Senado obligadong litisin at desisyunan impeachment laban kay VP Duterte alinsunod sa Konstitusyon— House Spox
Inihayag ng tagapagsalita ng Mababang Kapulungan ng Kongreso, na alinsunod sa Saligang Batas, obligado ang Senado na litisin at desisyunan ang impeachment case laban kay Vice President Sara Duterte, kahit pa tumawid ito sa 20th Congress.
“Ang importante sa Kamara ngayon, masimulan ang impeachment trial. Ang nakalagay naman sa Konstitusyon ay to try and decide. Hindi naman sinabi doon kung anong Congress ang magde-decide,” ani House spokesperson Atty. Princess Abante sa isang media briefing sa Kamara.
Binigyang-diin ni Abante ang kahalagahan na masimulan na ng Senado ang paglilitis.
“So, we are waiting, the public is waiting, the country is waiting, not just the House of Representatives. So, we will see what will happen today and tomorrow,” aniya.
Tumugon din si Abante sa puna ng ilan na tila pinapatagal ng Senado ang proseso.
“Well, pagdating sa usapin ng dragging its feet, may kanyang-kanyang role ang House of Representatives at Senate ayon sa Constitution pagdating sa impeachment process,” paliwanag niya.
“Ang klaro na ginampanan ng House of Representatives ang kanyang tungkulin ayon sa Constitution, kasama dito ang pagtanggap ng reklamo to validate and verify the complaint on its form, substance and grounds,” dagdag pa niya.
“Na-transmit. ‘Yung sunod na hakbang ay para sa Senado naman sinasabi nga to try and decide forthwith.”
Iginiit ni Abante, nang maipadala na ng Kamara ang articles of impeachment sa Senado ay wala na ito sa kanilang hurisdiksiyon.
“Wala na kaming sakop dun sa gagawin ng Senado. Ang nakalagay naman diyan kung ano yung inuutos ng Konstitusyon – hindi ng Kamara, hindi ng kung sino man, kung hindi ng Konstitusyon.”
Sa pahayag naman ni Senate President Chiz Escudero na tila natagalan ang Kamara sa pag-aksyon, sinabi ni Abante na ginampanan ng Kamara ang tungkulin nito.
“All these were done by the House of Representatives in a timely and decisive manner. Kung gaano katagal o kung gaano kabilis, hindi na ‘yan kasama sa kailangan alalahanin ng Senado,” aniya.
Ipinaliwanag din niya na tiniyak ng Kamara na nasunod ang due process sa loob ng makatwirang panahon.
“Two months, so para sa akin sa pag-i-ensure na maayos yung proseso. But again, it’s relative, ‘di ba, ‘yung oras,” dagdag niya.
Tumanggi rin si Abante na magbigay ng komento hinggil sa mga argumento ng depensa ni VP Duterte laban sa impeachment na hindi umano dapat gamitin ang proseso bilang sandata laban sa mga kalaban sa pulitika.
“I understand that there’s already a petition filed before the Supreme Court precisely kung ano ‘yung binabanggit ng defense team. I cannot comment on that,” aniya.
Gayunpaman, hinimok ni Abante ang legal team ng Pangalawang Pangulo na iharap ang kanilang depensa sa tamang forum.
“Siguro ‘yung mga defenses nila kailangan sa trial na nila i-present,” sabi ni Abante.
Pagdating naman sa pahayag nina Sen. Robin Padilla at Sen. Bato dela Rosa maaaring magdulot ito ng pagkakawatak-watak ng bansa, nanindigan si Abante na kailangang masimulan ang trial.
“Well ang impeachment trial provided ito ng Constitution merong mga dahilan para pagdaanan ito,” ani Abante.
“Kung siguro unnecessary ang mga impeachment proceedings in all governments, dapat wala ito sa Constitution, di ba?” dagdag niya.
“So ako tingin ko kailangan munang masimulan at ang ating mga Senator-judges makinig dun sa paglahad ng mga ebidensya,” pahayag ni Abante.
“Sa ngayon kailangan masimulan ang impeachment trial, mabigyan ng pagkakataon na mai-present ang mga ebidensya at meron din namang pagkakataon para masagot ito ng defense,” dagdag pa niya. (END)
_________________
AFTER NEWS COMMENTARY
“Obligasyon ng Senado, Hindi Opsyon: Ang Papel ng Impeachment sa Ilalim ng Saligang Batas”
Mga Katropa sa Kamara, isa sa mga pinakamahalagang bahagi ng ating demokrasya ang impeachment process — isang kasangkapan ng mamamayan upang papanagutin ang mga matataas na opisyal kapag may matibay na batayan ng paglabag sa tiwala ng publiko.
At ayon sa House Spokesperson Atty. Princess Abante, hindi ito opsyonal para sa Senado. Ito ay obligasyon sa ilalim ng Konstitusyon.
⸻
📌 “To Try and Decide” — Iyan ang Batas
Kung babasahin natin ang 1987 Philippine Constitution, malinaw ang mandato sa Senado:
“The Senate shall try and decide all cases of impeachment.”
Walang sinabing ito ay limitado sa parehong Kongreso kung kailan ito isinampa.
Kaya’t kahit pa pumasok na tayo sa ika-20 Kongreso, ang responsibilidad ay nananatili sa Senado.
Hindi ito parang batas na puwedeng ibinbin o ibasura sa committee level.
Ito ay isang constitutional duty na kailangang isagawa — at isagawa nang maagap at makatarungan.
⸻
🧭 Dapat Bang Maghintay Pa ang Taumbayan?
Tama si Atty. Abante: “The public is waiting, the country is waiting.”
Lahat tayo ay naghihintay — hindi para sa drama sa pulitika, kundi para sa hustisya, linaw, at pananagutan.
Kung totoo ang mga alegasyon — mula sa maling paggamit ng confidential funds, hindi maipaliwanag na yaman, hanggang sa paglabag sa Saligang Batas — karapatan ng taumbayan na marinig ang mga ebidensya.
Kung wala naman talagang batayan, nararapat lamang na malinis ng akusado ang kanyang pangalan sa harap ng sambayanan.
Pero para sa lahat ng ito, kailangang magsimula ang paglilitis.
⸻
⚖️ Pananagutan o Pananahimik?
Ang imbestigasyon at paglilitis sa isang impeachable official ay hindi “weaponization” kundi isang konstitusyonal na proseso.
Kung titingnan natin ang argumento na “magdudulot daw ito ng pagkakawatak-watak,” dapat nating tanungin:
Mas nakakahati ba ang paghahanap ng katotohanan kaysa sa pananahimik sa harap ng seryosong alegasyon?
Hindi ba’t ang tunay na pagkakawatak-watak ay nangyayari kapag nawawala ang tiwala ng mamamayan sa sistema?
⸻
📣 Panawagan sa Senado
Mga Katropa, malinaw ang hamon:
Ang impeachment ay hindi dapat maging drama ng politika kundi proseso ng katotohanan.
Kaya’t ang panawagan sa Senado:
• Tugunan ang obligasyon sa ilalim ng Konstitusyon.
• Hayaan ang ebidensya ang magsalita.
• At higit sa lahat, bigyang-daan ang proseso na siyang pundasyon ng ating demokratikong lipunan.
Kung talagang walang dapat ikatakot, bakit hindi ito harapin?
⸻
Sa demokrasya, pananagutan ang pinakamataas na anyo ng serbisyo.
At sa panig ng taumbayan, ang katotohanan ay kailangang marinig — sa Senado, sa publiko, at sa kasaysayan.
oooooooooooooooooo
13,867 panukala inihain sa Kamara, 280 naisabatas— House spox Abante
Sa ilalim ng pamumuno ni Speaker Ferdinand Martin G. Romualdez, naitala ang isa sa pinaka-produktibong Kamara de Representantes kung saan umabot sa 13,867 ang mga inihaing panukala at 280 sa mga ito ang naisabatas
“For the 19th Congress under the leadership of Speaker Martin Romualdez, I’m happy to report that the House of Representatives is now one of the most productive Congress in history,” ani House spokesperson Atty. Princess T. Abante sa ginanap na press conference nitong Martes.
Ayon kay Abante, naihain sa Kamara ng 11,506 panukalang batas at 2,361 resolusyon. Sa bilang na ito, 347 resolusyon ang inaprubahan at 1,493 panukala ang pinagtibay ng Kamara—280 sa mga ito ay naging ganap nang batas.
Naaprubahan din ng Kamara sa ikatlo at pinal na pagbasa ang 27 sa 28 pangunahing panukalang batas na inendorso ng LEDAC. Bukod dito, matagumpay ding naipasa ng Kamara ang 61 sa 64 panukala sa ilalim ng mas malawak na Common Legislative Agenda (CLA).
Ipinapakita ng mga bilang na ito na masigasig ang Kamara sa pagtupad sa mga layunin ng administrasyon tungo sa kaunlaran ng bansa.
“Unfortunately, 739 are still pending before the Senate of the Philippines for their approval on third reading,” dagdag ni Abante.
“These are not ordinary bills – they are urgent reforms sought by sectors across the country. They are solutions to the most pressing challenges faced by Filipino families, workers, students, seniors and OFWs,” saad pa ng tagapagsalita ng Kamara..
Kabilang sa mga nakabinbin pang panukala sa Senado ang mga mahahalagang batas para sa kapakanan ng mga senior citizens, gaya ng Universal Social Pension for All Senior Citizens at Expanded Employment Opportunities for Seniors. Gayundin, ang Magna Carta for Informal Ambulant Vendors, na layong bigyan ng proteksyon ang maliliit na negosyo sa buong bansa.
Sa sektor ng digital services, naipasa na ng Kamara ang mga panukalang batas para sa Cheaper and More Accessible Internet, lalo na sa mga pampublikong paaralan at liblib na barangay. Kasama ring naghihintay ng aksyon ng Senado ang Public Telecom Refund Act at ang panukalang batas na nagbibigay daan sa Digital Voting para sa Seniors, PWDs, at frontliners.
Para sa paglikha ng trabaho at proteksyon sa manggagawa, kabilang sa mga nakabinbin pa rin ang Magna Carta for Freelancers, Mandatory Insurance for Line Workers, at Tripartite Council Against Job Mismatch. Kasama rin dito ang mga panukalang nagpapalawig ng proteksyon laban sa diskriminasyon sa lugar ng trabaho.
Ang mga panukala ukol sa kalusugan at edukasyon, gaya ng Philippine CDC, mental health services sa SUCs, at voucher system para sa mahihirap ngunit karapat-dapat na estudyante sa pribadong kolehiyo, ay nakasalang pa rin sa Senado.
Para naman sa mga OFW at migrant workers, naipasa na ng Kamara ang OFW Remittance Protection Law, ang pagpapalawak ng legal aid funds para sa OFWs, at ang OFW Hospital Institutionalization Act—na pawang naghihintay pa rin ng pag-apruba ng Senado.
Sa mga repormang pangkapaligiran at pabahay, kabilang sa listahan ang National Land Use Act, Balanced Housing Reform Law, at ang Green Public Procurement Act.
Kasama rin sa mga naantalang panukala sa Senado ang mga batas ukol sa lokal na transportasyon at pagtugon sa sakuna, gaya ng Magna Carta for Tricycle Drivers and Operators, Free Freight of Relief Goods Act, at Rightsizing the Bureaucracy.
“The House has already passed 1,493 measures – 739 of them are still waiting in the Senate. These aren’t just bills. These are pensions, internet, jobs, housing and protection for every Filipino,” giit ni Abante. (END)
______________
AFTER NEWS COMMENTARY
“Produktibo nga ba? Panukala, Pananagutan, at ang Papel ng Senado sa Pagpapatupad ng Reporma”
Mga Katropa sa Kamara, humanga man tayo o hindi, higit sa 13,000 panukala ang naihain sa Mababang Kapulungan sa ilalim ng pamumuno ni Speaker Martin Romualdez, at 280 sa mga ito ang naisabatas.
Sa dami ng panukala, posibleng itanong ng ilan: “Ilan sa mga ito ang tunay na may epekto sa pang-araw-araw na buhay ng ordinaryong Pilipino?”
At higit pa riyan — saan natitigilan ang ilan sa mga panukalang ito?
⸻
📌 Ang Bilang ay Tagumpay, Pero Hindi Pa Tapós ang Laban
Ipinagmalaki ng Kamara ang pagiging isa sa mga pinaka-produktibong Kongreso sa kasaysayan, at sa dami ng panukalang naisumite, masasabing tunay nga na aktibo at abala ang mga mambabatas.
Ngunit ang mas mahalagang tanong:
Ilan ang naging batas? Ilan ang naipapatupad? Ilan ang nakikinabang na ang karaniwang Pilipino?
Sa 1,493 na naipasa ng Kamara, 739 pa ang naghihintay ng aksyon sa Senado.
Mga panukalang nakatuon sa:
• Pensiyon ng senior citizens
• Proteksyon ng OFWs
• Mas murang internet sa mga paaralan at liblib na lugar
• Kalusugan at pabahay
• Laban sa diskriminasyon at job mismatch
• Proteksyon para sa informal vendors at freelancers
Kung ganito kahalaga ang mga ito, bakit natutulog sa Senado?
⸻
🧭 Nasaan ang Senado sa Kuwento ng Reporma?
Ayon kay House spokesperson Atty. Princess Abante, “These aren’t just bills. These are pensions, internet, jobs, housing, and protection.”
Tama siya.
Hindi ito basta papel lang — ito ang mga pangarap at pangangailangan ng pamilyang Pilipino.
Ngunit kung hindi gagalaw ang Senado, mananatiling pangarap ang mga ito.
Walang saysay ang pagpapasa ng Kamara kung haharangin o hahayaang mabaon sa limot ng mga deliberasyon sa itaas.
Kung tutuusin, ilang buwan na lang ang natitira sa 19th Congress. Kailan kikilos ang Senado?
⸻
🚨 Panawagan: Gawin ang Batas, Hindi Lang Balita
Mga Katropa, magandang makita na masigasig ang mga mambabatas sa Kamara.
Ngunit sa dulo ng bawat panukala ay pananagutan — hindi lang ng Mababang Kapulungan kundi ng buong Kongreso.
Ang hamon sa Senado:
• Hindi sapat ang pag-upo. Kailangan ang pagkilos.
• Hindi sapat ang deliberasyon. Kailangan ang desisyon.
• Hindi sapat ang press conference. Kailangan ang batas.
⸻
📣 Sa Inyong Lingkod
Bilang tagapaghatid ng balita sa ere, layunin nating bigyang boses ang mga panawagan ng ordinaryong Pilipino:
Ayusin ang serbisyo. Gawin ang tama. Tapusin ang mga nasimulan.
Sa ngalan ng mga senior citizen, estudyante, manggagawa, OFW, at maliliit na negosyante — huwag na sanang ipagpaliban pa.
Mga Katropa, ang panukala ay umpisa lamang.
Ang tunay na tagumpay ay ang katuparan ng batas para sa tao.
oooooooooooooooooo
SP Chiz 'misinformed' sa Barangay, SK term extension bill— House spox Abante
Pinabulaanan ng Mababang Kapulungan ng Kongreso ang pahayag ni Senate President Francis “Chiz” Escudero na hindi pa umano nito naaaprubahan ang panukalang batas na magtatakda ng mas mahabang termino para sa mga opisyal ng Barangay at Sangguniang Kabataan (SK).
Ayon sa tagapagsalita ng Kamara, naipasa na ito sa ikatlo at pinal na pagbasa noong Lunes.
“On the barangay and SK elections, nakita ko din ‘yung press conference ni Senate President Chiz Escudero and unfortunately, mukhang misinformed si Senate President,” ani House spokesperson Atty. Princess T. Abante bilang tugon sa tanong ng isang mamamahayag.
Aniya, ang panukalang batas ay nakalusot na sa plenaryo at ipapadala na sa Senado para sa susunod na hakbang.
“And kaya rin naman ako nandito para siguraduhin na ma-tama natin ang mga fake news at mga misinformation,” dagdag ni Abante.
Layon ng Barangay Term Bill na amyendahan ang Local Government Code upang magtakda ng anim na taong fixed term para sa mga opisyal ng barangay at SK, at isa sa mga pangunahing panukalang batas na binigyang-diin sa productivity report ng Kamara kamakailan.
“Hindi totoo yung sinabi ni Senate President na hindi pa nakakapasa sa committee level ‘yung bill na inaayos ang term ng ating mga barangay officials,” paglilinaw ni Abante.
Binanggit pa ng opisyal ng Kamara na maging mga kaanak ni Senate President Escudero ay bumoto pabor sa pagpasa ng panukala.
“In fact, kagabi ay naipasa na ito on third reading including the sister of Senate President na pinasa ito,” aniya.
Binigyang-diin ni Abante na natapos na ng Kamara ang bahagi nito at sasalang na ang panukala sa deliberasyon ng bicameral conference committee.
“Matra-transmit na rin siya for the bicameral conference as well,” sabi niya.
“And again, ready ang House of Representatives para ayusin, pagdebatehan at ma-ratify lahat ng mga pending na mga measures sa bicameral conferences natin,” dagdag pa ni Abante. (END)
_________________
AFTER NEWS COMMENTARY
“Ang Termino, ang Tiwala, at ang Tunay na Impormasyon: Barangay at SK Term Extension Bill sa Gitna ng Misinformation”
Mga Katropa sa Kamara, isa sa mga matunog na isyu ngayong linggo ay ang umano’y “hindi pa naipapasang” panukalang batas na naglalayong palawigin ang termino ng mga opisyal ng Barangay at Sangguniang Kabataan (SK).
Ang nagsalita: Walang iba kundi si Senate President Francis “Chiz” Escudero.
Pero ayon sa Kamara, mali ang impormasyon.
⸻
🧭 Ano ba talaga ang estado ng panukalang ito?
Ayon kay House Spokesperson Atty. Princess Abante, naipasa na sa ikatlo at pinal na pagbasa ang Barangay Term Extension Bill noong Lunes, at handa nang ipadala sa Senado.
Layunin nitong amyendahan ang Local Government Code upang itakda ang isang fixed six-year term para sa mga barangay at SK officials.
Klaro ang punto ng Kamara:
• Tapos na ang trabaho nila.
• Hinihintay na lang ang pagkilos ng Senado.
⸻
🔍 Maling impormasyon: aksidente o istratehiya?
Sinabi ni SP Chiz na hindi pa raw umaabot sa committee level ang panukala.
Pero ayon kay Abante, hindi lang ito lumusot sa committee—naipasa na rin ito on third reading, at ironic pa nga, ang kapatid ni SP Chiz ay isa sa bumoto pabor sa nasabing panukala.
Kung ito’y isang honest mistake, maituturing itong babala sa lahat ng lider: Alamin muna bago maghayag.
Ngunit kung ito’y isang sadyang pagbaling ng isyu o pag-antala, aba’y ibang usapan na yan.
⸻
⏳ Bakit mahalaga ang extension na ito?
Sa kasalukuyan, 3 taon ang termino ng mga barangay at SK officials, ngunit madalas ay delayed ang halalan—kung minsan ay napapalawig nang higit sa 5 taon nang walang malinaw na mandato.
Kaya’t ang isinusulong na 6-year fixed term ay hindi lamang praktikal.
Ito rin ay resolusyon sa paulit-ulit na postponement na sumisira sa continuity ng serbisyo, accountability, at plano ng mga lokal na pamahalaan.
Pero tandaan: mas mahaba ang termino, mas mabigat ang pananagutan.
Dapat itong sabayan ng mas mahigpit na pamantayan sa pamumuno at performance evaluation sa barangay at SK level.
⸻
🗳️ Sa Dulo: Hindi lang Termino ang Mahalaga—Kundi Tiwala
Ang isyung ito ay paalala sa ating lahat na ang pagiging maalam ay bahagi ng pagiging mabuting mamamayan.
Kung ang pinakamataas na lider ng Senado ay nagkamali ng impormasyon, mas lalo nating kailangang maging mapanuri.
Mga Katropa, ang tanong ngayon:
Kailan kikilos ang Senado? At susuportahan ba nito ang layunin ng mas matatag, mas epektibong lokal na pamahalaan?
Abangan natin. Subaybayan. At higit sa lahat—makiisa.
Dahil ang Barangay at SK — sila ang unang takbuhan ng taumbayan. At sila rin dapat ang unang halimbawa ng maayos, malinaw, at makataong pamumuno.
oooooooooooooooooo
OCD, Nakakuha ng “Very Satisfactory” Rating sa FY 2024 Performance Review; Nangakong Patuloy na Magtataguyod ng Mas Matatag na Pilipinas
Nakamit ng Office of Civil Defense (OCD) ang “Very Satisfactory” na marka sa Fiscal Year 2024 Annual Agency Performance Review (AAPR) ng Department of Budget and Management (DBM), bilang pagkilala sa mahusay nitong pagganap sa paggamit ng pondo, implementasyon ng mga programa, at pagpapalaganap ng pananagutan.
Bilang ahensya sa ilalim ng Department of National Defense (DND), ang OCD ay nag-ambag sa kabuuang rating ng kagawaran na 4.12 mula sa 5, patunay ng epektibong paggamit ng pondo ng bayan at maayos na pagtugon sa mga target na layunin. Sinusukat ng AAPR ang pisikal, pinansyal, at kita ng mga ahensya, batay sa aktuwal na resulta kumpara sa itinakdang layunin, gayundin ang kalidad at pagiging maagap ng pagsusumite ng mga ulat ukol sa paggamit ng pondo.
“Ay hindi lamang ito simpleng grado—ito ay patunay ng disiplina ng OCD sa pagtutok ng mga programa alinsunod sa pambansang layunin, paggamit ng yaman nang may saysay, at pagtupad ng pananagutan para sa kapakanan ng sambayanang Pilipino,” pahayag ni OCD Administrator Undersecretary Ariel F. Nepomuceno.
Ang pagkilalang ito mula sa DBM ay lalong nagpapatibay sa paninindigan ng OCD para sa isang streamlined at results-driven na pamamahala, na layong tiyaking ang mga inisyatiba para sa disaster risk reduction at response ay naipatutupad nang tama, nasa takdang oras, at may tunay na epekto. Sa harap ng lumalalang panganib sa klima at likas na kalamidad, ang ganitong uri ng pamamahala ay mahalaga upang mapangalagaan ang mga komunidad.
Sa pamumuno ni Usec. Nepomuceno, tinutukan ng OCD ang pagpapalakas ng early warning systems, capacity-building para sa mga lokal na pamahalaan, risk-informed development planning, at koordinasyon ng mga national response clusters—mga pangunahing bahagi ng mandato ng ahensya at layunin para sa pambansang katatagan.
“Sa harap ng matinding kahinaan ng bansa sa mga bagyo, lindol, at iba pang sakuna, ang pagkilalang ito ay higit pang nagpapatibay sa aming determinasyong maglingkod nang may propesyonalismo, transparency, at agaran,” dagdag pa ni Nepomuceno.
Binigyang-diin din ng OCD na ang pagtutok ng review sa budget utilization ay nagsisiguro na ang bawat pisong galing sa buwis ng mamamayan ay hindi lamang ginagastos nang tama kundi naipapakita sa konkretong resulta—sa mas mahusay na paghahanda, pagtugon, at pagbangon ng mga komunidad.
Sa harap ng patuloy na lumalalim at kumplikadong banta, nananatiling matatag ang paninindigan ng OCD sa kanilang misyon—pinapatunayan na ang integridad, kahusayan, at tiwala ng publiko ang tunay na pundasyon ng epektibong pamahalaan. (Wakas)
__________________
AFTER NEWS COMMENTARY
“Very Satisfactory, Pero Hindi Dapat Maging Kuntento: OCD at ang Patuloy na Pagsusulit ng Bayan”
Mga Katropa sa Kamara, isang magandang balita ang ibinahagi ngayong linggo:
Nakamit ng Office of Civil Defense (OCD) ang “Very Satisfactory”na marka mula sa Department of Budget and Management (DBM) sa kanilang taunang Agency Performance Review para sa Fiscal Year 2024.
Isa itong patunay na ang OCD ay gumagawa ng tama, ayon sa layunin, at gamit ang pera ng taumbayan nang may saysay at disiplina.
Pero ang tanong: sapat na ba ang ganitong grado sa harap ng malalaking hamon sa disaster preparedness ng bansa?
⸻
✅ Ang Magandang Balita: May Batayan ang Pagkilala
Hindi ito simpleng parangal.
Ang “Very Satisfactory” ay ibinibigay base sa konkretong performance:
• Maayos bang nagamit ang pondo?
• Naipatupad ba ang mga programang may epekto sa komunidad?
• Nagsumite ba ng tama at maagap na ulat ang ahensya?
Sa puntong ito, pasado ang OCD.
Ayon mismo kay OCD Administrator Usec. Ariel Nepomuceno, ito ay patunay ng disiplina, transparency, at malinaw na ugnayan sa layunin ng pambansang gobyerno.
At tama naman — sa gobyerno, hindi lang gawa ang mahalaga, kundi maayos na pag-uulat din ng ginawa.
⸻
🌀 Pero Tandaan: May Mga Sakunang Hindi Nagbibigay ng Pangalawang Pagkakataon
Gayunman, bilang mamamayan, hindi natin dapat tingnan ang grade bilang sukdulan ng tagumpay.
Ang OCD ay nasa unahan ng laban kontra sakuna — bagyo, lindol, baha, landslide, heatwave, at marami pang iba.
Kaya kahit mataas ang grado, kailangang itanong natin:
• Kumusta ang real-time disaster response sa mga rehiyon?
• Nadarama ba ng mga lokal na pamahalaan ang suporta?
• Naipapaabot ba agad ang ayuda at impormasyon sa mga pinaka-apektado?
Ang Very Satisfactory ay hindi dahilan para maging kampante.
Dapat itong maging inspirasyon para itaas pa ang antas — maging “Outstanding.”
⸻
📡 Tuloy ang Hamon: Gawin Pang Mas Matatag ang Bansa
Sa panahon ng climate crisis, hindi lamang mabilisang tugon ang kailangan, kundi long-term resilience:
• Early warning systems na abot kahit sa liblib na barangay
• Disaster education sa kabataan
• Malinaw na communication protocol sa pagitan ng OCD at LGUs
• Prepositioned relief goods bago pa dumating ang kalamidad
Tama ang linya ng OCD:
“Ang bawat pisong ginastos ay dapat may konkretong resulta sa paghahanda at pagbangon.”
Pero sana, bawat ulat ng mataas na marka ay may kaukulang kwento ng pagbabagong naramdaman sa mga komunidad — hindi lamang sa papel kundi sa realidad.
⸻
🧭 Pangwakas: Maging Mas Tapat, Mas Handa, Mas Matatag
Mga Katropa, ang pamahalaan ay hindi lang sinusukat sa grado kundi sa epekto sa tao.
At kung gusto nating magkaroon ng OCD na tunay na maaasahan sa bawat bagyo o lindol,
kailangan natin silang patuloy na tanungin, tulungan, at subaybayan.
Dahil sa dulo, hindi “Very Satisfactory” ang hahanapin ng mamamayan sa panahon ng krisis — kundi “Very Ready, Very Reliable, at Very Human.”
Tuloy ang pagbabantay, tuloy ang serbisyo, tuloy ang laban para sa isang mas matatag na Pilipinas.
oooooooooooooooooo
Kamara: Huwag Matakot, Impeachment ni VP Sara ay Hindi Maaantala Dahil sa Pagbiyahe Nito sa Malaysia
Tiwala ang Mababang Kapulungan ng Kongreso na hindi maaantala ng personal na paglalakbay ni Pangalawang Pangulo Sara Duterte patungong Malaysia ang nakatakdang impeachment trial laban sa kanya, at nananawagan ito sa Senado na ituloy na ang kanilang tungkuling konstitusyonal na dinggin ang kaso.
“Ang importante, simulan na ng Senado ang trial para alam na rin natin kung ano ang magiging susunod na hakbang ng mga taga-usig at ano ang magiging direksyon ng impeachment process,” pahayag ni House spokesperson Atty. Princess T. Abante sa isang press conference nitong Martes.
Ipinaliwanag ni Abante na may mga probisyon sa impeachment rules na nagsasaalang-alang sa mga pagkakataong hindi maaaring maipaabot nang personal ang Articles of Impeachment sa nasasakdal.
“Sa tingin ko, sa rules ng impeachment, may nakasaad kung paano ang pag-serve o notification sa akusado. Ang pangunahing requirement ay personal service, pero may nilatag din na paraan kung hindi ito maisagawa,” aniya.
Ang pahayag ay inilabas matapos kumpirmahin ng Office of the Vice President (OVP) na lumipad patungong Malaysia si VP Duterte para sa isang personal na paglalakbay kasama ang kanyang pamilya.
Bagama’t hindi ibinunyag ng OVP kung kailan umalis ang Pangalawang Pangulo, sinabi ng tanggapan na inaasahan din siyang dadalo sa pagdiriwang ng Araw ng Kalayaan ng Pilipinas sa Kuala Lumpur sa Hunyo 12 at magsasagawa ng konsultasyon kasama ang mga overseas Filipino workers sa kanyang pagbisita.
Ang paglalakbay ni Duterte ay naganap ilang araw bago nakatakdang simulan ng Senado ang impeachment trial, kung saan itinakda na itong magsimula sa Hunyo 11. Nagsagawa na ng panunumpa si Senate President Francis “Chiz” Escudero bilang presiding officer ng impeachment court, habang inaasahang susunod na manunumpa ang mga natitirang senador bilang hukom.
Noong Pebrero 5, ipinasa ng Kamara ang impeachment laban kay Vice President Duterte batay sa mga kasong culpable violation of the Constitution, betrayal of public trust, graft and corruption, at ibang matataas na krimen.
Kabilang sa mga alegasyon ang umano’y maling paggamit ng ₱612.5 milyon na confidential at intelligence funds—₱500 milyon sa ilalim ng Office of the Vice President at ₱112.5 milyon naman mula sa Department of Education (DepEd), noong sabay siyang nanungkulan bilang Pangalawang Pangulo at Kalihim ng Edukasyon.
Isinama rin sa impeachment complaint ang kanyang publikong pahayag tungkol sa diumano’y tangkang pagpatay kina Pangulong Ferdinand R. Marcos Jr., Unang Ginang Liza Araneta-Marcos, at House Speaker Ferdinand Martin G. Romualdez; umanong panunuhol sa mga opisyal ng DepEd; hindi maipaliwanag na yaman; hindi pagdeklara ng ilang ari-arian sa kanyang Statement of Assets, Liabilities and Net Worth (SALN); at umano’y ugnayan sa extrajudicial killings noong administrasyon ng kanyang ama.
Ayon sa 1987 Konstitusyon, kailangan ng boto ng dalawang-katlo ng lahat ng miyembro ng Senado, o 16 sa 24 na senador, upang mahatulang nagkasala ang akusado.
Kapag nahatulan, aalisin sa puwesto si VP Duterte at pagbabawalang humawak ng anumang posisyon sa pamahalaan sa hinaharap. (Wakas)
______________
AFTER NEWS COMMENTARY
“Biyehe sa Gitna ng Bagyo: Impeachment ni VP Sara, Hindi Hadlang ang Pagpunta sa Malaysia”
Mga Katropa sa Kamara, isang bagong anggulo na naman ang lumutang sa usapin ng impeachment case ni Vice President Sara Duterte: ang kanyang personal na paglalakbay patungong Malaysia, ilang araw bago ang nakatakdang simula ng paglilitis sa Senado.
Pero ayon sa Kamara, walang dapat ikabahala.
Hindi ito magiging sagabal. Hindi ito dapat gamiting dahilan para maantala ang proseso.
Paalala ng Kamara: May Rules, May Proseso
Tama ang punto ni House spokesperson Atty. Princess Abante —
sa ilalim ng impeachment rules, may mga alternatibong paraan ng pag-notify sa nasasakdal, lalo na kung hindi ito maipaabot nang personal.
“Ang mahalaga ay ang Senado ay magsimula na ng paglilitis,” giit ni Abante.
At dito malinaw ang mensahe: huwag hayaang maging distraction ang biyahe sa Malaysia.
Hindi pa ito ang unang pagkakataong ang isang matataas na opisyal ay nasa ibang bansa habang may kinahaharap na isyu. Pero tandaan natin, ang hustisya ay hindi nakabuntot sa biyahe — dapat tuloy-tuloy ito saan man naroroon ang akusado.
Timing ng Pag-alis: Coincidence o Calculated?
Hindi man direktang sinasabi ng Kamara, hindi natin maiwasang magtanong:
• Bakit ngayon?
• Ilang araw bago simulan ng Senado ang paglilitis bilang impeachment court?
• Hindi ba ito maaaring ituring na “avoidance strategy”?
Ngunit hanggang walang pruweba ng intensyong umiwas, mangibabaw pa rin ang due process.
Iyan ang dahilan kung bakit pinaalalahanan ng Kamara ang Senado na:
“Huwag tayong magpaliguy-ligoy. Umpisahan na ang paglilitis.”
Saklaw ng Impeachment: Hindi Ito Mababaw
Hindi rin dapat mawala sa ating isipan na mabibigat ang mga kasong isinampa sa impeachment complaint:
📌 ₱612.5 milyong confidential at intelligence funds
📌 Graft and corruption
📌 Betrayal of public trust
📌 Culpable violation of the Constitution
📌 Alleged link to extrajudicial killings
📌 Hindi maipaliwanag na yaman at SALN issues
📌 Pahayag ukol sa umano’y assassination plot
Hindi ito tsismis o pamumulitika lamang — ito ay usapin ng tiwala, integridad, at pananagutan sa pinakamataas na antas ng pamahalaan.
Mensahe sa Senado: Panahon na para Magdesisyon
Sa ngayon, ang Kamara ay tapos na sa kanyang tungkulin.
Ang bola ay nasa Senado na.
At habang lumilipad si VP Sara sa Malaysia, hinihintay ng mamamayan ang paglipad ng katotohanan dito sa ating sariling bayan.
Kung magtatagal pa ang Senado sa pagsisimula ng paglilitis, maari itong magdulot ng pangamba sa publiko — baka nga naman naghahanap lang ng dahilan para iurong ang proseso.
Pagtatapos: Laban ng Katotohanan
Mga Katropa, ang impeachment ay hindi laban ng iilang mambabatas laban sa isang opisyal.
Ito ay laban ng sistema para sa katotohanan at pananagutan.
At kung totoo ang sinabi ng Kamara na “ang sinusunod natin ay ang Saligang Batas, hindi kagustuhan ng sinuman,”
– panahon na upang patunayan ito.
Kahit pa ang akusado ay nasa Malaysia.
Kahit pa maulan ang panahon.
Kahit pa magulo ang pulitika.
Ang katotohanan — ay hindi dapat antayin. Dapat ay pinagsisilbihan.
Hanggang sa susunod, Katropa, magbantay, makialam, at makiisa —
dahil ang pamahalaang tapat, ay laging nasa ilalim ng tanong at pagsubok.
oooooooooooooooooo
Kamara, Tinanggap ang Hakbang ng Senado sa Impeachment ni VP Sara: “Ginalaw na po ang baso, nakinig na po ang Senado”
Malugod na tinanggap ng Mababang Kapulungan ng Kongreso nitong Martes ang unang hakbang ng Senado upang umupo bilang impeachment court, na tinawag nilang isang mahalagang senyales na nagsisimula nang umusad ang proseso laban kay Pangalawang Pangulo Sara Duterte.
“Malugod pong tinatanggap ng House of Representatives ang kaganapang ito. Ginalaw na po ang baso. Nakinig na po ang Senado sa mga pahayag hindi lang ng Kamara kundi ng iba’t ibang sektor ng lipunan,” pahayag ni House spokesperson Atty. Princess Abante sa isang press briefing.
Tinutukoy niya ang panunumpa ni Senate President Francis “Chiz” Escudero nitong Lunes bilang presiding officer ng impeachment court — isang hakbang na matagal nang hinihintay ng mga lider ng Kamara at ng mga grupong sibil na nananawagan ng mabilis at makatarungang paglilitis.
Sa ilalim ng pamumuno ni Speaker Ferdinand Martin G. Romualdez, inaprubahan at ipinadala ng Kamara ang mga artikulo ng impeachment laban kay VP Duterte, kaugnay ng mabibigat na alegasyon ng maling paggamit ng confidential funds at pagtataksil sa tiwala ng publiko.
Sinabi ni Abante na handang-handa na ang mga itinalagang House prosecutors at patuloy ang kanilang paghahanda para sa pormal na paglilitis.
“Handa naman po ang Kongreso, ang House of Representatives, sa kanilang role sa impeachment trial. Nakapaghanda na po ang ating mga House prosecutors at patuloy na naghahanda. Inaantabayanan natin ang pormal na pagsisimula ng paglilitis,” aniya.
Binigyang-diin din ni Abante ang posisyon ni Speaker Romualdez na igalang ang kalayaan ng Senado, kahit pa may resolusyon si Sen. Robin Padilla na nagpapasumite ng mosyon upang ibasura ang reklamo dahil sa nalalabing panahon sa ika-19 na Kongreso.
“Ang posisyon ng Speaker ay hayaan ang Senado na gawin ang nararapat ayon sa kanilang sariling pagpapasya,” ani Abante. “Pero may mga eksperto mula sa akademya at legal na sektor na nagsasabing hindi maaaring basta na lamang ibasura ng mga senator-judge ang kaso.”
Binigyang-diin niyang anumang desisyon ng Senado ay kailangang naaayon sa Saligang Batas.
“Kung anuman ang magiging desisyon nila, ang hiling lamang po natin ay maging tapat sila sa alituntunin ng Konstitusyon. Sapagkat sa isang lipunang gumagalang sa batas, ang Saligang Batas ang dapat mangibabaw,” ani Abante.
Tinukoy din niya ang mga kaganapan noong Lunes bilang pormal na simula ng proseso ng impeachment trial, kahit pa may pagkaantala sa panunumpa ng lahat ng senador.
“Muli, gaya ng sinabi ko, tinatanggap natin ang mga naging kaganapan noong Lunes. Ibig sabihin lang nito ay nagsimula na ang proseso ng impeachment trial,” dagdag niya.
Nang tanungin kung sinasadya bang patagalin ng Senado ang proseso, tumanggi si Abante na magbigay ng espekulasyon ngunit binigyang-diin ang tungkulin ng bawat kapulungan sa ilalim ng Konstitusyon.
“May kanya-kanyang papel ang House of Representatives at Senado pagdating sa impeachment process, ayon sa Saligang Batas,” aniya.
Ipinaalala rin niya na natapos na ng Kamara ang bahagi nito sa proseso — pagtanggap sa reklamo, pagpapatunay ng merito, pagsang-ayon ng mayorya, at paghahatid ng mga artikulo ng impeachment sa Senado.
“’Yung susunod na hakbang ay nasa Senado na — na ayon sa Konstitusyon, ay ang pagdinig at paghatol agad,” ani Abante. “Ang sinusunod natin dito ay ang itinatakda ng Saligang Batas — hindi ng Kamara, hindi ng kahit sinong tao, kundi ng ating Konstitusyon.” (Wakas)
______________
AFTER NEWS COMMENTARY
“Ginalaw na ang Baso: Impeachment ni VP Sara, Uusad na Ba sa Senado?”
Mga ka-Katropa sa Kamara, isa na namang mahalagang kabanata sa kasaysayan ng ating demokrasya ang binuksan kahapon, matapos kumpirmahin ng Kamara ang pagsisimula ng pormal na hakbang ng Senado bilang impeachment court laban kay Pangalawang Pangulo Sara Duterte.
At sa makulay at makahulugang pahayag ng House spokesperson na si Atty. Princess Abante — “Ginalaw na po ang baso” — tila ba sinasabi sa taumbayan na tapos na ang paghihintay, uumpisahan na ang pagdinig sa katotohanan.
Isang simbolikong panimula
Ang panunumpa ni Senate President Chiz Escudero bilang presiding officer ng impeachment court ay hindi lamang ritwal o seremonya — ito ay isang tahimik ngunit matunog na pahiwatig na handa na ang Senado (kahit papaano) na gampanan ang tungkulin nitong pakinggan ang kaso laban sa ikalawang pinakamataas na opisyal ng bansa.
Hindi ito maliit na bagay.
Mula sa mga haka-haka ng pagbasura, delaying tactics, hanggang sa alingasngas ng “political compromise,” ngayon ay may galaw na sa itaas.
“Tapos na ang bahagi ng Kamara”
Makabuluhan din ang naging punto ni Atty. Abante — tapos na ang papel ng Mababang Kapulungan:
✔️ Tinanggap ang reklamo.
✔️ Sinuri at pinagtibay ang merito.
✔️ Pinagtibay ng majority vote.
✔️ Inihain na sa Senado ang mga artikulo ng impeachment.
Ngayon, nasa Senado na ang bola.
Handa ang House prosecutors – pero gaano kabilis ang Senado?
Ayon sa Kamara, handa na ang kanilang mga House prosecutors para sa paglilitis.
Ang tanong ngayon: gaano kabilis gagalaw ang Senado?
May panukala si Sen. Robin Padilla na ipabasura ang kaso, ngunit pinaalalahanan din ng Kamara ang Senado:
“Ang anumang desisyon ay kailangang naaayon sa Konstitusyon, hindi sa kagustuhan ng iilan.”
Ang konteksto ng salitang “ginalaw ang baso”
Sa wikang Filipino, kapag sinabing “ginalaw ang baso”, ibig sabihin ay may nagsimula ng usapan, may kumilos, may nagpakita ng intensyon.
At sa kasong ito, ang Senado — matapos ang ilang linggong pananahimik at agam-agam — ay sa wakas ay umakto.
Hindi pa ito paghatol. Hindi pa ito paglilitis. Pero ito ay mahalagang unang hakbang.
Huling tanong: May mangyayaring paglilitis?
Ito ang tanong na binabantayan ngayon ng mamamayan — lalo na ng civil society groups, media, at ng ating mga tagasubaybay:
• Uusad ba ito sa isang tunay at tapat na impeachment court proceedings?
• O ito ay magiging palabas lamang, upang masabing “may proseso” pero walang patutunguhan?
Ang sagot ay wala pa sa ngayon. Ngunit, gaya ng sinabi ng Kamara:
“Ang sinusunod natin dito ay ang itinatakda ng Saligang Batas — hindi ng Kamara, hindi ng kahit sinong tao, kundi ng ating Konstitusyon.”
Mga kababayan, sa mga susunod na linggo, manatili tayong mapagmatyag.
Dahil ang isyung ito ay hindi lang tungkol kay VP Sara.
Ito ay pagsubok sa sistema ng pananagutan at ng check and balance sa ating pamahalaan.
At dito sa Katropa sa Kamara, tututukan natin ito — hindi para makisawsaw, kundi para magsilbing tagapagsiwalat ng katotohanan, at tagapagbantay ng hustisya.
Hanggang sa susunod, mga Katropa — ang laban para sa katotohanan ay nagpapatuloy.
oooooooooooooooooo
Pagpupulong ng Quad Committee: Pagtatapos at Pagtutok sa Natitirang Suliranin Kaugnay ng POGO Ban
Nagpulong sa huling pagkakataon ang Quad Committee ng Mababang Kapulungan nitong Lunes upang talakayin kasama ang iba’t ibang ahensya ng pamahalaan ang patuloy na hakbang upang tugunan ang mga natitirang hamon na dulot ng pagbabawal sa offshore gaming operations (POGO) sa bansa.
Nanawagan si Deputy Speaker David Suarez sa mga ahensyang nagpapatupad ng batas na paigtingin ang paghahanap sa tinatayang 9,000 undocumented foreign nationals na dating nagtatrabaho sa mga POGO hub sa Pilipinas, dahil sa patuloy na banta ng kanilang presensya.
“Ang POGO, nag-iba lang ng anyo pero ilegal pa rin ang kanilang pinapasukan. At patuloy pa rin silang nagiging salot sa ating lipunan,” pahayag ni Suarez.
Ibinunyag naman ni Undersecretary Gilbert Cruz ng Presidential Anti-Organized Crime Commission (PAOCC) na marami sa mga POGO operator ay nagbago na lamang ng porma—lumipat ng lokasyon o nag-operate bilang mas maliliit na tech-based entities sa ilalim ng anyo ng business process outsourcing (BPO) o mga tech company.
Muling binigyang pansin ng komite ang matagal nang isyu sa Bureau of Customs (BOC), partikular ang diumano’y “Tara” system — isang uri ng lagayan o suhulan na ginagamit upang maipuslit ang ilegal na droga. Ayon kay BOC Deputy Commissioner Juvymax Uy, siyam na kaso ang isinailalim sa imbestigasyon mula 2023 hanggang 2025, subalit dalawa rito ay isinara dahil sa kakulangan ng ebidensya. Ipinaliwanag din niyang madalas na hindi umuusad ang mga kaso dahil walang gustong magsumite ng sinumpaang salaysay.
Samantala, tinanong ni House Committee on Human Rights chair at Manila Rep. Bienvenido Abante Jr. ang Commission on Human Rights (CHR) ukol sa bilang ng mga kasong extrajudicial killings (EJKs) na kanilang naimbestigahan, naisampa sa hukuman, at kung ilan dito ang kinasasangkutan ng mga miyembro ng pulisya.
Ayon kay CHR Commissioner Richard Palpal-latoc, “mas mababa sa 4,000 kaso” ng mga pagpatay na may kaugnayan sa kampanya kontra-droga mula 2016 hanggang 2022 ang kanilang naimbestigahan.
“Kasama rito ang mga pagkamatay sa operasyon ng pulisya at mga insidente na may hindi pa rin nakikilalang salarin,” ani Palpal-latoc.
Ngunit iginiit ng CHR na paulit-ulit silang tinatanggihan ng Philippine National Police (PNP) sa kanilang kahilingan para sa mga rekord, police reports, at iba pang ebidensya.
Dahil dito, inihain ni Abante ang isang panukalang batas upang amyendahan ang charter ng CHR at bigyan ito ng kapangyarihang mag-usig.
“Dapat may mandato kayo na puwedeng i-demand sa PNP ang lahat ng mga ebidensyang may kinalaman dito, sapagkat iyan ang tungkulin ng CHR,” diin ni Abante. (Wakas)
oooooooooooooooooo
Commentary Opinion
Interes ng publiko sa mahahalagang isyung kinahaharap ng mga Pilipino nabuhay sa pagdinig ng House Quad Com
Bagamat natapos na ang pagdinig, naniniwala ang isa sa mga lider ng House Quad Committee na kanilang nabuhay ang interes ng publiko, partikular ang mga bagong henerasyon, sa mga usaping panlipunan na kinakaharap ng mga Pilipino.
“Ito rin ay muling nagpaalab ng interes ng publiko, lalo na ng kabataan, na maging aktibo sa pagbuo ng bansa,” ani Abang Lingkod Party-list Rep. Joseph Stephen “Caraps” Paduano, co-chair ng House Quad Comm.
Ang Quad Comm ay isang joint panel na binubuo ng apat na komite sa Kamara: Dangerous Drugs, Public Order and Safety, Human Rights, at Public Accounts na itinatag sa bisa ng House Resolution (HR) No. 1880 at nagsimula ng sesyon noong Agosto ng nakaraang taon.
Nakapagsagawa ang komite ng 15 pagdinig, kung saan lumabas ang mga matitinding testimonya na naglantad ng pagkakasangkot ng Chinese criminal syndicates, mga opisyal ng pulis, at mga miyembro at opisyal ng nakaraang administrasyon sa iba't ibang anomalya.
Bilang chairman ng House Committee on Public Accounts, taos-pusong nagpasalamat si Paduano sa publiko sa kanilang malaking interes at aktibong pakikilahok sa mga pagdinig na ipinalabas online at umani ng mataas na bilang ng mga manonood.
“Alam natin na nakinig sila nang mabuti sa mga talakayan at debate, madalas ay nagbabantay hanggang hatinggabi – at kung minsan pa nga ay lampas dito – para masaksihan ang mga kaganapan sa mga imbestigasyong ito,” ani Paduano.
Inihalimbawa niya ang pagdinig na dinaluhan ni dating Pangulong Rodrigo Roa Duterte, na umani ng mahigit 1.9 milyong views sa opisyal na Facebook page ng Kamara.
“Sa kanyang testimonya, kusang inamin ni dating Pangulong Duterte, kasama ang iba pang mga bagay, na iniutos niya sa Philippine National Police (PNP) na patayin ang mga pinaghihinalaang drug personalities kung lalaban sa aresto, o kung hindi naman, pilitin silang lumaban upang bigyang-katwiran ang paggamit ng marahas na pwersa,” saad ni Paduano.
Binanggit din niya ang pagkawala ni Atty. Harry Roque, na nasampahan ng contempt dahil sa pagliban sa mga pagdinig at hindi pagsumite ng mga financial records, na una nitong ipinangako.
“Mula noon, iniiwasan ni Atty. Roque ang mga awtoridad at iniwan ang bansa sa mga kahina-hinalang pangyayari, na nagmumungkahi ng posibleng pagkakasangkot sa mga criminal syndicates,” ani Paduano.
Binanggit din ni Paduano ang testimonya ni dating PCSO General Manager Royina Garma, na nagpatunay under oath na ang “reward system” para sa pag-neutralize sa mga drug suspects ay ginaya mula sa sistema ng Davao City at ipinatupad sa buong bansa.
Dagdag pa niya, maraming nakaka-antig na pagkakataon ang nagmula sa mga nagdadalamhating pamilya ng mga biktima ng war on drugs.
“Ang mga pamilyang naglakas-loob na lumabas ay ginawa ito nang may malaking tapang, sa kabila ng panganib, upang ilahad ang sistematikong pang-aabuso at mga institutional na pagkukulang na nagpayagan sa mga kalupitan na maganap nang walang pananagutan,” saad pa ng mambabatas.
Sa nalalapit na pagtatapos ng ika-19 na Kongreso, nagbigay si Paduano ng hamon sa mga susunod na mambabatas.
“Sa diwang iyon, iniiwan namin ang hamon sa darating na Kongreso at sa mga lider nito – na ipagpatuloy at palawakin pa ang pundasyong inilatag ng Quad Comm,” aniya.
“Dito ko po kayo ipinapaalam, ngunit ang laban natin ay nagpapatuloy para sa isang makabago, maunlad, at malinis sa katiwalian na Pilipinas,” pagtatapos ni Paduano. (END)
_______________
AFTER NEWS COMMENTARY
“Quad Comm Hearings: Pagtindig para sa Katotohanan, Panawagan sa Kabataan”
Magandang umaga po sa lahat ng tagapakinig ng Katropa sa Kamara.
Sa pagtatapos ng mga pagdinig ng House Quad Committee, malinaw na may isang bagay na napukaw — ang damdaming makabayan at ang muling pagbangon ng interes ng publiko sa mahahalagang isyung panlipunan.
At sa gitna ng lahat ng ito, isa sa mga boses ng paninindigan ay si Rep. Joseph Stephen “Caraps” Paduano, chairman ng House Committee on Public Accounts at co-chair ng Quad Comm.
Muling pagbuhay sa kamalayan
Ayon kay Rep. Paduano, hindi lamang mga mambabatas ang naging bahagi ng imbestigasyon — kundi ang mismong sambayanang Pilipino.
Isipin natin: mahigit 1.9 milyong manonood ang tumutok sa Facebook livestream ng pagdinig kung saan humarap si dating Pangulong Rodrigo Duterte.
Sa panahon ng Netflix, TikTok at fast content, ang ganitong atensyon ay patunay ng malalim na interes ng mga Pilipino, lalo na ng kabataan, sa usaping katarungan at pananagutan.
“Ang ating kabataan, na madalas ay tinatawag na disengaged, ay aktibong sumubaybay. Tumutok. Nakialam. Nakiisa.”
Katapangan ng mga testigo, kahihiyan ng mga tumalikod
Sa kanyang pahayag, binigyang-pansin ni Rep. Paduano ang kabayanihan ng mga pamilyang nawalan ng mahal sa buhay sa giyera kontra droga — mga ordinaryong mamamayan na humarap, lumaban, at nagsalita.
Sa kabilang banda, binatikos niya rin ang mga personalidad na tumalikod at umiwas — gaya ni Atty. Harry Roque, na sa halip na tumupad sa obligasyong magsumite ng dokumento, ay umalis sa bansa sa kahina-hinalang sitwasyon.
Tinalakay rin ang testimoniya ni dating PCSO GM Royina Garma na nagsiwalat ng reward system para sa mga pulis — isang sistemang nag-ugat sa Davao at ipinatupad sa buong bansa.
Isang testimonya na nagdudugtong sa “Davao model” at sa malawakang EJKs na umani ng batikos mula sa loob at labas ng bansa.
Panawagan para sa pagpapatuloy ng laban
Hindi lang pag-uulat ang ginawa ni Paduano — nag-iwan siya ng panawagan sa mga susunod na kongresista:
“Ipagpatuloy ang laban. Palawakin ang nasimulan. Buhayin ang katarungan.”
Sa dami ng mga ipinakitang ebidensya, testimonya, at kabayanihan, hindi na puwedeng basta na lang isarado ang mga aklat ng Quad Comm hearings.
Dahil dito, sinasabi ni Rep. Paduano: ang laban ay hindi nagtatapos sa huling martilyo ng imbestigasyon — ito ay nagsisimula sa aksyong susunod.
Pagninilay sa ating papel bilang mamamayan
Bilang tagapaghatid ng balita at impormasyon, nais naming bigyang-diin na ang pagkakamit ng hustisya ay hindi responsibilidad lamang ng gobyerno — kundi ng bawat Pilipino.
Ang ating pakikilahok, pagtutok, at pag-unawa ay hugis ng isang aktibong demokrasya.
At kung nais nating lumaya sa nakaraan ng pang-aabuso at katiwalian, dapat nating panindigan ang ating karapatan sa katotohanan.
“Dito ko po kayo ipinapaalam,” ani Rep. Paduano, “ngunit ang laban natin ay nagpapatuloy para sa isang makabago, maunlad, at malinis sa katiwalian na Pilipinas.”
At dito rin, mga ka-Katropa, nagsisimula ang ating tungkulin.
Hindi lamang makinig — kundi manindigan, makialam, at kumilos.
Ito po ang inyong lingkod sa Katropa sa Kamara, nagsasabing:
Ang katotohanan ay hindi nauupos. Ang katarungan ay hindi naluluma. Ang laban ay buhay pa.
oooooooooooooooooo
Chairman Abante sa pagtatapos ng House Quad Comm hearings: Ipagpatuloy hakbang para makamit ang hustisya
Binigyang diin ni Manila Rep. Bienvenido “Benny” Abante ang kahalagahan ng pagpapatuloy ng mga hakbang upang makamit ang hustisya, labanan ang katiwalian at kawalan ng pananagutan sa pagtatapos ng pagdinig ng House Quad Committee.
Ang hustisya, ani Abante, isa sa mga co-chair ng Quad Comm, ay hindi makakamit sa isang pagdinig o sa paghahain ng isang panukala lamang lalo na kung nilalabanan ito ng sistema.
Pinuri ni Abante, chairman ng House Committee on Human Rights, ang 15 pagdinig na isinagawa ng Quad Committee na patunay aniya ng prinsipyo at tapang sa pagsisilbi sa publiko, sa kabila ng mga banta at kasinungalingan.
“It is the tenacity of the Quad Comm – our refusal to turn a blind eye to injustice, our steadfast commitment to the truth – that brought us here,” sabi ni Abante
“We were not deterred by threats. We were not discouraged by lies,” aniya.
Ang House Quad Comm, na binubuo ng Committee on Human Rights, Public Order and Safety, Public Accounts, at Dangerous Drugs, ay nagtapos ng kanilang imbestigasyon hinggil sa ugnayan ng mga kriminal na gawain at mga dayuhang POGO, kabilang ang ilegal na droga at extrajudicial killings (EJKs).
“Let the 15 hearings of the Quad Comm remind one and all: in challenging missions such as ours, we need to be tenacious!” pahayag ni Abante.
Giit pa niya na ang mga pinapanagot ay hindi lamang mga walang kapangyarihan o walang organisasyon.
“We are up against syndicates of silence, cabals of corruption, and a culture of compromise that have allowed evil to thrive,” ani Abante.
“If we are not tenacious, we lose ground. If we stop fighting, impunity wins,” dagdag niya.
Ipinahayag din ni Abante ang kanyang kumpiyansa na ang ginawa ng komite ay nagtanim ng binhi ng pag-asa sa hanay ng pagod nang mamamayan.
“Pag-asa na maririnig din ang tinig ng mga pinatahimik. Pag-asa na mapanagot din ang mga may sala. Pag-asa na ang hustisya, bagamat naaantala, ay hindi maipagkakait.”
Binigyang-diin niya na sa isang bansa kung saan matagal nang umiiral ang kawalan ng pananagutan, ang pagpupursigi ay hindi na isang opsyon—ito ay isang pangangailangan.
“Sa isang bansang sanay na sa kawalan ng pananagutan, ang katatagan ay hindi lang kahanga-hanga – ito’y kinakailangan,” ani Abante.
Nagpasalamat din siya sa mga kapwa mambabatas sa ika-19 na Kongreso, at sinabing ang kanilang paninindigan para sa katotohanan at pananagutan ay nagtataas ng pamantayan para sa mga susunod na lingkod-bayan.
“Your resolve has shown the Filipino people what public service can look like - principled, persistent, and persevering,” aniya.
Hinimok ni Abante ang mga bagong mambabatas sa papasok na 20th Congress na ipagpatuloy ang nasimulan ng Quad Comm.
“The torch is now in your hands. May you be as tenacious as those who came before you. May you never tire of seeking truth, serving the people, and fighting for what is right,” ani Abante.
“Let us not faint. Let us not falter. Let us always be tenacious. And in God’s time, we shall reap a harvest of justice,” (END)
______________
AFTER NEWS COMMENTARY
“Pagpupursigi sa Katotohanan: Ang Mensahe ni Chairman Benny Abante sa Pagwawakas ng Quad Comm Hearings”
Magandang araw po sa lahat ng tagapakinig ng Katropa sa Kamara.
Ngayong linggo, ating nasaksihan ang makasaysayang pagtatapos ng 15 pagdinig ng House Quad Committee — isang serye ng imbestigasyon na sumalamin sa matitinding isyung kinaharap ng bansa: extrajudicial killings, operasyon ng POGOs, human trafficking, identity fraud, at droga.
Sa kanyang makapangyarihang pahayag, binigyang-diin ni Manila Rep. Benny Abante — isang kilalang tagapagtanggol ng karapatang pantao at tagapagtaguyod ng prinsipyo — na hindi rito nagtatapos ang laban.
“Sa isang bansang sanay na sa kawalan ng pananagutan, ang katatagan ay hindi lang kahanga-hanga – ito’y kinakailangan.”
Ipinaglaban sa harap ng panganib
Hindi naging madali ang naging trabaho ng Quad Comm. Maraming banta, paninira, at pagsisinungaling ang kinaharap ng mga miyembro nito. Ngunit ayon kay Rep. Abante:
“We were not deterred by threats. We were not discouraged by lies.”
Sa ating kasaysayan, madalas na binabayaran ng mahal ang pagsisikap na isiwalat ang katotohanan. Ngunit ang mga lider na tulad ni Abante at ng kanyang mga kasamahan ay piniling ipaglaban ito — hindi para sa sarili, kundi para sa sambayanang Pilipino.
Ang hamon sa bagong Kongreso
Hindi tinapos ni Abante ang kanyang mensahe na may poot o panghihinayang. Sa halip, ito ay naging paalala at hamon:
“The torch is now in your hands… May you never tire of seeking truth, serving the people, and fighting for what is right.”
Ito po ay mahalagang paalala para sa mga bagong halal na mambabatas sa 20th Congress. Ang tungkulin ng lingkod-bayan ay hindi lang bumoto sa panukala — kundi manindigan sa prinsipyo. Hindi sapat ang popularidad; ang tunay na pamumuno ay nasusukat sa paninindigan sa oras ng panganib at kahirapan.
Ang pag-asa sa kabila ng kawalang-katarungan
Bagamat maraming isiniwalat ang Quad Comm — mga sindikato, katiwalian, at sabwatan — ang mensahe ni Chairman Abante ay hindi galit kundi pag-asa.
“Pag-asa na maririnig din ang tinig ng mga pinatahimik. Pag-asa na mapanagot ang mga may sala. Pag-asa na ang hustisya, bagamat naaantala, ay hindi maipagkakait.”
At ito po ang napakahalagang aral: ang hustisya ay hindi minamadali, pero kailanma’y hindi dapat bitawan.
Panghuling pananaw
Sa mga naglilingkod na tunay, tulad ni Rep. Benny Abante, ang serbisyo publiko ay hindi drama sa kamera kundi sakripisyong tahimik ngunit matatag.
At sa mga tulad niyang naninindigan, ang sambayanan ay hindi kailanman mawawalan ng pag-asa.
Ito po ang inyong lingkod sa Katropa sa Kamara, nagpapaalala:
Ang laban para sa katotohanan ay maaaring mahaba — ngunit kailanman, hindi ito mawawalan ng saysay.
Sa dulo ng bawat pagdinig, may panibagong simula.
At sa dulo ng bawat sakripisyo, may ani ng hustisya — sa tamang panahon ng Diyos.
oooooooooooooooooo
“Kahit may kapalit, ipinaglaban natin ang tama at ang ating bansa” – Chairman Fernandez
Hindi umano pinagsisisihan ni Santa Rosa Rep. Dan Fernandez, isa sa mga co-chairman ng House Quad Comm, ang pagsasagawa ng imbestigasyon para sa paghahanap ng katotohanan at katarungan kahit pa nagkaroon ito ng kapalit.
“Hindi natin alam ang buong katotohanan – of course there were several other factors – pero ang sigurado po ako: hinding-hindi ko pinagsisisihan na ipinaglaban ko ang ating bansa,” ayon kay Fernandez, chairman ng House Committee on Public Order and Safety, sa kanyang closing statement sa huling pagdinig ng Quad Comm.
“Maraming nagsasabi na matindi ang naging demolition job hindi lang laban sa akin, kundi sa ilan sa mga kasamahan kong matagal nang nagsusulong ng mga isyung mahalaga para sa bayan. Sabi ng iba, ito daw pagsama ko sa Quad Comm ang dahilan kung bakit hindi ako nanalo,” dagdag pa ng mambabatas.
Ayon kay Fernandez sulit ang panganib na kanilang hinarap upang mailantad kung paano inabuso ng ilang POGO ang batas, sinamantala ang kabaitan ng mga Pilipino, at nagpasok ng katiwalian, karahasan, at kasamaan sa mga komunidad.
“Tinanggap natin sila noon – siguro dahil umaasa tayong may mabuting maidudulot ito. Na baka, kahit papaano, ay mapabuti ang ating kabuhayan. Pero ang nangyari, inabuso tayo. Ginamit ang ating kabaitan. Ginamit ang ating batas. At higit sa lahat, ipinasok dito sa ating bayan ang katiwalian, ang karahasan at ang kasamaan,” ayon pa sa kongresista.
Bilang isang ama, sinabi ni Fernandez na nararamdaman niyang kailangang kumilos dahil ang mga susunod na henerasyon ang maaapektuhan kung walang gagawin ang pamahalaan.
“Ako po ay isang ama. At bilang isang tatay, hinding-hindi ko hahayaang ang mga anak natin – ang kabataan – ang siyang magdusa dahil sa ating kawalan ng paninindigan,” aniya.
Ipinahayag din ni Fernandez ang kanyang pagkadismaya sa paulit-ulit na pagtanggi at pag-iwas ng ilan sa mga humarap sa mga pagdinig, na aniya’y tila pambabastos at insulto sa sambayanang Pilipino.
“Habang sinusubukan nating hanapin ang katotohanan sa mga pagdinig na ito, paulit-ulit nating narinig ang mga salitang ‘hindi ko po maalala, Your Honor.’ Hindi puwede na basta ganun na lang,” giit niya.
“Hindi natin pwedeng hayaan na ang ‘hindi nila maalala’ ay gawing pamamaraan upang iligaw tayo sa katotohanan,” dagdag pa ni Fernandez.
Kahit na minsan naging dahilan ng katatawanan at memes ang pagdinig, iginiit ni Fernandez na seryoso at mahalaga ang mga isyung tinalakay.
“Oo, marami ang natawa. Naging memes pa nga ito. Pero sa totoo lang, kung iisipin natin nang malalim, nakakalungkot. Nakakagalit. Dahil para bang binabastos ang ating bayan, ang ating mga ahensiya, at ang ating mga batas,” saad pa nito.
Nagbabala rin si Fernandez na hindi dapat ipagwalang-bahala o kalimutan ang mga krimeng lumitaw sa mga pagdinig ng komite.
“Ang pinag-uusapan po natin dito ay hindi simpleng kalimot. Ang pinag-uusapan po natin ay money laundering. Human trafficking. Obstruction of justice. Hindi biro ito. Hindi ito dapat balewalain,” ani Fernandez.
Ayon sa mambabatas ang imbestigasyon ay nagdala ng pag-asa at panawagan sa mga Pilipino na patuloy na ipaglaban ang katotohanan at katarungan.
“Sa kabila ng lahat ng ito, ako po ay nananatiling may pag-asa. Na kahit masakit, kahit mahirap, ang tama ay tama – at kailangang ipaglaban,” pagtatapos ni Fernandez. (END)
———————————-
AFTER NEWS COMMENTARY
“Hindi Pagkatalo, Kundi Paninindigan: Ang Aral sa Mensahe ni Rep. Dan Fernandez”
Magandang araw po sa ating mga tagapakinig ng Katropa sa Kamara.
Ngayong linggo, kasabay ng pormal na pagtatapos ng imbestigasyon ng House Quad Committee, isang makapangyarihang pahayag ang ibinahagi ni Rep. Dan Fernandez — ang kanyang closing statement na masasabing isang personal na repleksiyon, isang paninindigan, at isang hamon sa buong sambayanan.
Sa mga salitang:
“Hinding-hindi ko pinagsisisihan na ipinaglaban ko ang ating bansa”
naroon ang bigat ng sakripisyo, at ang linaw ng kanyang paninindigan — kahit pa, sa sariling mga salita niya, ito raw ang naging sanhi ng kanyang pagkatalo sa halalan.
Hindi lahat ng laban ay sinusukat sa boto
Mga kababayan, ito po ang paalala: may mga panalo na hindi nakikita sa resulta ng eleksyon. Ang mga panalong naipaglalaban sa ngalan ng katotohanan, ng prinsipyo, ng dangal ng ating bayan — ito ang uri ng tagumpay na hindi kayang tabunan ng memes, trolls, o balitang panandalian lang.
Sa panahong laganap ang takot, pananahimik, at pagkakibit-balikat sa harap ng katiwalian, ang ginawa ni Rep. Fernandez ay tila pagsisindi ng ilaw sa madilim na sulok ng gobyerno — isang hakbang na marami ang iniiwasan, ngunit siya ay humarap.
Kapalit ng pagsisiwalat ang pambabatikos
Sa kanyang pag-amin, sinabi niya:
“Oo, marami ang natawa. Naging memes pa nga ito. Pero sa totoo lang, kung iisipin natin nang malalim, nakakalungkot. Nakakagalit.”
At ito po ang masakit na realidad: sa panahong ang mga seryosong isyu gaya ng human trafficking, money laundering, at extrajudicial killings ay ginagawang biro o content sa social media, sino pa ba ang natitirang handang tumindig para sa katotohanan?
Ngunit gaya ng isang ama — na sa kanyang sariling mga salita, ayaw masadlak sa gulo ang kinabukasan ng kanyang mga anak — pinili niyang magsalita, kumilos, at manindigan.
Pagpupugay sa mga tumindig
Ang ganitong klaseng liderato ay hindi perpekto, pero tunay.
Hindi ito nagkukubli sa mababangis na alyansa, hindi natatakot sa resulta ng halalan, at higit sa lahat — hindi nabibili ng tahimik na pagkampihan.
Hindi ito pagtatapos ng imbestigasyon lamang. Ito ay pagsisimula ng mas malalim na tanong:
• May mananagot ba?
• May mangyayari ba sa mga rekomendasyon ng Quad Committee?
• O mananatili na lamang ba itong bahagi ng Congressional archives?
Isang paalala sa ating lahat
Mga kababayan, tulad ng sinabi ni Rep. Fernandez:
“Ang tama ay tama – at kailangang ipaglaban.”
Ang tanong ngayon: Sino ang susunod na maninindigan?
Ito po ang inyong lingkod, sa Katropa sa Kamara, nagsasabing:
Hindi po kabiguan ang pagtindig sa tama — ito po ang pinakamatapang na uri ng tagumpay.
Mabuhay po ang mga lider na inuuna ang bayan bago ang sarili.
oooooooooooooooooo
Dating PCSO Chief Garma nakakulong pa rin sa US— DFA
Nananatiling nakakulong si dating Philippine Charity Sweepstakes Office (PCSO) general manager at retired police colonel Royina Garma sa isang pasilidad ng U.S. immigration ayon sa opisyal ng Department of Foreign Affairs (DFA) na humarap sa pagdinig ng House Quad Comm.
Kasunod ito ng pinalabas na expedited removal order laban sa kaniya nang dumating siya sa San Francisco noong huling bahagi ng nakaraang taon.
“This is confirmed based on the latest information from our Philippine Consulate General in Houston,” sinabi ni DFA Passport Division Assistant Director Charlie Florian Prenicolas sa House Quad Comm, na pormal nang nagtapos ng imbestigasyon nito sa mga umano’y extrajudicial killings na may kaugnayan sa madugong war on drugs ng administrasyong Duterte at iba pang pag-abuso.
“Ms. Garma remains in detention at the South Louisiana Immigration and Customs Enforcement Processing Center because detainees are unable to receive calls per U.S. regulations,” dagdag ni Prenicolas.
Sinabi rin ng opisyal ng DFA na nakipag-ugnayan na ang konsulado ng Pilipinas sa U.S. immigration authorities para sa kapakanan ni Garma.
“Our consulate in Houston has provided its contact information to ICE (U.S. Immigration and Customs Enforcement) with the request that this be conveyed to Ms. Garma. The consulate was given the assurance that the contact information of the consulate had been relayed to Ms. Garma,” ani Prenicolas.
“And the consulate also has not been contacted yet by Ms. Garma as of today,” dagdag niya.
“Mr. Chair, I was in coordination with our consul in Houston and this is the latest information,” aniya.
Nang tanungin tungkol sa batayan ng pagkakakulong ni Garma, tugon ni Prenicolas: “According to the reports from the Philippine Consulate and based on the information gathered from our consulate, Mr. Chair, Ms. Garma was issued an expedited removal order upon her arrival in San Francisco which is currently under appeal din po.”
Saad pa niya: “She was scheduled to appear in court last December 2024 in Louisiana and again, she remains detained at that processing center. That was the only information from our Philippine Consulate.”
Ang patuloy na pagkakakulong ni Garma ay nangyari ilang buwan matapos siyang manumpa para tumestigo sa harap ng House Quad Comm, na binubuo ng mga Committee on Dangerous Drugs, Public Order and Safety, Human Rights, at Public Accounts.
Si Garma, na dating nagsilbi bilang hepe ng pulisya ng Cebu City, ay isa sa ilang mga opisyal ng pulisya na ipinaimbita upang ipaliwanag ang kanilang naging papel sa madugong anti-drug operations noong administrasyon ni dating Pangulong Rodrigo R. Duterte.
Sa kanyang testimonya, inamin ni Garma na personal siyang tinawagan ni Duterte bandang alas-singko ng umaga ilang araw bago ang kanyang inaugurasyon noong 2016 upang tumulong maghanap ng pulis na kayang ipatupad ang tinatawag na “Davao model” sa buong bansa.
Inamin ni Garma na may mga gantimpalang o rewward na ibinibigay sa mga pulis para sa matagumpay na drug operations—kabilang na ang bayad para sa pagkamatay ng mga suspek.
Aniya, nanahimik siya tungkol sa sistemang ito hanggang sa siya ay pinilit magsalita sa harap ng Kongreso, at idinagdag niyang natatakot siya para sa kanyang kaligtasan at para sa kanyang pamilya.
Nadawit din si Garma sa pagpatay kay PCSO board member Wesley Barayuga noong 2020, na muling siniyasat ng komite. Ayon sa ilang testigo, sina Garma at Leonardo umano ang nag-utos ng pagpatay na itinanggi n ani Garma. (END)
__________________
AFTER NEWS COMMENTARY
“Pagkakakulong ni Garma sa US: Babala, Simbolo, at Panawagan ng Pananagutan”
Mga giliw na tagapakinig, isang balitang pumukaw sa pansin ng marami ang kinumpirma ngayong linggo sa pagdinig ng House Quad Committee: nananatiling nakakulong sa Estados Unidos ang dating PCSO General Manager at dating hepe ng pulisya ng Cebu City, Col. Royina Garma.
Hindi dahil sa kasong kriminal sa Pilipinas, kundi dahil sa ipinataw na expedited removal order ng US immigration matapos niyang dumating sa San Francisco noong nakaraang taon. Kasalukuyan siyang nakadetine sa South Louisiana ICE Processing Center — malayo sa kapangyarihan at impluwensyang kanyang taglay noon.
Simbolo ng pagkakahuli ng sistema?
Ang kanyang pagkakakulong sa isang banyagang lupa ay tila simbolikong larawan ng isang bumagsak na sistema ng kapangyarihan. Mula sa pagiging pangunahing tagapagpatupad ng tinaguriang “Davao model” ng anti-drug campaign, ngayon ay isa na siyang detinidong pinaghihinalaang may kinalaman sa mga sistemikong pag-abuso sa karapatang pantao.
Hindi natin puwedeng balewalain ang inamin niyang mga detalye sa Kongreso:
• Ang pagtawag ni dating Pangulong Duterte sa kanya,
• Ang “reward system” para sa mga patay na drug suspect,
• At ang kanyang katahimikan noon, na ngayo’y sinasabing bunga ng takot.
Bakit mahalaga ito?
Ang kasaysayan ay lumalakad sa direksyong hindi natin inaasahan. Hindi kailangang sa Pilipinas managot ang isang opisyal. Kung minsan, ibang bansa pa ang magbibigay ng unang hakbang ng katarungan. Ngunit ito rin ay paalala sa atin: kapag hindi natin nililinis ang ating hanay, ibang bansa ang kikilos.
Kahit pa ito ay immigration-related, ang pagkakakulong ni Garma ay sumasalamin sa patuloy na pananagutan na kinakaharap ng mga sangkot sa war on drugs. Hindi ito pagtatapos. Ito ay simula ng pagbubunyag ng katotohanan.
Ano ngayon ang tungkulin ng ating gobyerno?
Ang DFA, sa ulat nito, ay gumaganap ng obligasyon nitong tiyakin ang kapakanan ng bawat Pilipino, kabilang na ang mga nahaharap sa kaso sa ibang bansa. Ngunit higit pa rito, dapat ay magsilbi itong panimulang hakbang sa mas masusing domestic investigation:
• Ano ba talaga ang papel ni Garma sa mga EJK?
• Ano ang totoo sa paratang ng pag-utos ng pagpatay kay PCSO board member Wesley Barayuga?
• May iba pa bang katulad niya na naghihintay lang na matanong, masiyasat, at managot?
Sa huli, ang hamon ay hindi lamang kay Garma. Ang hamon ay para sa ating lahat.
Kung ang isang dating matataas na opisyal ay napapanagot — kahit sa ibang bayan — bakit hindi natin ito kayang gawin sa sarili nating teritoryo?
Ito po ang inyong lingkod sa Katropa sa Kamara, nagpapaalala:
ang hustisya ay maaaring mabagal, ngunit hindi ito nakakalimot.
At sa mata ng batas — lokal man o internasyonal — ang katotohanan ay hindi matatakasan.
oooooooooooooooooo
Contempt order laban kina Harry Roque, Michael Yang, inalis na ng Kamara
Inalis na ng House Quad Comm nitong Lunes ang contempt at detention order laban kina dating presidential spokesperson Harry Roque, kanyang asawa na si Mylah, dating presidential adviser Michael Yang, at dalawang iba pa, bago ang pormal na pagtatapos ng ilang buwang imbestigasyon nito hinggil sa kaugnayan ng Philippine offshore gaming operators (POGOs), sa ilegal na droga, at extrajudicial killings (EJKs) sa madugong kampanya kontra droga ng administrasyong Duterte.
Ang mega-panel—na binubuo ng mga Committee on Dangerous Drugs, Public Order and Safety, Human Rights, at Public Accounts—ay inalis din ang contempt at detention orders laban kina Police Col. Hector Grijaldo at Senior Police Officer 4 Arthur Narsolis.
“The motion to lift the contempt order for Col. Grijaldo, spouses Myla and Atty. Harry Roque, retired police officer Arthur Narsolis, and Mr. Michael Yang—so moved, Mr. Chairman,” sabi ni Abang Lingkod Rep. Joseph Stephen Paduano, isa sa mga co-chair ng Quad Comm.
“There is a motion to lift the contempt order… and it was duly seconded. Are there any objections? Hearing none, the motion is approved,” pahayag naman ni Quad Comm lead chair Surigao del Norte Rep. Robert Ace Barbers.
Si Paduano, na chair din ng Committee on Public Accounts, ay naghain ng isa pang mosyon para bawiin ang detention order laban kay Grijaldo.
“The motion to lift the detention order by this committee of Col. Grijaldo, duly seconded. Hearing no objections, the motion is carried,” kumpirmasyon ni Barbers.
Dalawang beses na-cite in contempt si Roque noong 2024—una dahil sa umano’y pagbibigay ng maling testimonya kaugnay kay Cassandra Ong, isang kinatawan ng POGO, at ikalawa dahil sa pagtangging isumite ang mga dokumento hinggil sa operasyon ng POGOs. Siya ay pansamantalang ikinulong at pinalaya matapos tumalima sa komite.
Sa kasalukuyan, may arrest warrant si Roque para sa kasong qualified human trafficking kaugnay ng Lucky South 99, isang POGO hub na ni-raid sa Porac, Pampanga. Inihahanda na ng mga pulis ang pagpapatupad ng warrant, habang humihingi ng asylum si Roque sa Netherlands.
Ang kanyang asawa na si Mylah ay ilang ulit din pinasubpoena dahil sa kanyang diumano’y papel sa pagbili ng mga ari-arian na kaugnay ng POGO hub. Inalis ang contempt order laban sa kanya kasabay ng kay Roque sa pagtatapos ng mga pagdinig ng komite.
Si Michael Yang na dating economic adviser ni dating Pangulong Rodrigo Roa Duterte, ay pina-subpoena noong 2024 kaugnay ng isang P3.6-bilyong drug bust sa Mexico, Pampanga at ilegal na operasyon ng POGOs.
Iniugnay din siya sa Empire 999 Realty Corp. at ilang negosyong pinamumunuan ng mga Chinese na sinasabing ginamit bilang front sa shabu trafficking.
Sa pagakaka-aresto ng kaniyang kapatid na si Tony sa Cagayan de Oro City noong nakaraang taon ay nabunyag ng mga bodega na diumano’y ginagamit sa parehong POGO at drug smuggling, dahilan upang ituring ng ilang mambabatas si Yang bilang “central figure” sa sindikatong nag-uugnay sa offshore gaming at ilegal na droga.
Si Grijaldo ay nakakulong sa Quezon City Police Station 6 mula pa noong Disyembre 2024 matapos paulit-ulit na hindi sumipot sa mga pagdinig tungkol sa EJKs sa ilalim ng kampanya kontra droga. Pinalaya siya nitong Lunes kasunod ng pormal na pag-alis ng contempt at detention orders.
Si Narsolis, na umano’y nag-utos sa dalawang hitman na patayin ang tatlong Chinese drug suspects sa Davao Penal and Prison Farm noong Agosto 2016, ay pinatawan din ng contempt matapos paulit-ulit na hindi dumalo sa mga pagdinig ng komite. Nanatiling at large si Narsolis at hindi kailanman humarap sa panel.
Ayon sa mga saksi, isinagawa niya ang operasyon sa utos umano ni dating pulis colonel at dating PCSO general manager na si Royina Garma.
Batay sa tala ng Komite, si Garma umano ang nag-utos kay Narsolis na “i-eliminate” ang mga suspek.
Ngayong nalusaw na ang kapangyarihan ng komite na magpataw ng contempt, pagsasamahin ang mga natuklasan nito sa isang final report para sa mga legislative recommendation at posibleng pag-uusig. (END)
__________________
AFTER NEWS COMMENTARY
“Pag-alis ng Contempt Order: Simula ng Hustisya, o Pagtalikod sa Katotohanan?”
Mga giliw na tagapakinig, matapos ang mahigit kalahating taon ng masusing pagdinig, opisyal nang tinapos ng House Quad Committee ang kanilang imbestigasyon sa isyu ng POGOs, illegal drugs, at extrajudicial killings. Ngunit bago tuluyang isarado ang kabanatang ito, isang kontrobersyal na desisyon ang inilabas: ang pag-alis ng contempt at detention orders laban sa ilang personalidad na naunang idiniin sa mga paglabag sa batas.
Bakit mahalaga ang pag-alis ng contempt order?
Ang contempt power ng Kongreso ay hindi basta-bastang kapangyarihan — ito ay isang sandata laban sa pagtangging tumugon, magsinungaling, o magtago ng katotohanan. At nang una itong ipinataw kina Harry Roque, Michael Yang, at iba pa, ito’y dahil sa pagbaluktot umano ng testimonya, hindi pagsusumite ng dokumento, at hindi pagdalo sa mga pagdinig.
Kaya’t ang biglaang pagbawi nito, lalo na’t may arrest warrant pa kay Roque, ay isang hakbang na kailangang siyasatin nang mabuti ng sambayanan.
Hustisya ba ito o political compromise?
Ang rason ng komite ay procedural — wala na silang contempt power dahil tapos na ang pagdinig. Subalit ang tanong: dapat bang buwagin ang pananagutan kung hindi pa naman ganap na naisusumite sa piskalya o Ombudsman ang mga findings?
May ilang nagsasabing ito’y maagang paglilinis ng pangalan, lalo na’t lumalapit na ang ika-20 Kongreso. May iba namang naniniwala na ito’y bahagi lamang ng due process, upang bigyang-daan ang mga pormal na kaso sa korte.
Subalit sa publiko, ang mensahe ay maaaring mag-iba: na ang mga makapangyarihan, o dating nasa poder, ay kayang laruin ang sistema.
Ano ang kahihinatnan ng mga imbestigasyong ito?
Ngayong lusaw na ang contempt order, inaasahang ilalabas ng Quad Committee ang kanilang final report — na maaaring magsilbing batayan sa pagsasampa ng mga kaso o pagbubuo ng mga bagong batas. Ang mga personalidad gaya nina Roque, Yang, at iba pa, bagamat pansamantalang hindi na nakakulong, ay hindi pa tuluyang ligtas sa batas.
Tandaan natin: ang contempt ay pansamantala lamang, ngunit ang accountability ay dapat permanente.
Panawagan sa publiko at sa Kongreso:
Hindi sapat ang pormal na pagtatapos ng pagdinig. Ang tunay na sukatan ay kung may makakasuhan, kung may makukulong, at kung may mababago sa sistema — upang hindi na maulit ang parehong mga pagkukulang at pag-abuso ng kapangyarihan.
Hindi ito pagtatapos, kundi dapat simula — simula ng hustisya, simula ng pagsingil sa katotohanan, at simula ng tunay na pananagutan.
Ito po ang inyong lingkod sa Katropa sa Kamara, nagsasabing: ang respeto sa batas ay hindi dapat nakakiling sa impluwensya. Ito’y dapat para sa lahat — pantay, malinaw, at may bisa.
oooooooooooooooooo
Joint Administrative Order kaugnay ng Balikbayan Boxes tagumpay para sa bawat pamilyang OFW -Acidre
Kinilala ni Tingog Partylist Rep. Jude Acidre, chairman ng House Committee on Overseas Workers Affairs ang Department of Migrant Workers (DMW) sa ginanap na flag raising ceremony noong Lunes sa DMW Central Office in Mandaluyong City.
Tampok sa okasyong ito ang pormal na paglagda sa makasaysayang Joint Administrative Order (JAO) para sa Balikbayan Boxes na magkatuwang na ipinatupad ng Department of Finance, Department of Trade and Industry, Department of Transportation, Department of Migrant Workers, Bureau of Customs, Fair Trade Enforcement Bureau, at Philippine Ports Authority.
“Today, we will witness the signing of a Joint Administrative Order that will fix long-standing regulatory issues and restore the dignity of a tradition that means so much to Filipino families,” ayon kay Acidre.
Ang JAO ay naglalayong palakasin ang regulasyon sa mga sea cargo freight forwarders na nangangasiwa ng balikbayan boxes. Layunin nitong pag-isahin ang mga pambansang polisiya, tukuyin ang mga lehitimong freight operators mula sa mga mapanlinlang, at tiyaking ligtas, maayos, at mabilia na naipapadala ang mga kahon sa kanilang mga padadalhan.
Pinangunahan ni Acidre ang inisyatiba, makaraan na ring makatanggap ng sunod-sunod na reklamo mula sa mga OFW kaugnay sa pagkakaantala, dagdag bayad, at mga nawawalang balikbayan boxes, at binigyan diin na: “Behind every remittance is a longing. Behind every tear is a strength the world doesn’t always recognize.”
Sa kanyang pagbabalik-tanaw sa 13 buwang panunungkulan bilang pinuno ng Komite, ibinahagi ni Acidre na ang kanyang trabaho ay hindi lamang batay sa paggawa ng batas, kundi sa pakikinig sa tunay na karanasan ng mga overseas Filipinos.
“This has been one of the most meaningful and rewarding roles I’ve ever been entrusted with in Congress,” ayon sa mensahe ni Acidre.
Sa panahong iyon, inilatag ng mambabatas ang walong pangunahing layunin katuwang ang DMW:
1. Isang pinagsanib na reporma sa reintegration policy – na bunga ng mungkahing Bagong Balikbayan Act, para sa komprehensibong suporta sa pagbabalik ng mga OFW.
2. Micro-credentialing para sa mga OFW – para kilalanin ang mga kasanayang nakuha sa ibang bansa sa pamamagitan ng mga mekanismong tulad ng Expanded Tertiary Education Equivalency and Accreditation Program (ETEEAP).
3. Pagsasama ng distance learning – katuwang ang mga institusyong pang-edukasyon gaya ng Polytechnic University of the Philippines (PUP), upang makapagpatuloy ng pag-aaral ang mga OFW habang nasa ibang bansa.
4. Paglaban sa ambulance chasing – sa pamamagitan ng Magna Carta of Filipino Seafarers na nagbibigay ng matibay na proteksyon sa mga marinong Pilipino.
5. Pagbuo ng OFW pension system – kasama ang Social Security System, para sa pangmatagalang financial security ng mga OFW.
6. Pagtatatag ng OFW Global Center sa Hong Kong – ang kauna-unahang pasilidad na nagbibigay ng legal aid, healthcare, at psychosocial services sa mga OFW.
7. Digital one-stop shop para sa mga serbisyo ng gobyerno – upang maging mas madali ang pag-access ng tulong at benepisyo sa pamamagitan ng mga mobile platform.
8. Rehabilitasyon ng National Maritime Polytechnic – may nakalaang pondo sa 2025 budget para sa modernisasyon ng pasilidad at pagsasanay sa maritime industry.
Binanggit din ni Acidre ang mga mahahalagang tagumpay sa lehislatura sa ilalim ng kanyang pamumuno sa komite: Ito ang:
- The Magna Carta of Filipino Seafarers, na ngayon ay naisabatas, upang tiyakin ang proteksyon at makatarungang kontrata para sa mga seafarers.
- The OFW Remittance Protection Act, na nagbibigay ng diskuwento sa remittance fees upang makatipid ang mga OFW para sa kanilang pamilya.
- The Financial Literacy for OFWs Act, na naglalayong turuan ang mga OFW at kanilang pamilya sa tamang pamamahala ng kita, matalinong pag-iinvest, at pag-iwas sa mga manloloko.
- The Bagong Balikbayan Act, na ginagawang pambansang polisiya ang mga programa sa reintegration.
Nagpasalamat naman si Acidre kay Speaker Ferdinand Martin Romualdez sa pagtitiwala na pangunahan ang komite, at kay DMW Secretary Hans Leo Cacdac sa suporta at pakikipagtulungan.
“This isn’t just my legislative work. This is now my personal commitment,” giit pa ni Acidre.
“Because at the heart of every policy, every law, every reform—we must remember that our OFWs are not just workers. They are people. They are family.” (END)
___________________
AFTER NEWS COMMENTARY
“Balikbayan Boxes: Mula Kahon ng Padala, Patungong Simbolo ng Dignidad ng OFW”
Mga giliw na tagapakinig, isang mahalagang tagumpay para sa ating mga kababayang overseas Filipino workers o OFWs ang isinulong at naipasa sa pamamagitan ng Joint Administrative Order (JAO) kaugnay ng balikbayan boxes — isang tradisyon ng pagmamahal at sakripisyo.
Ano ang kahalagahan ng JAO?
Ang JAO na pinangunahan ng Department of Migrant Workers (DMW) katuwang ang iba’t ibang ahensya ng pamahalaan ay hindi lamang regulasyong panteknikal, kundi isang makataong tugon sa matagal nang hinaing ng ating mga OFWs:
• Nawawalang kahon
• Pagkaantala sa delivery
• Dagdag na bayarin
• Kawalan ng accountability ng ilang freight forwarders
Tama ang sabi ni Rep. Jude Acidre: “Behind every remittance is a longing.” Sa likod ng bawat padala ay kwento ng sakripisyo, pagtitiis, at walang sawang pagmamahal ng isang Pilipinong manggagawa sa kanyang pamilya.
Ang balikbayan box ay hindi lang kahon — ito ay alaala, pangarap, at pagmamalasakit.
Kaya’t ang JAO ay dapat tingnan bilang panalo ng bawat pamilyang Pilipino na may mahal sa buhay na nagtatrabaho sa ibang bansa.
Isang Komiteng may Puso
Hindi rin matatawaran ang malawak na inisyatiba ni Rep. Acidre bilang chairman ng House Committee on Overseas Workers Affairs. Sa halip na manatili sa papel at panukala, ibinaba niya ang serbisyo sa mismong antas ng OFW — mula sa paglalatag ng OFW Pension System, pagtatag ng Global Center sa Hong Kong, hanggang sa pagtatanggol sa mga seafarers laban sa ambulance chasing.
Sa loob ng mahigit isang taon, ang kanyang liderato ay nagbigay ng direksyon, proteksyon, at pagkilala sa dignidad ng mga OFW — hindi lamang bilang “manggagawa,” kundi bilang tao, anak, magulang, at Pilipinong bayani.
Ang panawagan:
Ngayong may malinaw na patakaran sa balikbayan boxes, tungkulin ng pamahalaan na mahigpit na ipatupad ito, bantayan ang mga mapanlinlang na forwarders, at tiyakin na bawat padalang kahon ay makarating — buo, ligtas, at walang dagdag-abala.
Ang balikbayan box ay hindi lamang kalakal — ito ay damdamin ng pamilya. At anumang batas o patakaran na nagtatanggol sa damdaming ito, ay hakbang patungo sa tunay na serbisyo at makataong pamahalaan.
Mabuhay ang ating mga OFWs. Mabuhay ang pamilyang Pilipino.
oooooooooooooooooo
SDS Gonzales: 100% tiyak na mananatiling Speaker si Romualdez sa 20th Congress
Tiwala si Senior Deputy Speaker Aurelio “Dong” Gonzales Jr. na mananatili si Speaker Ferdinand Martin G. Romualdez bilang pinuno ng Kamara de Representantes sa 20th Congress dahil sa malawak na suporta mula sa mga bagong halal na mambabatas at magandang rekord ng pamumuno nito.
“Ako, I believe 100% siya pa rin ang magiging Speaker of the House ng 20th Congress,” ani Gonzales sa isang ambush interview sa media.
Ibinahagi ni Gonzales na 285 na mambabatas-elect na ang lumagda sa isang manifesto ng suporta kay Romualdez, na aniya’y malinaw na patunay ng pagkakaisa at pagtitiwala sa liderato ng Speaker.
“The mere fact na may pumirma nang 285 for the 20th Congress, that is a manifestation na talagang gusto nila ‘yung liderato ng ating nakaupong Speaker,” aniya. “Ganoon lang ka-simple ’yun.”
Itinanggi rin niya ang anumang pahiwatig na ang Kamara ay nahahati.
“Wala po ako nakikitang division ng Congress because of the leadership of our Speaker, Speaker Martin Romualdez,” giit niya.
Ang mga pahayag ay kasunod ng mga naging pahayag ni Deputy Speaker Duke Frasco, na kamakailan ay nagpahayag ng mga alalahanin tungkol sa internal na dinamika sa loob ng Kamara.
Nauna nang tinanggal si Frasco mula sa National Unity Party (NUP), umano'y dahil sa kanyang desisyong huwag lumagda sa manifesto ng suporta para kay Speaker Romualdez para sa ika-20 Kongreso.
“Regarding naman doon sa statement ni Duke Frasco, ni Deputy Speaker, kasama ko ’yang Deputy Speaker. I am the Senior Deputy Speaker and he is one of the Deputy Speakers. Palagi naman ’yan nagpre-preside, we have the schedule to preside. Ginagawa naman niya ’yung tungkulin niya at hindi ko alam kung bakit may ganitong isyu,” ani Gonzales.
Nilinaw rin niya na hindi pa sila nagkausap ni Frasco mula noong election break at wala siyang alam sa anumang plano na alisin ito bilang Deputy Speaker.
“Hindi ko po ’yun masasagot… Wala po ako alam na [ganoon],” dagdag pa niya.
Tungkol naman sa mga posibleng hindi pagkakaunawaan sa liderato ng Kamara, mariing itinanggi ni Gonzales na mayroong ganito.
“Wala po. Andito po ako halos araw-araw. Wala po ako alam na hindi pagkakaintindihan ng liderato,” aniya. “Ang ating Speaker, nakikita n’yo naman po kung paano magtrabaho every day.”
Nagbigay rin siya ng komento sa posibilidad na mas marami pang mambabatas ang lalagda sa manifesto.
“Palagay ko po, meron lang nag-yes na wala [pa sa list], pero they will sign the manifesto of support of the Speaker,” ani Gonzales.
Nang tanungin tungkol sa umano’y mga frustrasyon sa Visayas at Mindanao, mariing itinanggi ito ni Gonzales.
“All Congresspersons in Luzon, Visayas and Mindanao are all happy… Wala po akong naririnig na mayroong ganyang issue sa liderato ni Speaker Martin Romualdez,” aniya.
Ipinunto niya na ang suporta ng Speaker ang isa sa mga pangunahing dahilan ng tagumpay sa halalan ng maraming mambabatas. (END)
_________________
AFTER NEWS COMMENTARY
“Romualdez: Isang Lideratong Walang Kapantay — o May Umiinog na Sigalot?”
Mga giliw na tagapakinig, isang napakalinaw na pahayag ang inilabas ni Senior Deputy Speaker Aurelio “Dong” Gonzales Jr. kamakailan: 100% tiyak na mananatiling Speaker ng Kamara si Ferdinand Martin G. Romualdez sa nalalapit na ika-20 Kongreso.
Pero ang tanong: sapat na ba ang 100% na tiwala — kung may bahid ng hindi pagkakaisa?
Hindi po maikakaila ang lakas ng suporta:
• 285 na mambabatas-elect ang lumagda na sa manifesto ng suporta.
• Walang nakikitang “division” sa Kamara, ayon kay Gonzales.
• At ayon pa sa kanya, “lahat ng mambabatas mula Luzon, Visayas, at Mindanao ay masaya.”
Ngunit sa likod ng mga positibong pahayag na ito, hindi rin maiiwasan ang mga kumukulong usapin sa ilalim ng ibabaw:
1. Pagkalas ni Deputy Speaker Duke Frasco sa opisyal na linya ng suporta.
2. Pagkakatanggal niya sa NUP dahil sa “pagsalungat” sa party position.
3. At ang tanong ng marami: Bakit may hindi lumagda? At bakit kailangan pang ulit-ulitin ang “buong suporta” kung talagang walang gusot?
Ang implikasyon:
Sa pulitika, kapag may sobra-sobrang pagdiin sa pagkakaisa, madalas ito ay senyales na may nararamdamang “bitak” — maliit man o malalim.
Hindi rin ito ang unang pagkakataon na ginamit ang manifesto of support bilang “political tool” — isang paraan upang magmukhang solid ang hanay, habang may mga tahimik na alinlangan sa loob.
Ang papel ng isang Speaker:
Sa anumang sistema ng pamahalaan, ang Speaker ng Kamara ay hindi lamang tagapamahala ng mga sesyon. Siya rin ang tagapagdikit ng mga mambabatas, tagabalanse ng kapangyarihan, at tagapagpatupad ng legislative agenda ng administrasyon. Kung siya ay may malawak na suporta — mainam ito para sa mabilis at epektibong lehislasyon.
Ngunit ang tunay na liderato ay sinusukat hindi sa dami ng lagda, kundi sa lalim ng pagtitiwala.
Sa ating mga kababayan:
Maganda ang inaasahang continuity sa pamumuno. Ngunit mahalaga ring manatiling mapagmasid at kritikal. Ang liderato ay hindi lang para sa iilang mambabatas — ito’y para sa sambayanang Pilipino.
Sa ika-20 Kongreso, ang tunay na sukatan ay hindi manifesto, kundi performance:
• Paano tutugunan ang krisis sa ekonomiya?
• Paano iinspeksyonin ang accountability sa POGO at EJK?
• Paano igigiit ang transparency sa budget at oversight sa mga ahensya?
Sa bandang huli, hindi numero ng pirma ang dapat bilangin. Kundi bunga ng pamumuno — at yan, mga kababayan, ang tunay na pagsusulit sa kahit sinong Speaker.
oooooooooooooooooo
No comments:
Post a Comment