sa hindi pagdalo.

“Since the letter was received in his residence and received by his wife, Mr. Chairman,… I move to issue a show cause order for Mr. Parungo to explain why he should not be cited in contempt in he next hearing, Mr. Chairman, and be present in the next hearing.” Mosyon ni Paduano

Kasama rin sa pina-i-isyuhan ni ng show cause order sina Rommel Bactat, Rodel Cerbo, at Michael Palma, na itinuro ni Garma bilang taga-kolekta at taga-verify ng impormasyon mula sa mga police officers ukot sa mga pag-aresto o pagkamatay ng mga indibidwal na nasa drug list.

Pagdating naman kay Lester Berganio na siyang nagko-compile ng naturang reports at may hawak ng drug list, sinabi ni Torre na hinahanap pa nila ang address nito para maisilbi ang imbitasyon.

“We have not found any address for Mr. Bergano at the moment, sir. We are still locating any known address, sir." Sabi ni Torree

“Once again, Mr. Chairman, we will direct Comsec to coordinate with the PNP to once again invite certain Mr. Bergano.” Mosyon ni Paduano.

Ayon kay Garma ang mga personalidad na ito ay pinili ni resigned NAPOLCOM Chief Edilberto Leonardo na kaniya naman inirekomenda kay dating Pang. Rodrigo Duterte para ipatupad ang Davao Model na war on drugs sa buong bansa.

————————

Isa Humarap si dating Senadora Leila de Lima, sa pagpapatuloy ng imbestigasyon ng House Quad Committee ngayong araw.

Sa kanyang pagsalang, ibinahagi niya ang “findings” ng Commission on Human Rights noong siya ang chairperson nito, ukol sa “payment system” sa giyera kontra droga noong alkalde pa ng Davao City si dating Pang. Rodrigo Duterte, batay sa mga saksi.

Ayon kay de Lima, tugma ang findings ng CHR noon sa mga naging pahayag ni dating PCSO General Manager Royina Garma ukol sa “reward system” sa war on drugs, na naisiwalat sa nakalipas na Quad Comm hearing.

Matatandaan na batay kay Garma, iniutos ni Duterte na ipatupad ang “Davao model” ng giyera kontra droga, kung saan may pabuya sa mga pulis na makakapatay ng mga sangkot sa ilegal na droga.

Aniya, sa “Davao Death Squad o DDS reward system” --- noong 1988 hanggang 2000, nasa P15,000 ang binibigay para sa handler at assasins; habang noong 2001 hanggang 2016 ay na sa P13,000 hanggang P15,000 para sa handler, assassin, at informants o abanteros.

Mayroon din aniya na aabot hanggang P1 million para sa special projects killings reward.

Samantala, “Superman” umano ang bansag noon kay Duterte, bilang pinaka-mataas na pinuno noon ng DDS.

Mayroon din umanong tatlong mass graves para sa mga biktima ng war on drugs sa Davao City.

———————-

Pam Humarap sa ika-siyam na quadruple committee hearing ng Kamara si dating Senator Leila de Lima

Sa unang bahagi ng kaniyang pahayag ay sinabi ni Senator Leila de Lima na ang ginawang inquiry ng Kamara taong 2016 ay hindi talaga para busisiin ang illegal drug trade sa Bilibid noon kung ‘di para sirain ang kaniyang pangalan.

Binalikan din ni de Lima ang kaniyang pagkondena sa drug war ng Duterte administration at nakiusap na tigilan na ito at huwag nang paabutin sa libo ang mga nasawi pero wala aniyang nakinig.

Sa halip ay siya ay pinaaresto at pinakulong nang pitong taon sa pamamagitan ng fabricated o gawa-gawang mga ebidensya.

Dagdag pa ni de Lima ay ginawa ito sa kaniya dahil sa tatlong layunin.

*SOT: FORMER SEN. LEILA DE LIMA*

“to silence me to destroy my credibility and to serve as an example to others by doing all three my message to the people against duterte’s ejk would no longer be heard or listened to and no one else would dare to act as a messenger after seeing what was done to me”

Sobrang nakalulungkot din aniya na ngayon lamang nagkaroon ng komprehensibong pagtalakay ng Kamara hinggil sa EJK kung kailan libo-libo na ang namatay dahil sa drug war.

Matapos naman ang rebelasyon ni dating PCSO General Manager Royina Garma ukol sa reward system sa PNP ay nanawagan din siya kay Police Lieutenant Coloner Jovie Espenido na magsalita na rin ukol dito.

————————

Anne Pinapa-imbestigahan ni Sta. Rosa, Laguna Representative Dan Fernandez sa Office of the Solicitor General ang kontratang pinasok ng Philippine Statistics Authority (PSA) sa isang private service provider na nagkakahalaga ng P5 billion.

Ayon kay Fernandez 10 taon na ang nasabing service provider na pagmamay-ari ng isang private company na Unisys.

Sinabi ni Fernandez, nalalagay sa alanganin ang bawat profile ng mga Filipino na dumadaan sa service provider.

Dahil dito hiling ni Fernandez kay Solicitor General Menardo Guevarra na silipin ang nasabing kontrata ng PSA.

Inihayag ni Fernandez na ang Unisys Corpration batay sa ulat ng Federal Bureau of Investigation ng US ay nagkaroon ito ng kaso sa kanila.

Hindi naman idinitalye ni Fernandez kung ano ang naging kaso ng Unisys.

Ang pahayag ni Fernandez ay kasunod sa naging rebelasyon sa Quad Comm hearing na maraming mga Chinese nationals ang nakakuha ng birth certificate sa pamamagitan ng late registration policy.

——————————

Sovereign rights ng PH sa West Philippine Sea patuloy na igigiit— Speaker Romualdez

Tiniyak ni Speaker Ferdinand Martin G. Romualdez na patuloy na igigiit ng Pilipinas ang sovereign rights nito sa West Philippine Sea (WPS).

Ginawa ni Speaker Romualdez ang pagtitiyak sa isinagawang ribbon-cutting rites para sa "War of Our Fathers-A Brotherhood of Heroes,” isang exhibit ng Philippine Veterans Bank na inialay sa mga beterano ng Ikalawang Digmaang Pandaigdig noong Linggo na may kaugnayan sa pagdiriwang ng ika-80 anibersaryo ng Leyte Landings na ginanap sa sa Leyte Convention Complex sa Palo, Leyte.

Ayon sa lider ng Kamara ang giyera na nilabanan ng mga Pilipino may 80 taon na ang nakakaraan ay iba sa laban na kinakaharap ng mga Pilipino ngayon.

“Today, we face a new battlefield. Our enemy is no longer a foreign invader but the threats to our territorial integrity, the undermining of international laws, and the growing tensions in the West Philippine Sea,” ani Speaker Romualdez.

“Just as our forefathers fought side by side with allies in the past, today, we strengthen our alliances with like-minded nations to defend the principles of freedom and democracy. This is a new war - a war for peace, stability, and the preservation of our way of life. We are committed to protecting our sovereign rights, ensuring that the future generations will live in a free and secure Philippines,”

Ayon kay Speaker Romualdez ipinagmamalaki nito na manindigan kasama ng gobyerno sa pagtaguyod ng rules-based international order partikular sa maritime domain ng bansa.

“We continue to advocate for the peaceful resolution of disputes, guided by the principles enshrined in the United Nations Convention on the Law of the Sea (UNCLOS). We honor the legacy of our veterans by ensuring that our nation’s sovereignty is respected, especially in the West Philippine Sea,”saad pa ni Speaker Romualdez.

Iginiit ng lider ng Kamara na ang pagdepensa ng karapatang soberanya at integridad ng teritoryo ng bansa ay isang paglaban sa kinabukasan ng mga Pilipino.

“Ang laban na ito ay hindi lang tungkol sa teritoryo. Ito ay laban din para sa ating karapatan, para sa kapayapaan, at para sa kinabukasan ng bawat Pilipino. Ipinaglalaban natin ang mga prinsipyong itinaguyod ng ating mga bayani—karapatan, kalayaan, at katarungan,” wika pa nito.

Nanawagan si Speaker Romualdez sa mga Pilipino na humugot ng tapang sa mga Pilipino na nakipaglaban noong digmaan.

“The legacy they left behind is not one of violence, but of enduring peace through unity and determination. Just as they were victorious in the face of adversity, we too can overcome the challenges we face today—whether they are threats to our sovereignty or the persistent challenges of poverty and inequality,” sabi pa niya.

Sa pagdiriwang ng ika-80 anibersaryo ng Leyte Landing, sinabi ni Speaker Romualdez na ang okasyon ay hindi lamang isang paggunita sa kasaysayan kundi isang panindigan sa prinsipyo ng kapayapaan, kalayaan, at soberanya.

“These values, which were so valiantly defended by our forefathers, remain crucial as we confront new challenges in a rapidly changing world,” sabi pa ng lider ng Kamara.

“Ang magbalik-tanaw sa nakaraan ay isang napakahalagang gawain. Sa pamamagitan ng ganitong mga espesyal na okasyon, binibigyan natin ng halaga at pagkilala ang mga sakripisyo ng mga bayani ng ating bansa. Higit pa rito, ito ay isang paalala na ang kanilang laban para sa kalayaan ay patuloy na ating isinusulong,” giit pa nito.

Ayon kay Speaker Romualdez, ang Leyte Landings ay isang paggunita sa yugto na nagpabago sa kasaysayan ng bansa patungo sa pagkakaroon nito ng kalayaan.

“On this day, 80 years ago, Filipino and Allied forces joined hands in a historic display of courage and unity that set the stage for the liberation of our country. It was a struggle for freedom from foreign domination, and through their sacrifices, we regained our independence and dignity,” wika pa ni Speaker Romualdez.

Ang paggunita sa Leyte Landing ay dinaluhan nina Defense Secretary Gilberto Teodoro. Jr., Japanese Ambassador Endo Kazuya, Australian Ambassador HK Yu, US Major Gen. Matthew McFarlane, Tingog Partylist Rep. Jude Acidre, mga opisyal ng lokal na pamahalaan sa pangunguna ni Gov. Carlos Jericho Petilla, mga beneteranong Pilipino, at mga opisyal ng Philippine Veterans Bank sa pangunguna ni Renato Claravall.

Nagpasalamat ang lider ng Kamara sa mga beteranong Pilipino at mga opisyal ng Philippine Veterans Bank sa pag-organisa ng selebrasyon.

“Maraming salamat sa pamunuan at mga kawani ng Veterans Bank of the Philippines sa pagsasaayos ng okasyon na ito. Maraming salamat din sa lahat ng inyong mga hakbangin upang mabigyang parangal ang kabayanihan ng ating mga magigiting na ninuno, para maging inspirasyon ng kasalukuyang henerasyon,” saad pa nito. (END)

—————————

House quad comm sa OSG: Ari-arian na iligal na binili ng POGO boss kumpiskahin

Upang maprotektahan ang pambansang seguridad at matigil ang pang-aabuso ng mga dayuhan, isinumite ng Quad Committee ng Kamara de Representantes ang mga dokumento sa Office of the Solicitor General (OSG) upang makapagsampa ng kaso laban sa mga Chinese national, na gumamit umano ng mga pekeng dokumento upang makapagtayo ng mga negosyo at malalaking lupain.

Hinimok ng mga pinuno ng House Committees on Dangerous Drugs, Public Order and Safety, Human Rights, at Public Accounts—na sina Reps. Robert Ace Barbers, Dan Fernandez, Bienvenido “Benny” Abante Jr., at Joseph Stephen Paduano—ang OSG na agarang tapusin ang kanilang pagsusuri at simulan ang civil forfeiture proceedings, sa pakikipag-ugnayan sa iba pang mga ahensya ng pamahalaan.

Nakatuon ang kaso kay Aedy Tai Yang, isang Chinese national na pinaghihinalaang nagpalsipika ng mga dokumento upang makakuha ng Filipino citizenship. Ginamit umano ito upang makaiwas sa mga batas na nagbabawal sa dayuhan na mag may-ari ng lupa at makapagtayo ng negosyo.

Kabilang sa mga isinumiteng dokumento ay ang birth certificate ni Yang na inisyu ng Philippine Statistics Authority (PSA) noong 2004, sa kabila ng kanyang pahayag na siya ay ipinanganak noong 1983. Ang mga rekord mula sa Municipal Civil Registry ng San Antonio, Nueva Ecija, ay nagsasaad na ang kanyang mga birth documents ay nasunog, na nagdudulot ng pagdududa sa pagiging lehitimo ng kanyang citizenship.

Ilan pa sa mga ebidensyang isinumite ang marriage certificate ni Yang, tax declaration mula sa mga pag-aari na nasa kanyang pangalan at corporate records, kabilang na dito ang Empire 999 Realty Corporation at Sunflare Industrial Supply Corp. Ang mga kumpanyang ito ay may ugnayan sa mga kahina-hinalang pagbili ng lupa, na ayon sa tala ng Land Registration Authority (LRA) ay pagmamay-ari ng mga incorporator ng Empire 999.

Pagmamay-ari rin ng Empire 999 ang bodega sa Mexico, Pampanga, kung saan nasamsam ang shabu na nagkakahalaga ng P3.6 bilyon noong 2023. Isinumite ng komite ang mga dokumento na nagpapakita ng mga kahina-hinalang transaksyon sa lupa sa pagitan ni Yang at ng lokal na pamahalaan ng Mexico, Pampanga, na sinusuportahan ng mga Memorandum of Agreement, Deeds of Sale, at mga resolusyon ng munisipyo na hindi sumunod sa mga legal na proseso.

Nakumpirma rin ng Department of Agrarian Reform (DAR) na ang ilan sa mga lupa na ibinenta ni Yang ay hindi dumaan sa kinakailangang proseso ng conversion, na nagpapakita na ilegal ang transaksyon.

Sa kanilang liham kay Solicitor General Menardo Guevarra, binigyang-diin ng Quad Committee ang mga banta sa pambansang seguridad na dulot ng mga aktibidad na ito, at nanawagan para sa agarang aksyon.

“These actions are blatant violations of our laws and call for immediate executive intervention,” ayon sa joint panel.

Ang mga dokumento ay tinanggap nina Assistant Solicitor Generals Hermes L. Ocampo at Gilbert U. Medrano at Senior State Solicitor Neil Lorenzo, na dumalo rin sa isinagawang press conference kasama ang mga Quad Comm leaders.

Kabilang din sa seremonya sina House Senior Deputy Speaker Aurelio "Dong" Gonzales Jr. ng Pampanga, House Deputy Majority Leader David "Jay-jay" Suarez mula sa Quezon, Quad Comm Vice Chairman Romeo Acop ng Antipolo City, 1-Rider Partylist Rep. Rodge Gutierrez, La Union Rep. Paolo Ortega V, at Zambales Rep. Jay Khonghun.

Hiniling din ng joint panel sa OSG na makipagtulungan sa mga ahensya tulad ng LRA, Securities and Exchange Commission (SEC), PSA, DAR, Bureau of Internal Revenue (BIR), at Department of Justice (DOJ) upang matiyak ang masusing pagsisiyasat at pagpapatupad ng batas.

Babala pa ng komite na ang hindi pag-aksyon sa mga paglabag na ito ay maaaring magdulot ng panganib sa pambansang seguridad at sa ekonomiya ng Pilipinas.

“We trust your office will prioritize this matter and act swiftly to protect the integrity of our nation’s legal and economic systems,” ayon pa sa pahayag ng Quad Committee.

Ang pagsusumite ng mga dokumento ay bahagi ng mas malawak na imbestigasyon ng Quad Committee hinggil sa mga ilegal na POGO, kalakalan ng droga, pang-aagaw ng lupa ng mga Chinese, at mga extrajudicial killings na may kaugnayan sa war on drugs ng administrasyong Duterte.

Si Yang ay lumutang bilang pangunahing tauhan sa mga imbestigasyon, na kumakatawan sa mas malalim na isyu ng mga banyagang indibidwal na umaabuso sa mga legal loopholes upang magmaniobra sa mga lupain at negosyo sa Pilipinas.

Nanawagan ang komite para sa tiyak na hakbang upang pigilan ang patuloy na ilegal na pangangamkam at mabawasan ang mga negatibong epekto nito sa bansa. (END)

————————-

‘Okay lang ba siya?’: VP Duterte’s well-being questioned after controversial remarks

HOUSE Assistant Majority Leader and La Union 1st District Rep. Paolo Ortega V on Monday voiced genuine concern over Vice President Sara Duterte’s well-being following a controversial press conference where she made alarming statements that have raised public concern.

“‘Yung sa akin po talaga, gusto kong tanungin kung okay lang ba siya. Nag-aalala po talaga ako,” Ortega said during a press briefing at the House of Representatives.

Over the weekend, Ortega, alongside fellow Assistant Majority Leader Zambales 1st District Rep. Jay Khonghun, called for a psychological evaluation of the Vice President after she made disturbing remarks.

In a press conference last Friday, Duterte admitted imagining cutting off President Ferdinand R. Marcos Jr.’s head and threatened to exhume the remains of the late President Ferdinand E. Marcos Sr. and throw them into the West Philippine Sea.

Speaking to reporters, Ortega expressed his worry over Duterte’s state of mind, saying her remarks went beyond political disputes.

“The statements were not even, for me, hindi na siya political. Parang it’s a question of kultura. Nasa kultura ba nating mga Pilipino ang mga ganyan na statements? Ganyan ba tayo pinalaki? Ganyan ba kapaligiran natin?” Ortega remarked.

“Talagang nanlilisik. Parang galit na galit sa mundo. ‘Yun lang kaya talagang question ko, kung talagang okay ba siya,” he added.

1-Rider Partylist Rep. Rodge Gutierrez echoed Ortega’s sentiment, noting that the Vice President’s remarks had sparked widespread discomfort.

“Well, I have to agree with Cong. Ortega. I think it’s a cultural issue, most especially ‘yung relation sa desecration ng bangkay. I think most of the people have already complained po,” Gutierrez said.

He continued, “I think it doesn't really involve any comment on our part as congressmen and we leave it to the people to decide on how they would see that as qualities of a leader.”

While Ortega stopped short of recommending any formal evaluation of Duterte, he hinted at the possibility of deeper issues.

“Suggestion lang naman ‘yun. Unang-una, hindi rin ako pwedeng magrekomenda at wala rin akong kilala kasi so far parang okay pa naman ako,” Ortega said. “Pero the people have seen the interview, parang may something. Parang punong-puno ng galit, parang ‘yung mga lumabas sa ating mga pahayagan, parang talagang hindi ko alam kung may meltdown.”

He also speculated that Duterte’s behavior might be an attempt to deflect attention from her handling of public funds, which has been under scrutiny.

“May problema na nangyayari right before our eyes during the press conference. But again, baka it’s another diversionary tactic,” Ortega said. (END)

————————-

Haj Naniniwala ang Quad Committee na mas mapapabilis ang usad ng imbestigasyon ukol sa umano'y extrajudicial killings sa ilalim ng administrasyong Duterte kung magsasanib-puwersa ang Kamara at Senado.

Ayon kay Quad Comm overall chairman Robert Ace Barbers, ipapanukala nila kina Speaker Martin Romualdez at Senate President Chiz Escudero na magkaroon ng joint committee hearing upang pag-isahin ang pagsisiyasat sa EJK.

Sa ganitong paraan aniya ay magiging mas malawak, komprehensibo at matalino ang mga tanong ng mga mambabatas at masisigurong patas ang imbestigasyon.

Paliwanag ni Barbers, kahalintulad ito ng joint session sa State of the Nation Address ng Pangulo o bicameral conference committee.

Malawak na usapin umano ang EJK na mahalagang talakayin kaya panahon na para magtipon at gumawa ng solusyon sa pamamagitan ng bagong batas na magpapatigil sa patayan.

Suportado naman ni Barbers ang pagsasagawa ng parallel investigation ng Senado at inaasahan nilang magtutugma ang imbestigasyon ng dalawang kapulungan ukol sa isyu.

————————-

AKAP para kay Ma’am at Sir: A heartfelt tribute to DepEd teachers, non-teaching personnel in Leyte’s first district

In celebration of Teachers’ Day, over 4,500 teachers and non-teaching personnel from Palo, Sta. Fe, Alangalang, San Miguel, Babatngon, Tanauan, and Tolosa in Leyte’s 1st District were honored Sunday sas beneficiaries of the “AKAP para kay Ma’am at Sir” initiative.

This program is a part of the Department of Social Welfare and Development’s (DSWD) Ayuda para sa Kapos ang Kita Program (AKAP), which was made possible through the collaborative efforts of House Speaker Martin Romualdez and the Tingog Partylist, led by Cong. Yedda Marie Romualdez and Cong. Jude Acidre.

“Mahal na mahal ni Pangulong Bongbong Marcos ang mga Pilipino, lalo na yung mga taga-Leyte. Kaya lahat ng nahihirapan sa pang-araw-araw na gastusin ay matutulungan natin dito sa AKAP ni PBBM,” said Speaker Romualdez, leader of the 300-plus-strong House of Representatives.

The celebration was made even more exciting with performances by Wacky Kiray, who entertained the audience and added a dose of laughter to the meaningful gathering.

During the event, raffle prizes were also given out, with 10 lucky individuals receiving P10,000 in cash and another 10 fortunate winners awarded brand-new laptops. These prizes were personal gifts from Speaker Romualdez and Tingog Partylist, adding an element of surprise and joy to the celebration.

Representing Speaker Romualdez was Cong. Jude Acidre of the Tingog Partylist. In his keynote message, Acidre expressed the Speaker’s unwavering commitment to expanding this initiative to cover all public school teachers in the province and eventually those in private schools and state universities and colleges (SUCs).

He said the initiative represents a broader mission to ensure that teachers, who have made extraordinary contributions to their communities, are properly supported and appreciated.

"Speaker Romualdez deeply values the sacrifices and dedication of our teachers. This program is a token of our gratitude, and it’s just the beginning. We envision a future where every teacher, whether in public or private institutions, will feel the support of the government for their pivotal role in shaping the nation’s future leaders," Acidre said in his address.

The event was also attended by key officials from the education sector, including the DepEd Region 8 Regional Director Evelyn Fetalvero, Assistant Regional Director Ronelo Firmo, and Schools Division Superintendent Mariza Magan, who expressed their gratitude for the program and acknowledged the essential role it plays in uplifting the morale of educators.

The recipients of the financial aid also expressed their profound gratitude. Many of the teachers shared how this timely assistance would help them support their families, especially amidst rising costs.

One teacher remarked, “This program is not just a financial blessing; it’s a reminder that our efforts as educators are valued. Speaker Romualdez and the Tingog Partylist have truly touched our hearts today."

Rep. Yedda Romualdez said the “AKAP para kay Ma’am at Sir” initiative is more than just a financial assistance program; it is a sincere tribute to the heart and soul of the education system – our educators.

Speaker Romualdez, the DSWD, and Tingog Partylist have reaffirmed their commitment to supporting educators, recognizing their lasting impact on shaping a stronger, brighter future for the country. (END)